hum ko dekhe jo aankh wala ho

Mohammad Yusuf Papa

hum ko dekhe jo aankh wala ho

Mohammad Yusuf Papa

MORE BYMohammad Yusuf Papa

    ham sadā Dafliyāñ bajāte haiñ

    saarī duniyā ko varġhalāte haiñ

    aur sab ko chuġhad banāte haiñ

    ġhaib baat ham batāte haiñ

    munfarid aur be-badal haiñ ham

    haañ miyāñ intellectual haiñ ham

    Taañg girne se TuuT jaa.e to

    aañkh mirchoñ se phuuT jaa.e to

    aql saath chhūT jaa.e to

    sar pe dasan boot jaa.e to

    ham atārid vahīñ aur zohal haiñ ham

    haañ miyāñ intellectual haiñ ham

    apnī bhoñDī ḳhirad ko bahlā.eñ

    ḳhuub sābun se us ko nahlā.eñ

    pyaar se us piiTh sahlā.eñ

    aur sāhil pe us ko Tahlā.eñ

    sar-ba-sar aql ḳhalal haiñ ham

    haañ miyāñ intellectual haiñ ham

    ham ki bas ek vaqt khāte haiñ

    shaal kashmīr se mañgāte haiñ

    shave ḳhud haath se banāte haiñ

    chaa.e maiñ kuchh nahīñ milāte haiñ

    be-muhābā haiñ bar-mahal haiñ ham

    haañ miyāñ intellectual haiñ ham

    dosto muñh hamārā kaalā ho

    gar kabhī sar meñ tel Daalā ho

    kahīñ chaal ko sambhālā ho

    ham ko dekhe jo aañkh vaalā ho

    ba-īñ-andāz bā-amal haiñ ham

    haañ miyāñ itellectual haiñ ham

    ham ki sūkhe hue shajar tarah

    ek uljhī huī nazar tarah

    saḳht sūkhī huī maTar tarah

    kisī ma.ashūq kamar tarah

    jis meñ paanī nahīñ vo nal haiñ ham

    haañ miyāñ intellectual haiñ ham

    ham haiñ expert chālbāzī meñ

    doctor jazba-e-majāzī meñ

    dastaras ham ko dil-navāzī meñ

    aur m.a haiñ ja.alsāzī meñ

    māddī ilm jabal haiñ ham

    haañ miyāñ intellectual haiñ ham

    kaam karte nahīñ akaḌte haiñ

    baat be-bāt ham jhagaḌte haiñ

    haath muñh dho ke pīchhe paḌte haiñ

    rāste meñ dhar pakaḌte haiñ

    do-piyāza haiñ bīrbal haiñ ham

    haañ miyāñ intellectual haiñ ham

    hum sada Dafliyan bajate hain

    sari duniya ko warghalate hain

    aur sab ko chughad banate hain

    ghaib ki baat hum batate hain

    munfarid aur be-badal hain hum

    han miyan intellectual hain hum

    Tang girne se TuT jae to

    aankh mirchon se phuT jae to

    aql ka sath chhuT jae to

    sar pe dasan ka boot jae to

    hum atarid wahin aur zohal hain hum

    han miyan intellectual hain hum

    apni bhonDi KHirad ko bahlaen

    KHub sabun se us ko nahlaen

    pyar se us ki piTh sahlaen

    aur sahil pe us ko Tahlaen

    sar-ba-sar aql ka KHalal hain hum

    han miyan intellectual hain hum

    hum ki bas ek waqt khate hain

    shaal kashmir se mangate hain

    shawe KHud hath se banate hain

    chae main kuchh nahin milate hain

    be-muhaba hain bar-mahal hain hum

    han miyan intellectual hain hum

    dosto munh hamara kala ho

    gar kabhi sar mein tel Dala ho

    ya kahin chaal ko sambhaala ho

    hum ko dekhe jo aankh wala ho

    ba-in-andaz ba-amal hain hum

    han miyan itellectual hain hum

    hum ki sukhe hue shajar ki tarah

    ek uljhi hui nazar ki tarah

    saKHt sukhi hui maTar ki tarah

    kisi mashuq ki kamar ki tarah

    jis mein pani nahin wo nal hain hum

    han miyan intellectual hain hum

    hum hain expert chaalbazi mein

    doctor jazba-e-majazi mein

    dastaras hum ko dil-nawazi mein

    aur ma hain jalsazi mein

    maddi ilm ka jabal hain hum

    han miyan intellectual hain hum

    kaam karte nahin akaDte hain

    baat be-baat hum jhagaDte hain

    hath munh dho ke pichhe paDte hain

    raste hi mein dhar pakaDte hain

    do-piyaza hain birbal hain hum

    han miyan intellectual hain hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY