harf

MORE BYTahir Azeem

    vo harf-e-āḳhir kahāñ gayā hai

    vo harf jis tahoñ meñ apnī

    mohabbatoñ jo ik kahānī chhipī huī thī

    vo ik kahānī ki jis rau se umr bhar

    qarār paate bahār paate

    mohabbatoñ meñ surūr dil surāġh paate

    vo harf-e-āḳhir kahāñ gayā hai

    vo harf jo ik shajar sūrat

    hamāre gulshan-numā makāñ meñ

    bahut aziyyat bharī fazā meñ

    ḳhizāñ ke mausam ke dā.eroñ se

    guzar ke fasl-e-bahār laatā

    vo harf āḳhir kahāñ gayā hai

    vo harf to hamāre sar par

    jo ek sāya-numā shajar thā

    ki jis ke saa.e meñ rah ke ham sab

    dukhoñ ke saare

    azaab ke din

    ḳhushī ḳhushī guzār lete

    vo harf-e-āḳhir

    bichhaḌ ke ham se

    kahāñ gayā hai

    ye saarā qissa

    bayān kar ke

    jo aaj ham ne kisī se pūchhā

    vo ġhaur kar ke

    alāmatoñ ko samajh ke sanjīdgī se bolā

    'azīm' vo harf mar chukā hai

    wo harf-e-aKHir kahan gaya hai

    wo harf jis ki tahon mein apni

    mohabbaton ki jo ek kahani chhipi hui thi

    wo ek kahani ki jis ki rau se hi umr bhar ka

    qarar pate bahaar pate

    mohabbaton mein surur dil ka suragh pate

    wo harf-e-aKHir kahan gaya hai

    wo harf jo ek shajar ki surat

    hamare gulshan-numa makan mein

    bahut aziyyat bhari faza mein

    KHizan ke mausam ke daeron se

    guzar ke fasl-e-bahaar lata

    wo harf aaKHir kahan gaya hai

    wo harf hi to hamare sar par

    jo ek saya-numa shajar tha

    ki jis ke sae mein rah ke hum sab

    dukhon ke sare

    azab ke din

    KHushi KHushi hi guzar lete

    wo harf-e-aKHir

    bichhaD ke hum se

    kahan gaya hai

    ye sara qissa

    bayan kar ke

    jo aaj hum ne kisi se puchha

    wo ghaur kar ke

    alamaton ko samajh ke sanjidgi se bola

    'azim' wo harf mar chuka hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY