hamare kamre mein pattiyon ki mahak ne

Fariha Naqvi

hamare kamre mein pattiyon ki mahak ne

Fariha Naqvi

MORE BYFariha Naqvi

    cigarette ke raqs karte dhueñ se mil kar,

    ajiib māhaul kar diyā hai

    aur is pe ab ye ghaḌī Tik-Tik ne,

    dil udāsī se bhar diyā hai

    kisī zamāne meñ ham ne,

    'nāsir', 'farāz', 'mohsin', 'jamāl', 'sarvat' ke sher apnī chahaktī dīvār par likhe the

    ab is meñ sīlan kyuuñ aa ga.ī hai....?

    hamārā bistar ki jis meñ koī shikan nahīñ hai, usī pe kab se,

    (vo daa.eñ jānib, maiñ baa.eñ jānib....)

    na jaane kab se darāz haiñ ham....!!!

    maiñ us se shāyad ḳhafā nahīñ huuñ,

    use bhī koī gila nahīñ hai

    magar hamārī ḳhamīda pushteñ jo pichhlī kitnī sā.atoñ se

    bas ek duuje ko tak rahī haiñ....

    vo thak ga.ī hai

    cigarette ke raqs karte dhuen se mil kar,

    ajib mahaul kar diya hai

    aur is pe ab ye ghaDi ki Tik-Tik ne,

    dil udasi se bhar diya hai

    kisi zamane mein hum ne,

    'nasir', 'faraaz', 'mohsin', 'jamal', 'sarwat' ke sher apni chahakti diwar par likhe the

    ab is mein silan kyun aa gai hai?

    hamara bistar ki jis mein koi shikan nahin hai, usi pe kab se,

    (wo daen jaanib, main baen jaanib)

    na jaane kab se daraaz hain ham!!!

    main us se shayad KHafa nahin hun,

    use bhi koi gila nahin hai

    magar hamari KHamida pushten jo pichhli kitni hi saaton se

    bas ek duje ko tak rahi hain

    wo thak gai hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY