generation gap
mere bachche
mujh se ūñche nikal ga.e
merī qadreñ mere dukh-sukh bāñTne vaale
nanhe dost
baḌe hue to badal ga.e
merī nasīhat sun kar ab vo kabhī-kabhī jhuñjhlāte haiñ
aur kabhī to hañste-hañste loT-poT ho jaate haiñ
maiñ bas kuḌh kar rah jaatī huuñ
phir ḳhud ko samjhātī huuñ
ye to hotā aayā hai
merī maañ kam dukhī nahīñ thī
do nasloñ ke biich kī duurī ik kaḌvī sachchā.ī hai
mujh ko bhī ye kaḌvā ghūñT
ḳhāmoshī se piinā hogā
in shartoñ par jiinā hogā
mere bachche
mujh se unche nikal gae
meri qadren mere dukh-sukh banTne wale
nanhe dost
baDe hue to badal gae
meri nasihat sun kar ab wo kabhi-kabhi jhunjhlate hain
aur kabhi to hanste-hanste loT-poT ho jate hain
main bas kuDh kar rah jati hun
phir KHud ko samjhati hun
ye to hota aaya hai
meri man kam dukhi nahin thi
do naslon ke bich ki duri ek kaDwi sachchai hai
mujh ko bhi ye kaDwa ghunT
KHamoshi se pina hoga
in sharton par jina hoga
Ek Diya Aur Ek Phool
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
