Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

goshwara

Adnan Mohsin

goshwara

Adnan Mohsin

MORE BYAdnan Mohsin

    ek nazm

    vaqt jeb kaaTī ga.ī aur churā.ī huī sā.ateñ

    zindagānī ke nīlām-ghar meñ mohabbat utran bhaav

    chukāne meñ ḳharchī ga.iiñ

    ham ne fursat sonā luTā kar

    vo rishte ḳharīde

    jinheñ ghar ke sandūqche

    tahaffuz mayassar nahīñ aa sakā

    kab talak aise rishte girah meñ liye ghūmnā

    be-ḳhayālī meñ tabdīl hote hue pairahan meñ

    kisī din ye sāmān rah jā.egā

    dil ke kone meñ matrūk chīzoñ ke

    bikhre hue Dher par

    cigaretoñ se udhārā dhuāñ khīñch kar

    be-nishānī chādar chaḌhāne ko jitnā samay chāhiye

    vo hathelī uljhī lakīroñ se laḌne meñ lag jā.egā

    in ḳhayāloñ lā-yāniyat

    surḳh āñkhoñ meñ ghulte hue be-vaj.h rat-jagoñ

    phephaḌoñ meñ utarte hue zahr meñ dafn hai

    jaise gaañv se aaya huā ik musāfir

    baḌe shahr meñ

    oh baḌe shahr se yaad aaya

    savā tiin bajne ko haiñ in churā.ī huī sā.atoñ se agar kuchh bachā hai use poTlī meñ rakho

    apne lafzoñ ḳhvāncha uThāo sadā.eñ lagāo

    chalo kaam vaqt hai

    ek nazm

    waqt ki jeb kaTi gai aur churai hui saaten

    zindagani ke nilam-ghar mein mohabbat ki utran ka bhaw

    chukane mein KHarchi gain

    hum ne fursat ka sona luTa kar

    wo rishte KHaride

    jinhen ghar ke sanduqche ka

    tahaffuz mayassar nahin aa saka

    kab talak aise rishte girah mein liye ghumna

    be-KHayali mein tabdil hote hue pairahan mein

    kisi din ye saman rah jaega

    dil ke kone mein matruk chizon ke

    bikhre hue Dher par

    cigareton se udhaara dhuan khinch kar

    be-nishani ki chadar chaDhane ko jitna samay chahiye

    wo hatheli ki uljhi lakiron se laDne mein lag jaega

    in KHayalon ki la-yaniyat

    surKH aankhon mein ghulte hue be-wajh rat-jagon

    phephaDon mein utarte hue zahr mein dafn hai

    jaise ganw se aaya hua ek musafir

    baDe shahr mein

    oh baDe shahr se yaad aaya

    sawa tin bajne ko hain in churai hui saaton se agar kuchh bacha hai use poTli mein rakho

    apne lafzon ka KHwancha uThao sadaen lagao

    chalo kaam ka waqt hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now