gharaunde

kahte haiñ ek roz ye mirrīḳh bhī kabhī

apnī zamīn hī kī tarah ik jahān thā

ābād the vahāñ bhī baḌe pur-shikoh log

ilm-o-hunar meñ hikmat-o-dānish meñ taaq the

muTThī meñ un kī saarī tavānā.ī qaid thī

atom kī quvvatoñ pe baḌā iḳhtiyār thā

ik roz un kī ġhalatī se yā phir ġhurūr se

atom kī saarī quvvateñ āzād ho ga.iiñ

saarī havā-e-zīst fazā se nikal ga.ī

mirrīḳh jo zamīn hī jaisā jahān thā

jal-bhun ke murda ḳhaak kā ik Dher rah gayā

ham bhī to ilm-o-hikmat-o-dānish meñ kam nahīñ

ham ko bhī apnī atomī tāqat pe naaz hai

kahte hain ek roz ye mirriKH bhi kabhi

apni zamin hi ki tarah ek jahan tha

aabaad the wahan bhi baDe pur-shikoh log

ilm-o-hunar mein hikmat-o-danish mein taq the

muTThi mein un ki sari tawanai qaid thi

atom ki quwwaton pe baDa iKHtiyar tha

ek roz un ki ghalati se ya phir ghurur se

atom ki sari quwwaten aazad ho gain

sari hawa-e-zist faza se nikal gai

mirriKH jo zamin hi jaisa jahan tha

jal-bhun ke murda KHak ka ek Dher rah gaya

hum bhi to ilm-o-hikmat-o-danish mein kam nahin

hum ko bhi apni atomi taqat pe naz hai