harf-e-ghair

mere ahbāb meñ ik shā.er-e-kam-nām bhī hai

zehn hai jis kā ajab rāhat-gāh

hādse ek zamāne ke jahāñ aa ke sukūñ paate haiñ

jab chamak uThte haiñ kuchh hādse iz.hār kī peshānī par

vo simaTtā sā chalā jaatā hai

ya.anī har nazm use aur bhī begāna banā detī hai

shab na.ī nazm liye baiThā thā ahbāb ke biich

aur sab hama-tan-gosh use sunte the

nazm ke ba.ad vo aalam thā ki sannāTā na karvaT le paa.e

(note:ġhair-pasañdīdagī kī vaj.h se)

is ne yuuñ dekhā nahīñ dād-talab nazroñ se

jaise is aas meñ ho

gul ke girne kī sadā farsh se aa.egī abhī

mere ahbab mein ek shaer-e-kam-nam bhi hai

zehn hai jis ka ajab rahat-gah

hadse ek zamane ke jahan aa ke sukun pate hain

jab chamak uThte hain kuchh hadse izhaar ki peshani par

wo simaTta sa chala jata hai

yani har nazm use aur bhi begana bana deti hai

shab nai nazm liye baiTha tha ahbab ke bich

aur sab hama-tan-gosh use sunte the

nazm ke baad wo aalam tha ki sannaTa na karwaT le pae

(note:ghair-pasandidagi ki wajh se)

is ne yun dekha nahin dad-talab nazron se

jaise is aas mein ho

gul ke girne ki sada farsh se aaegi abhi