garmi dur bhaga de ya-rab

garmī duur bhagā de yā-rab

ab bārish barsā de yā-rab

ye sūraj ham insānoñ ko

dekh na ab jhulsā de yā-rab

saarī duniyā kum.hlā.ī hai

ThanDī havā chalā de yā-rab

naddī naale suukh ga.e haiñ

in meñ naav tirā de yā-rab

bāġhoñ ke sab phuul haiñ sūkhe

in kā ruup khilā de yā-rab

meñDak aur jheñgur so.e haiñ

ab to inheñ jagā de yā-rab

jin ke paas na ac cōler

jiinā unheñ sikhā de yā-rab

nazreñ sab kī Tikī haiñ tujh par

apnī shaan dikhā de yā-rab

khetoñ ko jal-thal kar de tū

fasleñ ḳhuub ugā de yā-rab

ham bachchoñ kī sun fariyādeñ

ab mat aur sazā de yā-rab

garmi dur bhaga de ya-rab

ab barish barsa de ya-rab

ye suraj hum insanon ko

dekh na ab jhulsa de ya-rab

sari duniya kumhlai hai

ThanDi hawa chala de ya-rab

naddi nale sukh gae hain

in mein naw tera de ya-rab

baghon ke sab phul hain sukhe

in ka rup khila de ya-rab

meinDak aur jhengur soe hain

ab to inhen jaga de ya-rab

jin ke pas na ac cooler

jina unhen sikha de ya-rab

nazren sab ki Tiki hain tujh par

apni shan dikha de ya-rab

kheton ko jal-thal kar de tu

faslen KHub uga de ya-rab

hum bachchon ki sun fariyaaden

ab mat aur saza de ya-rab