gyan-marg

ziyā-e-rāz ko ākāsh meñ talāsh na kar

ki ye hai ruuh kī gahrā.iyoñ meñ raḳhshanda

hamārī ruuh meñ ākāsh hai jo tābinda

vishāl jhiil hai nirmal hai jis kā chanchal jal

khile hue haiñ haqīqat ke jis meñ nīl-kamal

dil-e-vajūd kā dark-e-darūñ hai rāh-e-najāt

kamāl-e-ishq hai bezār rang-e-zāhir se

majāz-o-sāz niyāz-o-gudāz kyā jaane

rusūm-e-sat.h se rāz-e-baqā nahīñ khultā

qamīs dhone se insāñ kā dil nahīñ dhultā

ziya-e-raaz ko aakash mein talash na kar

ki ye hai ruh ki gahraiyon mein raKHshanda

hamari ruh mein aakash hai jo tabinda

wishaal jhil hai nirmal hai jis ka chanchal jal

khile hue hain haqiqat ke jis mein nil-kamal

dil-e-wajud ka dark-e-darun hai rah-e-najat

kamal-e-ishq hai bezar rang-e-zahir se

majaz-o-saz niyaz-o-gudaz kya jaane

rusum-e-sath se raaz-e-baqa nahin khulta

qamis dhone se insan ka dil nahin dhulta