hasan kuza-gar (2)

Noon Meem Rashid

hasan kuza-gar (2)

Noon Meem Rashid

MORE BY Noon Meem Rashid

    ai jahāñ-zād,

    nashāt us shab-e-be-rāh-ravī

    maiñ kahāñ tak bhūlūñ?

    zor-e-mai thā ki mere haath larzish thī

    ki us raat koī jaam girā TuuT gayā

    tujhe hairat na huii!

    ki tire ghar ke darīchoñ ke ka.ī shīshoñ par

    us se pahle bhī durzeñ thiiñ bahut

    tujhe hairat na huii!

    ai jahāñ-zād,

    maiñ kūzoñ taraf apne taġhāroñ taraf

    ab jo baġhdād se lauTā huuñ

    to maiñ sochtā huuñ

    sochtā huuñ mere sāmne ā.īna rahī

    sar-e-bāzār darīche meñ sar-e-bistar-e-san.jāb kabhī

    mere sāmne ā.īna rahī

    jis meñ kuchh bhī nazar aayā na mujhe

    apnī sūrat ke sivā

    apnī tanhā.i-e-jān-kāh dahshat ke sivā!

    likh rahā huuñ tujhe ḳhat

    aur vo ā.īna mere haath meñ hai

    is meñ kuchh bhī nazar aatā nahīñ

    ab ek sūrat ke sivā!

    likh rahā huuñ tujhe ḳhat

    aur mujhe likhnā bhī kahāñ aatā hai?

    lauh-e-ā.īnā pe ashkoñ phavvaroñ se

    ḳhat kyuuñ na likhūñ?

    ai jahāñ-zād,

    nashāt us shab-e-be-rāh-ravī

    mujhe phir lā.egī?

    vaqt kyā chiiz hai jāntī hai?

    vaqt ik aisā patiñgā hai

    jo dīvāroñ pe ā.īnoñ pe

    paimānoñ pe shīshoñ pe

    mire jaam o subū mere taġhāroñ pe

    sadā reñgtā hai

    reñgte vaqt ke mānind kabhī

    lauT ke aa.egā hasan kūza-gar-e-soḳhta-jāñ bhī shāyad!

    ab jo lauTā huuñ jahāñ-zād

    to maiñ sochtā huuñ!

    shāyad is jhoñpaḌe chhat pe ye makḌī mirī mahrūmī

    jise tantī chalī jaatī hai vo jaalā to nahīñ huuñ maiñ bhii?

    ye siyah jhoñpaḌā meñ jis meñ paḌā sochtā huuñ

    mere aflās ke rauñde hue ajdād

    bas ek nishānī hai yahī

    un ke fan un ma.īshat kahānī hai yahī

    maiñ jo lauTā huuñ to vo soḳhta-baḳht

    aa ke mujhe dekhtī hai

    der tak dekhtī rah jaatī hai

    mere is jhoñpaḌe meñ kuchh bhī nahīñ

    khel ik saada mohabbat

    shab o roz ke is baḌhte hue khokhle-pan meñ jo kabhī khelte haiñ

    kabhī ro lete haiñ mil kar kabhī lete haiñ

    aur mil kar kabhī hañs lete haiñ

    dil ke jiine ke bahāne ke sivā aur nahīñ

    harf sarhad haiñ jahāñ-zād ma.ānī sarhad

    ishq sarhad hai javānī sarhad

    dil ke jiine ke bahāne ke sivā aur nahīñ

    dard-e-mahrūmī

    tanhā.ī sarhad bhī kahīñ hai ki nahīñ?

    mere is jhoñpaḌe meñ

    kitnī ḳhushbueñ haiñ

    jo mere gird sadā reñgtī haiñ

    usī ik raat ḳhushbū tarah reñgtī haiñ

    dar o dīvār se lipTī huī is gird ḳhushbū bhī hai

    mere aflās tanhā.ī

    yādoñ tamannāoñ ḳhushbueñ bhī

    phir bhī is jhoñpaḌe meñ kuchh bhī nahīñ

    ye merā jhoñpaḌā tārīk hai ganda hai parāganda hai

    haañ kabhī duur daraḳhtoñ se parindoñ sadā aatī hai

    kabhī injīroñ ke zaitūnoñ ke bāġhoñ mahak aatī hai

    to maiñ uThtā huuñ

    to maiñ kahtā huuñ ke lo aaj nahā kar niklā!

    varna is ghar meñ koī sej nahīñ itr nahīñ hai

    koī pañkhā bhī nahīñ,

    tujhe jis ishq ḳhū hai

    mujhe us ishq yaarā bhī nahīñ!

    hañsnegī ai jahāñ-zād ajab baat

    ki jazbāt hātim bhī maiñ

    aur ashiyā parastār bhī maiñ

    aur sarvat jo nahīñ us talabgār bhī maiñ!

    jo hañstī rahī us raat tazabzub pe mere

    merī do-rañgī pe phir se hañs de!

    ishq se kis ne magar paayā hai kuchh apne sivā?

    ai jahāñ-zāb

    hai har ishq savāl aisā ke āshiq ke sivā

    us nahīñ koī javāb

    yahī kaafī hai ki bātin sadā guuñj uThe!

    ai jahāñ-zād

    mere gosha-e-bātin sadā thī

    mere fan ThaThurtī huī sadiyoñ

    ke kināre gūñjī

    terī āñkhoñ ke samundar kinārā thā

    sadiyoñ kinārā niklā

    ye samundar jo mirī zaat ā.īna hai

    ye samundar jo mere kūzoñ ke bigḌe hue

    bante hue sīmāoñ ā.īna hai

    ye samundar jo har ik fan

    har ik fan ke parastār

    ā.īna hai

    ai jahan-zad,

    nashat us shab-e-be-rah-rawi ki

    main kahan tak bhulun?

    zor-e-mai tha ki mere hath ki larzish thi

    ki us raat koi jam gira TuT gaya

    tujhe hairat na hui!

    ki tere ghar ke darichon ke kai shishon par

    us se pahle ki bhi durzen thin bahut

    tujhe hairat na hui!

    ai jahan-zad,

    main kuzon ki taraf apne taghaaron ki taraf

    ab jo baghdad se lauTa hun

    to main sochta hun

    sochta hun tu mere samne aaina rahi

    sar-e-bazar dariche mein sar-e-bistar-e-sanjab kabhi

    tu mere samne aaina rahi

    jis mein kuchh bhi nazar aaya na mujhe

    apni hi surat ke siwa

    apni tanhai-e-jaan-kah ki dahshat ke siwa!

    likh raha hun tujhe KHat

    aur wo aaina mere hath mein hai

    is mein kuchh bhi nazar aata nahin

    ab ek hi surat ke siwa!

    likh raha hun tujhe KHat

    aur mujhe likhna bhi kahan aata hai?

    lauh-e-aina pe ashkon ki phawwaron hi se

    KHat kyun na likhun?

    ai jahan-zad,

    nashat us shab-e-be-rah-rawi ki

    mujhe phir laegi?

    waqt kya chiz hai tu jaanti hai?

    waqt ek aisa patinga hai

    jo diwaron pe aainon pe

    paimanon pe shishon pe

    mere jam o subu mere taghaaron pe

    sada rengta hai

    rengte waqt ke manind kabhi

    lauT ke aaega hasan kuza-gar-e-soKHta-jaan bhi shayad!

    ab jo lauTa hun jahan-zad

    to main sochta hun!

    shayad is jhonpaDe ki chhat pe ye makDi meri mahrumi ki

    jise tanti chali jati hai wo jala to nahin hun main bhi?

    ye siyah jhonpaDa mein jis mein paDa sochta hun

    mere aflas ke raunde hue ajdad ki

    bas ek nishani hai yahi

    un ke fan un ki maishat ki kahani hai yahi

    main jo lauTa hun to wo soKHta-baKHt

    aa ke mujhe dekhti hai

    der tak dekhti rah jati hai

    mere is jhonpaDe mein kuchh bhi nahin

    khel ek sada mohabbat ka

    shab o roz ke is baDhte hue khokhle-pan mein jo kabhi khelte hain

    kabhi ro lete hain mil kar kabhi ga lete hain

    aur mil kar kabhi hans lete hain

    dil ke jine ke bahane ke siwa aur nahin

    harf sarhad hain jahan-zad maani sarhad

    ishq sarhad hai jawani sarhad

    dil ke jine ke bahane ke siwa aur nahin

    dard-e-mahrumi ki

    tanhai ki sarhad bhi kahin hai ki nahin?

    mere is jhonpaDe mein

    kitni hi KHushbuen hain

    jo mere gird sada rengti hain

    usi ek raat ki KHushbu ki tarah rengti hain

    dar o diwar se lipTi hui is gird ki KHushbu bhi hai

    mere aflas ki tanhai ki

    yaadon ki tamannaon ki KHushbuen bhi

    phir bhi is jhonpaDe mein kuchh bhi nahin

    ye mera jhonpaDa tarik hai ganda hai paraganda hai

    han kabhi dur daraKHton se parindon ki sada aati hai

    kabhi injiron ke zaitunon ke baghon ki mahak aati hai

    to main ji uThta hun

    to main kahta hun ke lo aaj naha kar nikla!

    warna is ghar mein koi sej nahin itr nahin hai

    koi pankha bhi nahin,

    tujhe jis ishq ki KHu hai

    mujhe us ishq ka yara bhi nahin!

    tu hansnegi ai jahan-zad ajab baat

    ki jazbaat ka hatim bhi main

    aur ashiya ka parastar bhi main

    aur sarwat jo nahin us ka talabgar bhi main!

    tu jo hansti rahi us raat tazabzub pe mere

    meri do-rangi pe phir se hans de!

    ishq se kis ne magar paya hai kuchh apne siwa?

    ai jahan-zab

    hai har ishq sawal aisa ke aashiq ke siwa

    us ka nahin koi jawab

    yahi kafi hai ki baatin ki sada gunj uThe!

    ai jahan-zad

    mere gosha-e-baatin ki sada hi thi

    mere fan ki ThaThurti hui sadiyon

    ke kinare gunji

    teri aankhon ke samundar ka kinara hi tha

    sadiyon ka kinara nikla

    ye samundar jo meri zat ka aaina hai

    ye samundar jo mere kuzon ke bigDe hue

    bante hue simaon ka aaina hai

    ye samundar jo har ek fan ka

    har ek fan ke parastar ka

    aaina hai

    RECITATIONS

    Nomaan Shauque

    Nomaan Shauque

    Nomaan Shauque

    hasan kuza-gar (2) Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY