ham-zad

Khursheed Rizvi

ham-zad

Khursheed Rizvi

MORE BY Khursheed Rizvi

    maiñ aaj daftar meñ sub.h pahuñchā

    to ik nayā zard zard chehra nazar paḌā

    jis ko dekhte

    ma.an mire dil meñ ik darīcha khulā

    aur us ke aqab se

    us zard shakl ham-shabīh

    ik surḳh shakl ubhrī

    sharīr gustāḳh be-takalluf

    ubhar ke mere qarīb aa.ī

    qarīb aa kar

    nazar milā kar

    vo khilkhilā kar hañsī

    aur apne sharīr poroñ se

    mere collar saḳhtiyāñ pā.emāl kar diiñ

    safed bāloñ ke pech-o-ḳham meñ

    siyāhiyoñ lakīr khīñchī

    nigāh se sab ḳhushūnateñ

    aur jabīñ se sab silvaTeñ miTā diiñ

    mujhe darīche se le ke niklī

    tavīl rāhoñ pe

    sabza-zāroñ meñ

    lahlahāte hasīn khetoñ meñ

    chāñd tāroñ meñ phir rahī thī

    ki jab achānak

    darīcha-e-dil ke band hone se vaqt ke pul-sirāt tez Dor TuuTī

    vahī safedī ke pech-o-ḳham the

    vahī safedī ke pech-o-ḳham ke tale jabīñ par shikan

    nigah meñ ḳhushūnateñ

    rū-ba-rū vahī zard zard chehra

    jo kāñptī uñgliyoñ se file ko mez par rakh ke haT rahā thā

    main aaj daftar mein subh pahuncha

    to ek naya zard zard chehra nazar paDa

    jis ko dekhte hi

    man mere dil mein ek daricha khula

    aur us ke aqab se

    us zard shakl ki ham-shabih

    ek surKH shakl ubhri

    sharir gustaKH be-takalluf

    ubhar ke mere qarib aai

    qarib aa kar

    nazar mila kar

    wo khilkhila kar hansi

    aur apne sharir poron se

    mere collar ki saKHtiyan paemal kar din

    safed baalon ke pech-o-KHam mein

    siyahiyon ki lakir khinchi

    nigah se sab KHushunaten

    aur jabin se sab silwaTen miTa din

    mujhe dariche se le ke nikli

    tawil rahon pe

    sabza-zaron mein

    lahlahate hasin kheton mein

    chand taron mein phir rahi thi

    ki jab achanak

    daricha-e-dil ke band hone se waqt ke pul-siraat ki tez Dor TuTi

    wahi safedi ke pech-o-KHam the

    wahi safedi ke pech-o-KHam ke tale jabin par shikan

    nigah mein KHushunaten

    ru-ba-ru wahi zard zard chehra

    jo kanpti ungliyon se file ko mez par rakh ke haT raha tha

    Source:

    • Book: sarabon ke sadaf (Pg. 125)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites