hasan kuza-gar(3)

Noon Meem Rashid

hasan kuza-gar(3)

Noon Meem Rashid

MORE BYNoon Meem Rashid

    jahāñ-zād

    vo halab kārvāñ-saraā hauz, raat vo sukūt

    jis meñ ek dūsre se ham-kinār tairte rahe

    muhīt jis tarah ho dā.ere ke gird halqā-zan

    tamām raat tairte rahe the ham

    ham ek dūsre ke jism o jaañ se lag ke

    tairte rahe the ek shād-kām ḳhauf se

    ki jaise paanī āñsuoñ meñ tairtā rahe

    ham ek dūsre se mutma.in zavāl-e-umr ke ḳhilāf

    tairte rahe

    kah uThī 'hasan yahāñ bhī khīñch laa.ī

    jaañ tishnagī tujhe!'

    (lo apnī jaañ tishnagī ko yaad kar rahā thā maiñ

    ki merā halq āñsuoñ be-bahā saḳhāvatoñ

    se shād-kām ho gayā!)

    magar ye vahm dil meñ tairne lagā ki ho na ho

    mirā badan kahīñ halab ke hauz meñ rah gayā

    nahīñ, mujhe duī vāhima nahīñ

    ki ab bhī rabt-e-jism-o-jāñ e'tibār hai mujhe

    yahī vo e'tibār thā

    ki jis ne mujh ko aap meñ samo diyā

    maiñ sab se pahle 'aap' huuñ

    agar hamīñ hoñ ho aur maiñ huuñ phir bhī maiñ

    har ek shai se pahle aap hoñ!

    agar maiñ zinda huuñ to kaise aap se daġhā karūñ?

    ki tere jaisī aurteñ, jahāñ-zād,

    aisī uljhaneñ haiñ

    jin ko aaj tak koī nahīñ 'sulajh' sakā

    jo maiñ kahūñ ke maiñ 'sulajh' sakā to sar-ba-sar

    fareb apne aap se!

    ki auratoñ sāḳht hai vo tanz apne-āp par

    javāb jis ham nahīñ

    (labīb kaun hai? tamām raat jis zikr

    tere lab pe thā

    vo kaun tere gesuoñ ko khīñchtā rahā

    laboñ ko nochtā rahā

    jo maiñ kabhī na kar sakā

    nahīñ ye sach hai maiñ huuñ labīb ho

    raqīb ho to kis liye tirī ḳhud-āgahī be-riyā nashāt-e-nāb

    jo sad-navā o yak-navā ḳhirām-e-sub.h tarah

    labīb har navā-e-sāz-gār nafī sahī!)

    magar hamārā rābta visāl-e-āb-o-gil nahīñ, na thā kabhī

    vajūd-e-ādmī se āb-o-gil sadā barūñ rahe

    na har visāl-e-āb-o-gil se koī jaam subū ban sakā

    jo in ek vāhima ban sake to ban sake!

    jahāñ-zād

    ek aur ek vo aur ek maiñ

    ye tiin zāviye kisī musallas-e-qadīm ke

    hamesha ghūmte rahe

    ki jaise merā chaak ghūmtā rahā

    magar na apne-āp koī surāġh sake

    musallas-e-qadīm ko maiñ toḌ, duuñ jo kahe, magar nahīñ

    jo sehr mujh pe chaak vahī hai is musallas-e-qadīm

    nigāheñ mere chaak jo mujh ko dekhtī haiñ

    ghūmte hue

    subū-o-jām par tirā badan tirā rañg terī nāzukī

    baras paḌī

    vo kīmiyā-garī tire jamāl baras paḌī

    maiñ sail-e-nūr-e-andrūñ se dhul gayā!

    mire daroñ ḳhalq yuuñ galī galī nikal paḌī

    ki jaise sub.h azaañ sunā.ī dii!

    tamām kuuze bante bante 'tuu' ban ke rah ga.e

    nashāt is visāl-e-rah-guzar nā-gahāñ mujhe nigal ga.ī

    yahī pyāla-o-surāhī-o-subū marhala hai vo

    ki jab ḳhamīr-e-āb-o-gil se vo judā hue

    to un ko samt-e-rāh-e-nau kāmrāniyāñ mileñ

    maiñ ik ġharīb kūza-gar

    ye intihā-e-mārifat

    ye har pyāla-o-surāhī-o-subū intihā-e-mārifat

    mujhe ho is kyā ḳhabar?

    jahāñ-zād

    intizār aaj bhī mujhe hai kyuuñ vahī magar

    jo nau baras ke daur-e-nā-sazā meñ thaa?

    ab intizār āñsuoñ ke dajla

    na gumrahī raat

    shab-e-gunah lazzatoñ itnā zikr kar chukā

    vo ḳhud gunāh ban ga.īñ!

    halab kārvāñ-sarā ke hauz kaa, na maut

    na apnī is shikast-ḳhurdā zaat

    ik intizār-e-be-amāñ taar hai bañdhā huaa!

    kabhī jo chand sāniye zamān-e-be-zamāñ meñ aa ke ruk ga.e

    to vaqt ye baar mere sar se bhī utar gayā

    tamām rafta o guzishta sūrtoñ, tamām hādsoñ

    ke sust qāfile

    mire darūñ meñ jaag uThe

    mere darūñ meñ ik jahān-e-bāz-yāftā rel-pel jaag uThī

    bahisht jaise jaag uThe ḳhudā ke lā-shu.ūr meñ!

    maiñ jaag uThā ġhunūdgī ret par paḌā huā

    ġhunūdgī ret par paḌe hue vo kuuze jo

    mire vajūd se barūñ

    tamām reza reza ho ke rah ga.e the

    mere apne-āp se firāq meñ

    vo phir se ek kul bane (kisī navā-e-sāz-gār tarah)

    vo phir se ek raqs-e-be-zamāñ bane

    vo rūyat-e-azal bane!

    jahan-zad

    wo halab ki karwan-saraa ka hauz, raat wo sukut

    jis mein ek dusre se ham-kinar tairte rahe

    muhit jis tarah ho daere ke gird halqa-zan

    tamam raat tairte rahe the hum

    hum ek dusre ke jism o jaan se lag ke

    tairte rahe the ek shad-kaam KHauf se

    ki jaise pani aansuon mein tairta rahe

    hum ek dusre se mutmain zawal-e-umr ke KHilaf

    tairte rahe

    tu kah uThi 'hasan yahan bhi khinch lai

    jaan ki tishnagi tujhe!'

    (lo apni jaan ki tishnagi ko yaad kar raha tha main

    ki mera halq aansuon ki be-baha saKHawaton

    se shad-kaam ho gaya!)

    magar ye wahm dil mein tairne laga ki ho na ho

    mera badan kahin halab ke hauz hi mein rah gaya

    nahin, mujhe dui ka wahima nahin

    ki ab bhi rabt-e-jism-o-jaan ka e'tibar hai mujhe

    yahi wo e'tibar tha

    ki jis ne mujh ko aap mein samo diya

    main sab se pahle 'ap' hun

    agar hamin hon tu ho aur main hun phir bhi main

    har ek shai se pahle aap hon!

    agar main zinda hun to kaise aap se dagha karun?

    ki tere jaisi aurten, jahan-zad,

    aisi uljhanen hain

    jin ko aaj tak koi nahin 'sulajh' saka

    jo main kahun ke main 'sulajh' saka to sar-ba-sar

    fareb apne aap se!

    ki auraton ki saKHt hai wo tanz apne-ap par

    jawab jis ka hum nahin

    (labib kaun hai? tamam raat jis ka zikr

    tere lab pe tha

    wo kaun tere gesuon ko khinchta raha

    labon ko nochta raha

    jo main kabhi na kar saka

    nahin ye sach hai main hun ya labib ho

    raqib ho to kis liye teri KHud-agahi ki be-riya nashat-e-nab ka

    jo sad-nawa o yak-nawa KHiram-e-subh ki tarah

    labib har nawa-e-saz-gar ki nafi sahi!)

    magar hamara rabta visal-e-ab-o-gil nahin, na tha kabhi

    wajud-e-admi se aab-o-gil sada barun rahe

    na har visal-e-ab-o-gil se koi jam ya subu hi ban saka

    jo in ka ek wahima hi ban sake to ban sake!

    jahan-zad

    ek tu aur ek wo aur ek main

    ye tin zawiye kisi musallas-e-qadim ke

    hamesha ghumte rahe

    ki jaise mera chaak ghumta raha

    magar na apne-ap ka koi suragh pa sake

    musallas-e-qadim ko main toD, dun jo tu kahe, magar nahin

    jo sehr mujh pe chaak ka wahi hai is musallas-e-qadim ka

    nigahen mere chaak ki jo mujh ko dekhti hain

    ghumte hue

    subu-o-jam par tera badan tera hi rang teri nazuki

    baras paDi

    wo kimiya-gari tere jamal ki baras paDi

    main sail-e-nur-e-andrun se dhul gaya!

    mere daron ki KHalq yun gali gali nikal paDi

    ki jaise subh ki azan sunai di!

    tamam kuze bante bante 'tu' hi ban ke rah gae

    nashat is visal-e-rah-guzar ki na-gahan mujhe nigal gai

    yahi pyala-o-surahi-o-subu ka marhala hai wo

    ki jab KHamir-e-ab-o-gil se wo juda hue

    to un ko samt-e-rah-e-nau ki kaamraniyan milen

    main ek gharib kuza-gar

    ye intiha-e-marifat

    ye har pyala-o-surahi-o-subu ki intiha-e-marifat

    mujhe ho is ki kya KHabar?

    jahan-zad

    intizar aaj bhi mujhe hai kyun wahi magar

    jo nau baras ke daur-e-na-saza mein tha?

    ab intizar aansuon ke dajla ka

    na gumrahi ki raat ka

    shab-e-gunah ki lazzaton ka itna zikr kar chuka

    wo KHud gunah ban gain!

    halab ki karwan-sara ke hauz ka, na maut ka

    na apni is shikast-KHurda zat ka

    ek intizar-e-be-aman ka tar hai bandha hua!

    kabhi jo chand saniye zaman-e-be-zaman mein aa ke ruk gae

    to waqt ka ye bar mere sar se bhi utar gaya

    tamam rafta o guzishta surton, tamam hadson

    ke sust qafile

    mere darun mein jag uThe

    mere darun mein ek jahan-e-baz-yafta ki rel-pel jag uThi

    bahisht jaise jag uThe KHuda ke la-shuur mein!

    main jag uTha ghunudgi ki ret par paDa hua

    ghunudgi ki ret par paDe hue wo kuze jo

    mere wajud se barun

    tamam reza reza ho ke rah gae the

    mere apne-ap se firaq mein

    wo phir se ek kul bane (kisi nawa-e-saz-gar ki tarah)

    wo phir se ek raqs-e-be-zaman bane

    wo ruyat-e-azal bane!

    Videos
    This video is playing from YouTube

    Videos
    This video is playing from YouTube

    Noon Meem Danish

    Noon Meem Danish

    RECITATIONS

    Nomaan Shauque

    Nomaan Shauque

    Nomaan Shauque

    hasan kuza-gar(3) Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY