harf-e-aKHir

Ali Sardar Jafri

harf-e-aKHir

Ali Sardar Jafri

MORE BY Ali Sardar Jafri

    ye aadmī guzargāh-e-shāhrāh-e-hayāt

    hazāroñ saal bār-e-garāñ uThā.e hue

    jabīñ pe kātib-e-taqdīr jalī tahrīr

    gale se saikḌoñ naqsh-e-qadam lagā.e hue

    guzarte vaqt ke gard-o-ġhubār ke nīche

    hasīn jism tābindagī chhupā.e hue

    guzishta daur tahzīb manāzil ko

    javān maañ tarah god meñ sulā.e hue

    ye aadmī guzargāh-e-shāhrāh-e-hayāt

    hazāroñ saal bār-e-garāñ uThā.e hue

    idhar se guzre haiñ chañgez-o-nādir-o-taimūr

    lahū meñ bhīgī huī mish.aleñ jalā.e hue

    ġhulāmoñ aur kanīzoñ ke kārvāñ aa.e

    ḳhud apne ḳhuun meñ Duube hue nahā.e hue

    shikasta dosh pe dīvār-e-chīn ko laade

    saroñ pe misr ke ehrām ko uThā.e hue

    jalāl-e-shaiḳh-o-shikoh-e-barhamanī ke julūs

    havas ke sīnoñ meñ ātish-kade chhupā.e hue

    jahālatoñ tavīl-o-arīz parchhā.īñ

    tavahhumāt tārīkiyāñ jagā.e hue

    safed qaum ke ayyār tājiroñ ke giroh

    fareb-o-makr se apnī dukāñ sajā.e hue

    shikast-ḳhurda siyāsī gadāgaroñ ke hujūm

    adab se TuuTī huī gardaneñ jhukā.e hue

    ġhamoñ se chuur musāfir thake hue raahī

    charāġh-e-rūh ke dil ke kañval bujhā.e hue

    ye aadmī guzargāh-e-shāhrāh-e-hayāt

    hazāroñ saal bār-e-garāñ uThā.e hue

    na.e ufuq se na.e qāfiloñ aamad hai

    charāġh-e-vaqt rañgīn lau baḌhā.e hue

    baġhāvatoñ sipah inqalāb ke lashkar

    zamīñ pe paañv falak pe nazar jamā.e hue

    ġhurūr-e-fat.h ke parcham havā meñ lahrāte

    sabāt-o-azm ke ūñche alam uThā.e hue

    hatheliyoñ pe liye āftāb aur mahtāb

    baġhal meñ kurra-e-arz-e-hasīñ dabā.e hue

    uTho aur uTh ke inheñ qāfiloñ meñ mil jaao

    jo manziloñ ko haiñ gard-e-safar banā.e hue

    qadam baḌhā.e hue haiñ mujāhidān-e-vatan

    mujāhidān-e-vatan haiñ qadam baḌhā.e hue

    ye aadmi ki guzargah-e-shahrah-e-hayat

    hazaron sal ka bar-e-garan uThae hue

    jabin pe katib-e-taqdir ki jali tahrir

    gale se saikDon naqsh-e-qadam lagae hue

    guzarte waqt ke gard-o-ghubar ke niche

    hasin jism ki tabindagi chhupae hue

    guzishta daur ki tahzib ki manazil ko

    jawan man ki tarah god mein sulae hue

    ye aadmi ki guzargah-e-shahrah-e-hayat

    hazaron sal ka bar-e-garan uThae hue

    idhar se guzre hain changez-o-nadir-o-taimur

    lahu mein bhigi hui mishalen jalae hue

    ghulamon aur kanizon ke karwan aae

    KHud apne KHun mein Dube hue nahae hue

    shikasta dosh pe diwar-e-chin ko lade

    saron pe misr ke ehram ko uThae hue

    jalal-e-shaiKH-o-shikoh-e-barhamani ke julus

    hawas ke sinon mein aatish-kade chhupae hue

    jahaalaton ki tawil-o-ariz parchhain

    tawahhumat ki tarikiyan jagae hue

    safed qaum ke ayyar tajiron ke giroh

    fareb-o-makr se apni dukan sajae hue

    shikast-KHurda siyasi gadagaron ke hujum

    adab se TuTi hui gardanen jhukae hue

    ghamon se chur musafir thake hue rahi

    charagh-e-ruh ke dil ke kanwal bujhae hue

    ye aadmi ki guzargah-e-shahrah-e-hayat

    hazaron sal ka bar-e-garan uThae hue

    nae ufuq se nae qafilon ki aamad hai

    charagh-e-waqt ki rangin lau baDhae hue

    baghawaton ki sipah inqalab ke lashkar

    zamin pe panw falak pe nazar jamae hue

    ghurur-e-fath ke parcham hawa mein lahraate

    sabaat-o-azm ke unche alam uThae hue

    hatheliyon pe liye aaftab aur mahtab

    baghal mein kurra-e-arz-e-hasin dabae hue

    uTho aur uTh ke inhen qafilon mein mil jao

    jo manzilon ko hain gard-e-safar banae hue

    qadam baDhae hue hain mujahidan-e-watan

    mujahidan-e-watan hain qadam baDhae hue

    Videos
    This video is playing from YouTube

    Videos
    This video is playing from YouTube

    Ali Sardar Jafri

    Ali Sardar Jafri

    Source:

    • Book : kulliyat ali sardar jafari.1 (Pg. 271)
    • Author : ali ahmad fatmi
    • Publication : NCPUL (2004)
    • Edition : 1100
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY