gurunanak

Arsh Malsiyani

gurunanak

Arsh Malsiyani

MORE BYArsh Malsiyani

    ai rahbar-e-manzil tirī raftār ke sadqe

    ai mehr-e-munavvar tire anvār ke sadqe

    ai band-e-haq-go tirī guftār ke sadqe

    ai sāhab-e-īmāñ tire kirdār ke sadqe

    to banda-o-sāhab bhī thā muhtāj-o-ġhanī bhī

    jalvoñ amiiñ bhī tire lab pe arinī bhī

    har chehra-e-mardum ke ḳhad-o-ḳhāl bure the

    dekho jise us shaḳhs ke a.amāl bure the

    mullā ke bhī panDit ke bhī a.amāl bure the

    jo jhuuT ne phailā.e the vo jaal bure the

    sachchā tirā din aur tirī raat bhī sachchī

    sachchā tirā saudā terī har baat bhī sachchī

    is dar pujārī koī us dar pujārī

    maġhrib pujārī koī ḳhāvar pujārī

    miinā pujārī koī sāġhar pujārī

    qabroñ pujārī koī banjar pujārī

    kasrat thī yahāñ shirk tauhīd nahīñ thī

    rozoñ bhulāvā thā magar iid nahīñ thī

    hindū-o-muslim ke gunāhoñ se thā vāqif

    maz.hab sisaktī huī aahoñ se thā vāqif

    to sho.abada-bāzoñ nigāhoñ se thā vāqif

    to manzil-e-tauhīd rāhoñ se thā vāqif

    dar haq ke kabhī banda-e-hājī pe khule haiñ

    gañgā meñ nahā kar bhī kabhī paap dhule haiñ

    ne ye kahā sab se baḌā hukm-e-razā.ī

    ne ye kahā sāñch qīmat nahīñ paa.ī

    ne ye kahā so ke ye sab umr gañvā.ī

    ne ye kahā jhuuT hai sab zuhd-e-riyā.ī

    pur-mānī-o-pur-maġhz haiñ nekī ke ishāre

    har haal meñ har rañg meñ rahbar haiñ hamāre

    maiñ mast-e-mai-e-ishq huuñ tan rīsh-e-qalandar

    tīrath hai agar koī to is man ke hai andar

    jā.ūñ maiñ kahāñ sajde ko man merā hai mandir

    hai azm mirā fāteh-e-dārā-o-sikandar

    gaate haiñ jise devtā bhī chaudah ratan bhī

    raqsāñ hai usī dar pe merī jaan bhī tan bhī

    jo dars diyā ne vo azmat amiiñ hai

    vo prem aḳhlāq ḳhātam nagīñ hai

    kundan jo na ho jaa.e vo sonā nahīñ hai

    haq-go hai jo duniyā meñ jannat makīñ hai

    sar jhukte haiñ sab ke tirī sarkār meñ aa kar

    ham sajda-kunāñ haiñ tire darbār meñ aa kar

    ai rahbar-e-manzil teri raftar ke sadqe

    ai mehr-e-munawwar tere anwar ke sadqe

    ai band-e-haq-go teri guftar ke sadqe

    ai sahab-e-iman tere kirdar ke sadqe

    to banda-o-sahab bhi tha muhtaj-o-ghani bhi

    jalwon ka amin bhi tere lab pe arini bhi

    har chehra-e-mardum ke KHad-o-KHal bure the

    dekho jise us shaKHs ke aamal bure the

    mulla ke bhi panDit ke bhi aamal bure the

    jo jhuT ne phailae the wo jal bure the

    sachcha tera din aur teri raat bhi sachchi

    sachcha tera sauda teri har baat bhi sachchi

    is dar ka pujari koi us dar ka pujari

    maghrib ka pujari koi KHawar ka pujari

    mina ka pujari koi saghar ka pujari

    qabron ka pujari koi banjar ka pujari

    kasrat thi yahan shirk ki tauhid nahin thi

    rozon ka bhulawa tha magar id nahin thi

    tu hindu-o-muslim ke gunahon se tha waqif

    mazhab ki sisakti hui aahon se tha waqif

    to shoabada-bazon ki nigahon se tha waqif

    to manzil-e-tauhid ki rahon se tha waqif

    dar haq ke kabhi banda-e-haji pe khule hain

    ganga mein naha kar bhi kabhi pap dhule hain

    tu ne ye kaha sab se baDa hukm-e-razai

    tu ne ye kaha sanch ki qimat nahin pai

    tu ne ye kaha so ke ye sab umr ganwai

    tu ne ye kaha jhuT hai sab zuhd-e-riyai

    pur-mani-o-pur-maghz hain neki ke ishaare

    har haal mein har rang mein rahbar hain hamare

    main mast-e-mai-e-ishq hun tan rish-e-qalandar

    tirath hai agar koi to is man ke hai andar

    jaun main kahan sajde ko man mera hai mandir

    hai azm mera fateh-e-dara-o-sikandar

    gate hain jise dewta bhi chaudah ratan bhi

    raqsan hai usi dar pe meri jaan bhi tan bhi

    jo dars diya tu ne wo azmat ka amin hai

    wo prem ki aKHlaq ki KHatam ka nagin hai

    kundan jo na ho jae wo sona hi nahin hai

    haq-go hai jo duniya hi mein jannat ka makin hai

    sar jhukte hain sab ke teri sarkar mein aa kar

    hum sajda-kunan hain tere darbar mein aa kar

    Source:

    • Book : Kulliyat-e-Arsh (Pg. 371)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY