gharib-KHane mein

ḳhudā kī qudrat vo naak apnī baḌe gharāne meñ ghis ga.e haiñ

jo aqrabā se akaḌ rahe the vo samdhiyāne meñ ghis ga.e haiñ

hamāre ghar tiin roz rah kar chale ga.e vo black-beauty

magar kam-az-kam pachās sābun ġharīb-ḳhāne meñ ghis ga.e haiñ

milī hai jab bhī unheñ vazārat assembly ho ga.ī muattal

hamārī millat ke rahnumā to halaf uThāne meñ ghis ga.e haiñ

jo tere vālid ne merī shādī pe ek joḌī diye the juute

vo tere maike kī shāh-rāhoñ pe aane jaane meñ ghis ga.e haiñ

sahar ko uThtī nahīñ haiñ begam baġhair tabla baġhair sargam

hamāre ghar ke tamām bartan unheñ jagāne meñ ghis ga.e haiñ

mushā.ere meñ sunā.ī ham ne jo DheḌh-sau sher kī musaddas

bahut se shā.er to rakkhe rakkhe hī shāmiyāne meñ ghis ga.e haiñ

KHuda ki qudrat wo nak apni baDe gharane mein ghis gae hain

jo aqraba se akaD rahe the wo samdhiyane mein ghis gae hain

hamare ghar tin roz rah kar chale gae wo black-beauty

magar kam-az-kam pachas sabun gharib-KHane mein ghis gae hain

mili hai jab bhi unhen wazarat assembly ho gai muattal

hamari millat ke rahnuma to halaf uThane mein ghis gae hain

jo tere walid ne meri shadi pe ek joDi diye the jute

wo tere maike ki shah-rahon pe aane jaane mein ghis gae hain

sahar ko uThti nahin hain begam baghair tabla baghair sargam

hamare ghar ke tamam bartan unhen jagane mein ghis gae hain

mushaere mein sunai hum ne jo DheDh-sau sher ki musaddas

bahut se shaer to rakkhe rakkhe hi shamiyane mein ghis gae hain