goristan-e-shahi

Allama Iqbal

goristan-e-shahi

Allama Iqbal

MORE BYAllama Iqbal

    INTERESTING FACT

    From Part-3. 1908 (Bang-e-Dara)

    āsmāñ bādal pahne ḳhirqa-e-derīna hai

    kuchh mukaddar jabīn-e-māh ā.īna hai

    chāñdnī phīkī hai is nazzāra-e-ḳhāmosh meñ

    sub.h-e-sādiq so rahī hai raat āġhosh meñ

    kis qadar ashjār hairat-fazā hai ḳhāmushī

    barbat-e-qudrat dhīmī navā hai ḳhāmushī

    bātin-e-har-zarra-e-ālim sarāpā dard hai

    aur ḳhāmoshī lab-e-hastī pe āh-e-sard hai

    aah jaulāñ-gāh-e-ālam-gīr yaanī vo hisār

    dosh par apne uThā.e saikḌoñ sadiyoñ baar

    zindagī se thā kabhī ma.amūr ab sunsān hai

    ye ḳhamoshī us ke hañgāmoñ goristān hai

    apne sukkān-e-kuhan ḳhaak dil-dāda hai

    koh ke sar par misāl-e-pāsbāñ istāda hai

    abr ke rauzan se vo bālā-e-bām-e-āsmāñ

    nāzir-e-ālam hai najm-e-sabz-fām-e-āsmāñ

    ḳhāk-bāzī vus.at-e-duniyā hai manzar use

    dāstāñ nākāmi-e-insāñ hai azbar use

    hai azal se ye musāfir sū-e-manzil rahā

    āsmāñ se inqilāboñ tamāshā dekhtā

    go sukūñ mumkin nahīñ aalam meñ aḳhtar ke liye

    fātiha-ḳhvānī ko ye Thahrā hai dam bhar ke liye

    rañg-o-āb-e-zinagī se gul-ba-dāman hai zamīñ

    saikḌoñ ḳhūñ-gashta tahzīboñ madfan hai zamīñ

    ḳhvāb-gah shāhoñ hai ye manzil-e-hasrat-fazā

    dīda-e-ibrat ḳhirāj-e-ashk-e-gul-gūñ kar adā

    hai to goristāñ magar ye ḳhāk-e-gardūñ-pāya hai

    aah ik bargashta qismat qaum sarmāya hai

    maqbaroñ shaan hairat-āfrīñ hai is qadar

    jumbish-e-mizhgāñ se hai chashm-e-tamāshā ko hazar

    kaifiyat aisī hai nākāmī is tasvīr meñ

    jo utar saktī nahīñ ā.īna-e-tahrīr meñ

    sote haiñ ḳhāmosh ābādī ke hañgāmoñ se duur

    muztarib rakhtī thī jin ko ārzū-e-nā-subūr

    qabr zulmat meñ hai in āftāboñ chamak

    jin ke darvāzoñ pe rahtā hai jabīñ-gustār falak

    kyā yahī hai in shahanshāhoñ azmat ma.aal

    jin tadbīr-e-jahāñbānī se Dartā thā zavāl

    rob-e-faġhfūrī ho duniyā meñ ki shān-e-qaisarī

    Tal nahīñ saktī ġhanīm-e-maut yūrish kabhī

    bādshāhoñ bhī kisht-e-umr hāsil hai gor

    jāda-e-azmat goyā āḳhirī manzil hai gor

    shorish-e-bazm-e-tarab kyā uud taqrīr kyā

    dardmandān-e-jahāñ nāla-e-shab-gīr kyā

    arsa-e-paikār meñ hañgāma-e-shamshīr kyā

    ḳhuun ko garmāne vaalā nāra-e-takbīr kyā

    ab koī āvāz sotoñ ko jagā saktī nahīñ

    sīna-e-vīrāñ meñ jān-e-rafta aa saktī nahīñ

    rūh-e-musht-e-ḳhāk meñ zahmat-kash-e-bedād hai

    kūcha gard-e-nai huā jis dam nafas fariyād hai

    zindagī insāñ hai mānind-e-murġh-e-ḳhush-navā

    shāḳh par baiThā koī dam chahchahāyā uḌ gayā

    aah kyā aa.e riyāz-e-dahr meñ ham kyā ga.e

    zindagī shāḳh se phūTe khile murjhā ga.e

    maut har shaah o gadā ke ḳhvāb tābīr hai

    is sitamgar sitam insāf tasvīr hai

    silsila hastī hai ik bahr-e-nā-paidā-kanār

    aur is dariyā-e-be-pāyāñ maujeñ haiñ mazār

    ai havas ḳhuuñ ro ki hai ye zindagī be-e'tibār

    ye sharāre tabassum ye ḳhas-e-ātish-savār

    chāñd jo sūrat-gar-e-hastī ik ejaaz hai

    pahne sīmābī qabā mahv-e-ḳhirām-e-nāz hai

    charḳh-e-be-anjum dahshatnāk vus.at meñ magar

    bekasī is koī dekhe zarā vaqt-e-sahar

    ik zarā abr TukḌā hai jo mahtāb thā

    āḳhirī aañsū Tapak jaane meñ ho jis fanā

    zindagī aqvām bhī hai yūñhī be-e'tibār

    rañg-hā-e-rafta tasvīr hai un bahār

    is ziyāñ-ḳhāne meñ koī millat-e-gardūñ-vaqār

    rah nahīñ saktī abad tak bār-e-dosh-e-rozgār

    is qadar qaumoñ barbādī se hai ḳhūgar jahāñ

    dekhtā be-e'tinā.ī se hai ye manzar jahāñ

    ek sūrat par nahīñ rahtā kisī shai ko qarār

    zauq-e-jiddat se hai tarkīb-e-mizāj-e-rozgār

    hai nagīn-e-dahr zīnat hamesha nām-e-nau

    mādar-e-gītī rahī ābastan-e-aqvām-e-nau

    hai hazāroñ qāfiloñ se āshnā ye rahguzar

    chashm-e-koh-e-nūr ne dekhe haiñ kitne tājvar

    misr o bābul miT ga.e baaqī nishāñ tak bhī nahīñ

    daftar-e-hastī meñ un dāstāñ tak bhī nahīñ

    aa dabāyā mehr-e-īrāñ ko ajal shaam ne

    azmat-e-yūnān-o-rūmā luuT ayyām ne

    aah muslim bhī zamāne se yūñhī ruḳhsat huā

    āsmāñ se abr-e-āzārī uThā barsā gayā

    hai rag-e-gul sub.h ke ashkoñ se motī laḌī

    koī sūraj kiran shabnam meñ hai uljhī huī

    sīna-e-dariyā shuāoñ ke liye gahvāra hai

    kis qadar pyārā lab-e-jū mehr nazzāra hai

    mahv-e-zīnat hai sanobar jūebār-e-ā.īna hai

    ġhuncha-e-gul ke liye bād-e-bahār-e-ā.īna hai

    na.ara-zan rahtī hai koyal baaġh ke kāshāne meñ

    chashm-e-insāñ se nihāñ pattoñ ke uzlat-ḳhāne meñ

    aur bulbul mutrib-e-rañgīñ navā-e-gulsitāñ

    jis ke dam se zinda hai goyā havā-e-gulsitāñ

    ishq ke hañgāmoñ uḌtī huī tasvīr hai

    ḳhāma-e-qudrat kaisī shoḳh ye tahrīr hai

    baaġh meñ ḳhāmosh jalse gulsitāñ-zādoñ ke haiñ

    vādi-e-kohsār meñ na.are shabāñ-zādoñ ke haiñ

    zindagī se ye purānā ḳhāk-dāñ ma.amūr hai

    maut meñ bhī zindagānī taḌap mastūr hai

    pattiyāñ phūloñ girtī haiñ ḳhizāñ meñ is tarah

    dast-e-tifl-e-ḳhufta se rañgīñ khilaune jis tarah

    is nashāt-ābād meñ go aish be-andāza hai

    ek ġham yaanī ġham-e-millat hamesha taaza hai

    dil hamāre yād-e-ahd-e-rafta se ḳhālī nahīñ

    apne shāhoñ ko ye ummat bhūlne vaalī nahīñ

    ashk-bārī ke bahāne haiñ ye ujḌe baam o dar

    girya-e-paiham se biinā hai hamārī chashm-e-tar

    dahr ko dete haiñ motī dīda-e-giryāñ ke ham

    āḳhirī bādal haiñ ik guzre hue tūfāñ ke ham

    haiñ abhī sad-hā guhar is abr āġhosh meñ

    barq abhī baaqī hai is ke sīna-e-ḳhāmosh meñ

    vādi-e-gul ḳhāk-e-sahrā ko banā saktā hai ye

    ḳhvāb se ummīd-e-dahqāñ ko jagā saktā hai ye

    ho chukā go qaum shān-e-jalālī zuhūr

    hai magar baaqī abhī shān-e-jamālī zuhūr

    aasman baadal ka pahne KHirqa-e-derina hai

    kuchh mukaddar sa jabin-e-mah ka aaina hai

    chandni phiki hai is nazzara-e-KHamosh mein

    subh-e-sadiq so rahi hai raat ki aaghosh mein

    kis qadar ashjar ki hairat-faza hai KHamushi

    barbat-e-qudrat ki dhimi si nawa hai KHamushi

    baatin-e-har-zarra-e-alim sarapa dard hai

    aur KHamoshi lab-e-hasti pe aah-e-sard hai

    aah jaulan-gah-e-alam-gir yani wo hisar

    dosh par apne uThae saikDon sadiyon ka bar

    zindagi se tha kabhi mamur ab sunsan hai

    ye KHamoshi us ke hangamon ka goristan hai

    apne sukkan-e-kuhan ki KHak ka dil-dada hai

    koh ke sar par misal-e-pasban istada hai

    abr ke rauzan se wo baala-e-baam-e-asman

    nazir-e-alam hai najm-e-sabz-fam-e-asman

    KHak-bazi wusat-e-duniya ka hai manzar use

    dastan nakaami-e-insan ki hai azbar use

    hai azal se ye musafir su-e-manzil ja raha

    aasman se inqilabon ka tamasha dekhta

    go sukun mumkin nahin aalam mein aKHtar ke liye

    fatiha-KHwani ko ye Thahra hai dam bhar ke liye

    rang-o-ab-e-zinagi se gul-ba-daman hai zamin

    saikDon KHun-gashta tahzibon ka madfan hai zamin

    KHwab-gah shahon ki hai ye manzil-e-hasrat-faza

    dida-e-ibrat KHiraj-e-ashk-e-gul-gun kar ada

    hai to goristan magar ye KHak-e-gardun-paya hai

    aah ek bargashta qismat qaum ka sarmaya hai

    maqbaron ki shan hairat-afrin hai is qadar

    jumbish-e-mizhgan se hai chashm-e-tamasha ko hazar

    kaifiyat aisi hai nakaami ki is taswir mein

    jo utar sakti nahin aaina-e-tahrir mein

    sote hain KHamosh aabaadi ke hangamon se dur

    muztarib rakhti thi jin ko aarzu-e-na-subur

    qabr ki zulmat mein hai in aaftabon ki chamak

    jin ke darwazon pe rahta hai jabin-gustar falak

    kya yahi hai in shahanshahon ki azmat ka maal

    jin ki tadbir-e-jahanbani se Darta tha zawal

    rob-e-faghfuri ho duniya mein ki shan-e-qaisari

    Tal nahin sakti ghanim-e-maut ki yurish kabhi

    baadshahon ki bhi kisht-e-umr ka hasil hai gor

    jada-e-azmat ki goya aaKHiri manzil hai gor

    shorish-e-bazm-e-tarab kya ud ki taqrir kya

    dardmandan-e-jahan ka nala-e-shab-gir kya

    arsa-e-paikar mein hangama-e-shamshir kya

    KHun ko garmane wala nara-e-takbir kya

    ab koi aawaz soton ko jaga sakti nahin

    sina-e-viran mein jaan-e-rafta aa sakti nahin

    ruh-e-musht-e-KHak mein zahmat-kash-e-bedad hai

    kucha gard-e-nai hua jis dam nafas fariyaad hai

    zindagi insan ki hai manind-e-murgh-e-KHush-nawa

    shaKH par baiTha koi dam chahchahaya uD gaya

    aah kya aae riyaz-e-dahr mein hum kya gae

    zindagi ki shaKH se phuTe khile murjha gae

    maut har shah o gada ke KHwab ki tabir hai

    is sitamgar ka sitam insaf ki taswir hai

    silsila hasti ka hai ek bahr-e-na-paida-kanar

    aur is dariya-e-be-payan ki maujen hain mazar

    ai hawas KHun ro ki hai ye zindagi be-e'tibar

    ye sharare ka tabassum ye KHas-e-atish-sawar

    chand jo surat-gar-e-hasti ka ek ejaz hai

    pahne simabi qaba mahw-e-KHiram-e-naz hai

    charKH-e-be-anjum ki dahshatnak wusat mein magar

    bekasi is ki koi dekhe zara waqt-e-sahar

    ek zara sa abr ka TukDa hai jo mahtab tha

    aaKHiri aansu Tapak jaane mein ho jis ki fana

    zindagi aqwam ki bhi hai yunhi be-e'tibar

    rang-ha-e-rafta ki taswir hai un ki bahaar

    is ziyan-KHane mein koi millat-e-gardun-waqar

    rah nahin sakti abad tak bar-e-dosh-e-rozgar

    is qadar qaumon ki barbaadi se hai KHugar jahan

    dekhta be-e'tinai se hai ye manzar jahan

    ek surat par nahin rahta kisi shai ko qarar

    zauq-e-jiddat se hai tarkib-e-mizaj-e-rozgar

    hai nagin-e-dahr ki zinat hamesha nam-e-nau

    madar-e-giti rahi aabastan-e-aqwam-e-nau

    hai hazaron qafilon se aashna ye rahguzar

    chashm-e-koh-e-nur ne dekhe hain kitne tajwar

    misr o babul miT gae baqi nishan tak bhi nahin

    daftar-e-hasti mein un ki dastan tak bhi nahin

    aa dabaya mehr-e-iran ko ajal ki sham ne

    azmat-e-yunan-o-ruma luT li ayyam ne

    aah muslim bhi zamane se yunhi ruKHsat hua

    aasman se abr-e-azari uTha barsa gaya

    hai rag-e-gul subh ke ashkon se moti ki laDi

    koi suraj ki kiran shabnam mein hai uljhi hui

    sina-e-dariya shuaon ke liye gahwara hai

    kis qadar pyara lab-e-ju mehr ka nazzara hai

    mahw-e-zinat hai sanobar juebar-e-aina hai

    ghuncha-e-gul ke liye baad-e-bahaar-e-aina hai

    nara-zan rahti hai koyal bagh ke kashane mein

    chashm-e-insan se nihan patton ke uzlat-KHane mein

    aur bulbul mutrib-e-rangin nawa-e-gulsitan

    jis ke dam se zinda hai goya hawa-e-gulsitan

    ishq ke hangamon ki uDti hui taswir hai

    KHama-e-qudrat ki kaisi shoKH ye tahrir hai

    bagh mein KHamosh jalse gulsitan-zadon ke hain

    wadi-e-kohsar mein nare shaban-zadon ke hain

    zindagi se ye purana KHak-dan mamur hai

    maut mein bhi zindagani ki taDap mastur hai

    pattiyan phulon ki girti hain KHizan mein is tarah

    dast-e-tifl-e-KHufta se rangin khilaune jis tarah

    is nashat-abaad mein go aish be-andaza hai

    ek gham yani gham-e-millat hamesha taza hai

    dil hamare yaad-e-ahd-e-rafta se KHali nahin

    apne shahon ko ye ummat bhulne wali nahin

    ashk-bari ke bahane hain ye ujDe baam o dar

    girya-e-paiham se bina hai hamari chashm-e-tar

    dahr ko dete hain moti dida-e-giryan ke hum

    aaKHiri baadal hain ek guzre hue tufan ke hum

    hain abhi sad-ha guhar is abr ki aaghosh mein

    barq abhi baqi hai is ke sina-e-KHamosh mein

    wadi-e-gul KHak-e-sahra ko bana sakta hai ye

    KHwab se ummid-e-dahqan ko jaga sakta hai ye

    ho chuka go qaum ki shan-e-jalali ka zuhur

    hai magar baqi abhi shan-e-jamali ka zuhur

    RECITATIONS

    Nomaan Shauque

    Nomaan Shauque

    Nomaan Shauque

    goristan-e-shahi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY