grihasti

ik tazabzub kī sarā.e

sā.atoñ ke mel se

bojhal magar raushan chhateñ dīvār-o-dar

aur rāh-darī meñ ubhartī

ajnabī qadmoñ kī

halkī tez chaap

aur ḳhāmoshī kā lams jaise sā.ibā

phir sahn meñ aa kar utarte

qāfiloñ kī fāsloñ se chor āvāzeñ

safar meñ yuuñ achānak aane vaale

is paḌāv kī

lipaTtī mezbāñ ThanDak se

sehar-āgīñ tarāvat pā rahī haiñ

sīḌhiyoñ se duur

dālānoñ ke goshe meñ khaḌā ik aks

apne ham-nashīnoñ

ham-rakāboñ kā amiir

un kā muhibbī

phir bhī

is tashkīk kī

billor saa.at meñ

har ik se bad-gumāñ

is soch meñ ġhaltāñ

ki jaise

is safar ho rā.egāñ

ek tazabzub ki sarae

saaton ke mel se

bojhal magar raushan chhaten diwar-o-dar

aur rah-dari mein ubharti

ajnabi qadmon ki

halki tez chap

aur KHamoshi ka lams jaise saiba

phir sahn mein aa kar utarte

qafilon ki faslon se chor aawazen

safar mein yun achanak aane wale

is paDaw ki

lipaTti mezban ThanDak se

sehar-agin tarawat pa rahi hain

siDhiyon se dur

dalanon ke goshe mein khaDa ek aks

apne ham-nashinon

ham-rakabon ka amir

un ka muhibbi

phir bhi

is tashkik ki

billor saat mein

har ek se bad-guman

is soch mein ghaltan

ki jaise

is safar ho raegan