hum log

hayāt-e-nau kā fasāna sunā.eñge ham log

talāsh kar ke bahāroñ ko lā.eñge ham log

musāfirān-e-shab-e-zindagī kī rāhoñ meñ

charāġh fikr-o-nazar ke jalā.eñge ham log

hamāre chāk-e-garebāñ ko dekhne vaalo

vatan ko rashk-e-gulistāñ banā.eñge ham log

jahāñ ko amn-o-mohabbat kā vāsta de kar

mah-o-nujūm kī mahfil sajā.eñge ham log

zamīr-e-fitrat-e-insāniyat ko chauñkā kar

urūj-e-qismat-e-ādam dikhā.eñge ham log

vo giit jis se bahāroñ kī ruuh jaag uThe

rabāb-e-zīst ke tāroñ pe gā.eñge ham log

shukūk-o-vahm kī tārīkiyoñ se kyā lenā

yaqīn-e-sub.h kī rāhoñ pe jā.eñge ham log

ḳhayāl-o-fikr ke ḳhvāb-āfrīñ dhuñdalkoñ meñ

ziyā-e-husn-e-sahar-tāb lā.eñge ham log

tasavvurāt kī duniyā hasīñ sahī lekin

haqīqatoñ ko hasīñ-tar banā.eñge ham log

ḳhulūs-e-kār se miltī hai zindagī 'azmat'

ḳhulūs-e-kār ko rahbar banā.eñge ham log

hayat-e-nau ka fasana sunaenge hum log

talash kar ke bahaaron ko laenge hum log

musafiran-e-shab-e-zindagi ki rahon mein

charagh fikr-o-nazar ke jalaenge hum log

hamare chaak-e-gareban ko dekhne walo

watan ko rashk-e-gulistan banaenge hum log

jahan ko amn-o-mohabbat ka wasta de kar

mah-o-nujum ki mahfil sajaenge hum log

zamir-e-fitrat-e-insaniyat ko chaunka kar

uruj-e-qismat-e-adam dikhaenge hum log

wo git jis se bahaaron ki ruh jag uThe

rabab-e-zist ke taron pe gaenge hum log

shukuk-o-wahm ki tarikiyon se kya lena

yaqin-e-subh ki rahon pe jaenge hum log

KHayal-o-fikr ke KHwab-afrin dhundalkon mein

ziya-e-husn-e-sahar-tab laenge hum log

tasawwuraat ki duniya hasin sahi lekin

haqiqaton ko hasin-tar banaenge hum log

KHulus-e-kar se milti hai zindagi 'azmat'

KHulus-e-kar ko rahbar banaenge hum log