harf-e-shirin

tum ne ik roz

rang-e-tabassum se sarshār

mujh ko 'ināyat kiyā thā

saped aur shaffāf

be-dāġh kāġhaz kā raushan sā taḳhta

maiñ lab-basta us kī taraf

der tak dekhtā jab rahā

tum ne mujh se kahā thā

agar narm nāzuk koī harf-e-shīrīñ

mujhe pesh karne kī ḳhātir

kisī roz taḳhlīq karnā

to be-dāġh shaffāf is farsh-e-nūrīñ pe karnā

maiñ tā'mīl meñ avvalīñ harf-e-shīrīñ raqam kar rahā huuñ

faqat ek hī lafz kāġhaz pe paiham

musalsal utartā hai

nāz-e-ḳhirām-e-shagufta se

raushan

munavvar

tumhārā hasīñ naam

mere shab-o-roz kī

vus'atoñ meñ daraḳhshāñ hai

jo aaj āfāq kī

sarhadoñ tak

tum ne ek roz

rang-e-tabassum se sarshaar

mujh ko 'inayat kiya tha

saped aur shaffaf

be-dagh kaghaz ka raushan sa taKHta

main lab-basta us ki taraf

der tak dekhta jab raha

tum ne mujh se kaha tha

agar narm nazuk koi harf-e-shirin

mujhe pesh karne ki KHatir

kisi roz taKHliq karna

to be-dagh shaffaf is farsh-e-nurin pe karna

main ta'mil mein awwalin harf-e-shirin raqam kar raha hun

faqat ek hi lafz kaghaz pe paiham

musalsal utarta hai

naz-e-KHiram-e-shagufta se

raushan

munawwar

tumhaara hasin nam

mere shab-o-roz ki

wus'aton mein daraKHshan hai

jo aaj aafaq ki

sarhadon tak