ghazal-e-shab ke sath

Khaleel Mamoon

ghazal-e-shab ke sath

Khaleel Mamoon

MORE BYKhaleel Mamoon

    maiñ yahāñ nahīñ thā

    maiñ vahāñ nahīñ thā

    dard-bhare āsmān meñ

    chīḳh ban ke

    ubhar rahā thā

    tañg ghāTiyoñ meñ

    guuñj ban rahā thā

    samundaroñ pe

    reza reza gir rahā thā

    maiñ yahāñ nahīñ thā

    kaale jañgaloñ ke ghor añdhere meñ thā

    rafta rafta sab siyāhī miT ga.ī

    saare jañgal

    kaT ga.e

    hayūle ghaTte ghaTte

    ġhazāl-e-shab bane

    añdhere chhaT ga.e

    abr ke siyāh TukḌe dhund ban ga.e

    chār-sū dhund phailtī ga.ī

    ikā.īyoñ ko duur duur tak bahātī

    chār-sū phailtī ga.ī

    dhund meñ

    ġhazāl-e-shab ne

    rafta rafta aañkh kholī

    zabān se kuchh na bolī

    haft-āsmānoñ se le ke

    taht-us-surā tak

    hazār-hā charāġh jal uThe

    raushnī se jal ga.ī

    ġhazāl-e-shab aañkh nuur thī

    ġhazāl-e-shab aañkh tuur thī

    rafta rafta

    raushnī ne raushnī ko

    apnī jānib khīñchā

    aur maiñ nuur meñ nahā gayā

    dūdhiyā siyah rañg

    chahār samt chhā gayā

    pāniyoñ zor

    baḌhne lagā

    sailāb aayā

    bāñdh TuuTe

    ret ke gharauñde

    miTTī ke gaañv

    pattharoñ ke shahr Dhah ga.e

    sub.h-o-shām ke kināre

    ek duuje se gale mil ga.e

    añdhere jism ke khañDar

    siyāh tāqoñ meñ

    diloñ ke sau charāġh jal ga.e

    rafta rafta

    ġhazāl-e-shab ne aañkh band

    aur

    saarā paanī khaa.ī taraf chalā gayā

    tez pāniyoñ meñ

    maiñ bhī aa gayā

    ab faqat

    maiñ raushnī meñ band huuñ

    aur

    añdheroñ ko taras rahā huuñ

    maiñ yahāñ nahīñ huuñ

    maiñ

    ġhazāl-e-shab ke saath huuñ

    maiñ

    ġhazāl-e-shab ke saath huuñ

    main yahan nahin tha

    main wahan nahin tha

    dard-bhare aasman mein

    chiKH ban ke

    ubhar raha tha

    tang ghaTiyon mein

    gunj ban raha tha

    samundaron pe

    reza reza gir raha tha

    main yahan nahin tha

    kale jangalon ke ghor andhere mein tha

    rafta rafta sab siyahi miT gai

    sare jangal

    kaT gae

    hayule ghaTte ghaTte

    ghazal-e-shab bane

    andhere chhaT gae

    abr ke siyah TukDe dhund ban gae

    chaar-su dhund phailti gai

    ikaiyon ko dur dur tak bahati

    chaar-su phailti gai

    dhund mein

    ghazal-e-shab ne

    rafta rafta aankh kholi

    zaban se kuchh na boli

    haft-asmanon se le ke

    taht-us-sura tak

    hazar-ha charagh jal uThe

    raushni se jal gai

    ghazal-e-shab ki aankh nur thi

    ghazal-e-shab ki aankh tur thi

    rafta rafta

    raushni ne raushni ko

    apni jaanib khincha

    aur main nur mein naha gaya

    dudhiya siyah rang

    chahaar samt chha gaya

    paniyon ka zor

    baDhne laga

    sailab aaya

    bandh TuTe

    ret ke gharaunde

    miTTi ke ganw

    pattharon ke shahr Dhah gae

    subh-o-sham ke kinare

    ek duje se gale mil gae

    andhere jism ke khanDar ki

    siyah taqon mein

    dilon ke sau charagh jal gae

    rafta rafta

    ghazal-e-shab ne aankh band ki

    aur

    sara pani khai ki taraf chala gaya

    tez paniyon mein

    main bhi aa gaya

    ab faqat

    main raushni mein band hun

    aur

    andheron ko taras raha hun

    main yahan nahin hun

    main

    ghazal-e-shab ke sath hun

    main

    ghazal-e-shab ke sath hun

    Source:

    • Book : saughat-pahli-kitab-magazines (Pg. 372)
    • Edition : 1991
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY