aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gulzar-e-watan

Suroor Jahanabadi

gulzar-e-watan

Suroor Jahanabadi

MORE BYSuroor Jahanabadi

    phūloñ kunj-e-dilkash bhārat meñ ik banā.eñ

    hubb-e-vatan ke paude is meñ na.e lagā.eñ

    phūloñ meñ jis chaman ke ho bū-e-jāñ-nisārī

    hubb-e-vatan qalmeñ ham is chaman se laa.eñ

    ḳhūn-e-jigar se sīñcheñ har naḳhl-e-ārzū ko

    ashkoñ se bel-būToñ aabrū baḌhā.eñ

    ek ek gul meñ phūñkeñ rūh-e-shamīm-e-vahdat

    ik ik kalī ko dil ke dāman se deñ havā.eñ

    firdaus namūna apnā ho kunj-e-dilkash

    saare jahāñ jis meñ hoñ jalva-gar fazā.eñ

    chhāyā ho abr-e-rahmat kāshana-e-chaman meñ

    rim-jhim baras rahī hoñ chāroñ taraf ghaTā.eñ

    murġhān-e-bāġh ban kar uḌte phireñ havā meñ

    naġhme hoñ rūh-afzā aur dil-rubā sadā.eñ

    hubb-e-vatan ke lab par hoñ jāñ-fazā tarāne

    shāḳhoñ pe giit gaa.eñ phūloñ pe chahchahā.eñ

    chhā.ī huī ghaTā ho mausam tarab-fazā ho

    jhoñke chaleñ havā ke ashjār lahlahā.eñ

    is kunj-e-dil-nashīñ meñ qabza na ho ḳhizāñ

    jo ho guloñ taḳhta taḳhta ho ik jināñ

    bulbul ko ho chaman meñ sayyād na khaTkā

    ḳhush ḳhush ho shāḳh-e-gul par ġham ho na āshiyāñ

    hubb-e-vatan mil kar sab ek raag gaa.eñ

    lahja judā ho garche murġhān-e-naġhma-ḳhvāñ

    ek ek lafz meñ ho tāsīr-e-bū-e-ulfat

    andāz dil-nashīñ ho ek ek dāstāñ

    murġhān-e-bāġh ho us shāḳh par nasheman

    pahuñche na haath jis tak sayyād-e-āsmāñ

    mausam ho josh-e-gul aur din bahār ke hoñ

    aalam ajiib dilkash ho apne gulsitāñ

    mil mil ke ham tarāne hubb-e-vatan ke gaa.eñ

    bulbul haiñ jis chaman ke giit us chaman ke gaa.eñ

    phulon ka kunj-e-dilkash bhaarat mein ek banaen

    hubb-e-watan ke paude is mein nae lagaen

    phulon mein jis chaman ke ho bu-e-jaan-nisari

    hubb-e-watan ki qalmen hum is chaman se laen

    KHun-e-jigar se sinchen har naKHl-e-arzu ko

    ashkon se bel-buTon ki aabru baDhaen

    ek ek gul mein phunken ruh-e-shamim-e-wahdat

    ek ek kali ko dil ke daman se den hawaen

    firdaus ka namuna apna ho kunj-e-dilkash

    sare jahan ki jis mein hon jalwa-gar fazaen

    chhaya ho abr-e-rahmat kashana-e-chaman mein

    rim-jhim baras rahi hon chaaron taraf ghaTaen

    murghan-e-bagh ban kar uDte phiren hawa mein

    naghme hon ruh-afza aur dil-ruba sadaen

    hubb-e-watan ke lab par hon jaan-faza tarane

    shaKHon pe git gaen phulon pe chahchahaen

    chhai hui ghaTa ho mausam tarab-faza ho

    jhonke chalen hawa ke ashjar lahlahaen

    is kunj-e-dil-nashin mein qabza na ho KHizan ka

    jo ho gulon ka taKHta taKHta ho ek jinan ka

    bulbul ko ho chaman mein sayyaad ka na khaTka

    KHush KHush ho shaKH-e-gul par gham ho na aashiyan ka

    hubb-e-watan ka mil kar sab ek rag gaen

    lahja juda ho garche murghan-e-naghma-KHwan ka

    ek ek lafz mein ho tasir-e-bu-e-ulfat

    andaz dil-nashin ho ek ek dastan ka

    murghan-e-bagh ka ho us shaKH par nasheman

    pahunche na hath jis tak sayyaad-e-asman ka

    mausam ho josh-e-gul ka aur din bahaar ke hon

    aalam ajib dilkash ho apne gulsitan ka

    mil mil ke hum tarane hubb-e-watan ke gaen

    bulbul hain jis chaman ke git us chaman ke gaen

    Source:

    Azadi Ki Nazmein (Pg. 28)

    • Author: Sibte Hasan
      • Edition: 1985,2007
      • Publisher: National Council For Promotion Of Urdu Language
      • Year of Publication: 1985,2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now