hama-ust

Noon Meem Rashid

hama-ust

Noon Meem Rashid

MORE BYNoon Meem Rashid

    ḳhayābān-e-sa.adī meñ

    ruusī kitāboñ dukkān par ham khaḌe the

    mujhe ruus ke chīda san.at-garoñ ke

    na.e kārnāmoñ ik umar se tishnagī thii!

    mujhe rūsiyoñ ke siyāsī ''hama-ūsat'' se koī raġhbat nahīñ hai

    magar zarre zarre meñ

    insāñ ke jauhar tābindagī dekhne tamannā hamesha rahī hai!

    aur us shaam to mursida urūsī thī

    us shoḳh dīvānī laḌkī ḳhātir

    mujhe ek nāzuk sauġhāt justujū thī

    vo merā nayā dost ḳhālid

    zarā duur taḳhte ke pīchhe khaḌī

    ik tanau-mand lekin fusūñ-kār

    qufqāz rahne vaalī hasīna se shīr-o-shakar thaa!

    ye bhūkā musāfir

    jo daste ke saath

    ek ḳheme maiñ ik dūr-uftāda sahrā meñ

    muddat se uzlat-guzīñ thā

    baḌī iltijāoñ se

    is hūr-e-qufqāz se kah rahā thaa:

    ''na-jāne kahāñ se milā hai

    tumhārī zabāñ ko ye shahad

    aur lahje ko mastī!

    maiñ kaise batā.ūñ

    maiñ kis darja dil-dāda huuñ rūsiyoñ

    mujhe ishtirākī tamaddun se kitnī mohabbat hai

    kaise batā.ūñ!

    ye mumkin hai tum mujh ko ruusī sikhā do?

    ki ruusī adīboñ sar-chashma-gāhoñ ko maiñ dekhnā chāhtā hūñ''

    vo parvarda-e-ashva-bāzī

    kanakhiyoñ se yuuñ dekhtī thī

    ki jaise vo un sar-nigūñ ārzūoñ ko pahchāntī ho

    jo kartī haiñ akasr yūñhī rū-shanāsī

    kabhī dostī tamannā

    kabhī ilm pyaas ban kar!

    vo kūlhe hilātī thī hañstī thī

    ik sochī samjhī hisābī lagāvaT se

    jaise vo un ḳhufiya sar-chashma-gāhoñ ke har raaz ko jāntī ho

    vo taḳhte ke pīchhe khaḌī qahqahe mārtī lauTtī thī

    kahā maiñ ne ḳhālid se:

    bahrūpiye!

    is vilāyat meñ zarb-e-masal hai

    ''ki ūñToñ saudā-garī lagan ho

    to ghar un ke qābil banāo

    aur is shahr meñ yuuñ to ustāniyāñ an-ginat haiñ

    magar is ujrat bhalā tum kahāñ de sakoge!''

    vo phir muztarib ho ke be-iḳhtiyārī se hañsne lagī thii!

    vo bolī ''ye sach hai

    ki ujrat to ik shāhī bhar kam na hogī

    magar faujiyoñ bharosa kyā hai

    bhalā tum kahāñ baaz aaoge

    āḳhir zabāñ sīkhne ke bahāne

    ḳhayānat karoge''

    vo hañstī huī

    ik na.e mushtarī taraf multafit ho ga.ī thii!

    to ḳhālid ne dekhā

    ki rūmān to ḳhaak meñ mil chukā hai

    use khīñch kar jab maiñ bāzār meñ rahā thā

    lagātār karne lagā vo maqūloñ meñ bāteñ

    ''zabāñ sīkhnī ho to aurat se sīkho!

    jahāñ bhar meñ ruusī adab nahīñ koī saanī

    vo qufqāz huur mazdūr aurat!

    jo duniyā ke mazdūr sab ek ho jaa.eñ

    āġhāz ho ik nayā daura-e-shādmānī

    mire dostoñ meñ bahut ishtirākī haiñ

    jo har mohabbat meñ māyūs ho kar

    yūñhī ik na.e daura-e-shādmānī hasrat meñ

    karte haiñ dil-jūī ik dūsre

    aur ab aisī bātoñ pe maiñ

    zer-e-lab bhī kabhī muskurātā nahīñ huuñ

    aur us shaam jashn-e-urūsī meñ

    husn o mai o raqs o naġhma ke tūfān bahte rahe the

    farañgī sharābeñ to anqā thiiñ

    lekin mai-e-nāb-e-qazvīn o ḳhullār-e-shīrāz ke daur-e-paiham se

    rañgīñ libāsoñ se

    ḳhushbū be-bāk lahroñ se

    be-sāḳhta qahqahoñ hamhamoñ se

    mazāmīr ke zer-o-bam se

    vo hañgāma barpā thā

    mahsūs hotā thā

    tehrān āḳhirī shab yahī hai!

    āchānak kahā mursida ne:

    ''tumhārā vo sāthī kahāñ hai?

    abhī ek sofe pe dekhā thā maiñ ne

    use sar-ba-zānū!''

    to ham kuchh pareshān se ho ga.e

    aur kamra-ba-kamra use DhūñDne mil ke nikle!

    lo ik gosha-e-nīm-raushan meñ

    vo ishtirākī zamīñ par paḌā thā

    use ham bulāyā kiye aur jhiñjhoḌā kiye

    vo to sākit thā jāmid thaa!

    ruusī adīboñ sar-chashma-gāhoñ us ko ḳhabar ho ga.ī thī

    KHayaban-e-sadi mein

    rusi kitabon ki dukkan par hum khaDe the

    mujhe rus ke chida sanat-garon ke

    nae karnamon ki ek umar se tishnagi thi!

    mujhe rusiyon ke siyasi hama-usat se koi raghbat nahin hai

    magar zarre zarre mein

    insan ke jauhar ki tabindagi dekhne ki tamanna hamesha rahi hai!

    aur us sham to mursida ki urusi thi

    us shoKH diwani laDki ki KHatir

    mujhe ek nazuk si saughat ki justuju thi

    wo mera naya dost KHalid

    zara dur taKHte ke pichhe khaDi

    ek tanau-mand lekin fusun-kar

    qufqaz ki rahne wali hasina se shir-o-shakar tha!

    ye bhuka musafir

    jo daste ke sath

    ek KHeme main ek dur-uftada sahra mein

    muddat se uzlat-guzin tha

    baDi iltijaon se

    is hur-e-qufqaz se kah raha tha:

    na-jaane kahan se mila hai

    tumhaari zaban ko ye shahad

    aur lahje ko masti!

    main kaise bataun

    main kis darja dil-dada hun rusiyon ka

    mujhe ishtiraki tamaddun se kitni mohabbat hai

    kaise bataun!

    ye mumkin hai tum mujh ko rusi sikha do?

    ki rusi adibon ki sar-chashma-gahon ko main dekhna chahta hun

    wo parwarda-e-ashwa-bazi

    kanakhiyon se yun dekhti thi

    ki jaise wo un sar-nigun aarzuon ko pahchanti ho

    jo karti hain akasr yunhi ru-shanasi

    kabhi dosti ki tamanna

    kabhi ilm ki pyas ban kar!

    wo kulhe hilati thi hansti thi

    ek sochi samjhi hisabi lagawaT se

    jaise wo un KHufiya sar-chashma-gahon ke har raaz ko jaanti ho

    wo taKHte ke pichhe khaDi qahqahe marti lauTti thi

    kaha main ne KHalid se:

    bahrupiye!

    is wilayat mein zarb-e-masal hai

    ki unTon ki sauda-gari ki lagan ho

    to ghar un ke qabil banao

    aur is shahr mein yun to ustaniyan an-ginat hain

    magar is ki ujrat bhala tum kahan de sakoge!

    wo phir muztarib ho ke be-iKHtiyari se hansne lagi thi!

    wo boli ye sach hai

    ki ujrat to ek shahi bhar kam na hogi

    magar faujiyon ka bharosa hi kya hai

    bhala tum kahan baz aaoge

    aaKHir zaban sikhne ke bahane

    KHayanat karoge

    wo hansti hui

    ek nae mushtari ki taraf multafit ho gai thi!

    to KHalid ne dekha

    ki ruman to KHak mein mil chuka hai

    use khinch kar jab main bazar mein la raha tha

    lagatar karne laga wo maqulon mein baaten

    zaban sikhni ho to aurat se sikho!

    jahan bhar mein rusi adab ka nahin koi sani

    wo qufqaz ki hur mazdur aurat!

    jo duniya ke mazdur sab ek ho jaen

    aaghaz ho ek naya daura-e-shadmani

    mere doston mein bahut ishtiraki hain

    jo har mohabbat mein mayus ho kar

    yunhi ek nae daura-e-shadmani ki hasrat mein

    karte hain dil-jui ek dusre ki

    aur ab aisi baaton pe main

    zer-e-lab bhi kabhi muskuraata nahin hun

    aur us sham jashn-e-urusi mein

    husn o mai o raqs o naghma ke tufan bahte rahe the

    farangi sharaben to anqa thin

    lekin mai-e-nab-e-qazwin o KHullar-e-shiraaz ke daur-e-paiham se

    rangin libason se

    KHushbu ki be-bak lahron se

    be-saKHta qahqahon hamhamon se

    mazamir ke zer-o-bam se

    wo hangama barpa tha

    mahsus hota tha

    tehran ki aaKHiri shab yahi hai!

    aachanak kaha mursida ne:

    tumhaara wo sathi kahan hai?

    abhi ek sofe pe dekha tha main ne

    use sar-ba-zanu!

    to hum kuchh pareshan se ho gae

    aur kamra-ba-kamra use DhunDne mil ke nikle!

    lo ek gosha-e-nim-raushan mein

    wo ishtiraki zamin par paDa tha

    use hum bulaya kiye aur jhinjhoDa kiye

    wo to sakit tha jamid tha!

    rusi adibon ki sar-chashma-gahon ki us ko KHabar ho gai thi

    RECITATIONS

    Atif Bloch

    Atif Bloch

    Atif Bloch

    hama-uust Atif Bloch

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY