harf-e-yaqin

ek din vaqt kā jhulsā huā mailā chehra

ik dil-afroz jilā pā.egā

sarguzisht-e-ġham-e-daurāñ kā musannif ik din

saarī nā-gufta hikāyāt ko jā.egā

vo dil-ārām se mausam vo ḳhunuk vādī-e-rañg

jin kī ḳhushbū pe ijāra rahā

saffāk sitam-rānoñ kā

jin ke phūloñ meñ phaloñ meñ thā lahū

saikḌoñ jāñ-soḳhtā insānoñ kā

ab vo tārīḳh-e-zubūñ

vaqt na dohrā.egā

vo pasīna jo Tapaktā hai thake aur tape jismoñ se

mere ehsās ke māthe pe namī hai jis kī

ek din rū-e-zamīñ kā vahī ġhāza ban kar

apnī khoī huī mehnat kā sila pā.egā

aur

shaddād-sifat

ġham kā bhayānak aaseb

maut ke ghaaT utar jā.egā

ek din waqt ka jhulsa hua maila chehra

ek dil-afroz jila paega

sarguzisht-e-gham-e-dauran ka musannif ek din

sari na-gufta hikayat ko jaega

wo dil-aram se mausam wo KHunuk wadi-e-rang

jin ki KHushbu pe ijara raha

saffak sitam-ranon ka

jin ke phulon mein phalon mein tha lahu

saikDon jaan-soKHta insanon ka

ab wo tariKH-e-zubun

waqt na dohraega

wo pasina jo Tapakta hai thake aur tape jismon se

mere ehsas ke mathe pe nami hai jis ki

ek din ru-e-zamin ka wahi ghaza ban kar

apni khoi hui mehnat ka sila paega

aur

shaddad-sifat

gham ka bhayanak aaseb

maut ke ghaT utar jaega