haar jit

merī ban jaane pe āmāda hai vo jān-e-hayāt

jo kisī aur se paimān-e-vafā rakhtī hai

mere āġhosh meñ aane ke liye raazī hai

jo kisī aur ko siine meñ chhupā rakhtī hai

shā.erī hī nahīñ kuchh bā.is-e-izzat mujh ko

aur bahut kuchh hasad o rashk ke asbāb meñ hai

mujh ko hāsil hai vo me.ār-e-shab-o-roz ki jo

us ke mahbūb ke hātoñ meñ nahīñ ḳhvāb meñ hai

kaun jītegā ye baazī mujhe ma.alūm nahīñ

zindagī meñ mujhe kyā aur use kyā mil jaa.e

kaash vo zīnat-e-āġhosh kisī kī ban jaa.e

aur mujhe garmī-e-paimān-e-vafā mil jaa.e

meri ban jaane pe aamada hai wo jaan-e-hayat

jo kisi aur se paiman-e-wafa rakhti hai

mere aaghosh mein aane ke liye raazi hai

jo kisi aur ko sine mein chhupa rakhti hai

shaeri hi nahin kuchh bais-e-izzat mujh ko

aur bahut kuchh hasad o rashk ke asbab mein hai

mujh ko hasil hai wo mear-e-shab-o-roz ki jo

us ke mahbub ke haton mein nahin KHwab mein hai

kaun jitega ye bazi mujhe malum nahin

zindagi mein mujhe kya aur use kya mil jae

kash wo zinat-e-aghosh kisi ki ban jae

aur mujhe garmi-e-paiman-e-wafa mil jae