hashr ki subh daraKHshan ho maqam-e-mahmud

Adil Mansuri

hashr ki subh daraKHshan ho maqam-e-mahmud

Adil Mansuri

MORE BYAdil Mansuri

    raat dāḌhī ke añdhere se takalluf barte

    arsh ke sāmne rusvā.ī gardan na uThe

    izn-e-sajda pe kamar taḳhta na ho jaa.e kahīñ

    khokhle lafzoñ meñ lohā to nahīñ bhar sakte

    saikaḌoñ saal tablīġh ke chālīs samar

    kashtī ban jaa.e to tannūr se paanī uble

    sālhā-sāl se ārām natīja matlūb

    tīn-sau-sāTh sanam ḳhāna-e-ka.aba se chale

    reg-zāroñ meñ ġhubār aur khajūrī saa.e

    uuñT aañkh meñ tash.hīr huā dard-e-safar

    koī 'hiñda' se kahe daañt kahāñ haiñ tere

    fat.h-e-makka se magar log hidāyat paa.eñ

    ḳhuun jam jaa.e jo nālain meñ chalte chalte

    arsh aañkh se rahmat samundar uble

    jibra.īl apnī hai.at meñ haiñ numā.ish-manzar

    paañv pātāl meñ sar charḳh se Takrā.e kahīñ

    par jo khole to har ik samt pe parde laTkeñ

    aur jaltā huā sūraj abhī kho jaa.e kahīñ

    qāfila aayā hai 'bū-bakr' se mansūb magar

    maal taqsīm huā dāman-e-hājat-mañdañ

    nuur kañdhe pe uThā.e shab-e-hijrat ke safīr

    ġhaar meñ saath rahe paas paivand hue

    masjid-e-nabvī meñ ambār-e-ġhanīmat raushan

    log rote hue nikle haiñ pareshāñ-manzar

    raushnī pahuñchī 'abū-jahl' dīvāroñ tak

    ghar tārīkī meñ rasta na bane bīnā.ī

    peḌ ke saa.e pahchān yahūdī rāhib

    ruk gayā āb-e-ravāñ beva ke darvāze par

    dast-e-zohrā meñ nishānāt ayaañ chakkī se

    ilm ke baab 'alī' umr meñ sab se chhoTe

    chāñd naam tire chāk-garebānoñ meñ

    mubtadī DhūñDte haiñ masjid-e-aqsā meñ imaam

    sidrat-ul-muntahā jibrīl ijāzat māñge

    kaun thā kis ne pukārā ki chale bhī aao

    kaun maujūd thā pahle se vahāñ kaun gayā

    kaun suntā thā vahāñ kis ne pukārā kis ko

    kis āvāz tanvīr se aalim chamke

    sar-bulandī thī muqaddar meñ qalam se pahle

    bakriyāñ kaun 'halīma' charāne jaa.e

    'āmina' batn se iz.hār hai aadam uruuj

    mujtam.a kis ne kiyā logoñ ko parbat ke qarīb

    kis ne lalkārā zalālat ko musalsal tanhā

    jau roTī kabhī mil jaa.e kabhī fāqa-kashī

    bhuuk se peT pe patthar kabhī bāñdhe kis ne

    tīn-sau-terah ta.adād hai kis gintī meñ

    fikr pe dā.era-kun ḳhandaqeñ khodī jaa.eñ

    duur dhuup meñ hai faisla-kun rah-e-tabūk

    'hañzala' sāmne aa jaa.eñ jo chhaT jaa.e ġhubār

    maiñ ne pahuñchā diyā tum tak jo mujhe pahuñchā thā

    maiñ ne pahuñchā diyā tum tak jo mujhe pahuñchā thā

    maiñ ne pahuñchā diyā tum tak jo mujhe pahuñchā thā

    koī pardesī hai ḳheme pe pareshāñ-surat

    aur 'fārūq' chale biivī ko ham-rāh liye

    fāsle toḌ kar āvāz ke saa.e phaile

    hākim-e-vaqt kurtā ka.ī paivand lagā

    bakriyāñ jis se sambhālī nahīñ jātīñ thiiñ kabhī

    nisf duniyā pe ḳhilāfat ke alam lahrā.e

    yaad hai sāhibo ḳhaibar ko ukhāḌā kis ne

    kis talvār thī ā.īna zamāne ke liye

    kis ne zarḳhez shujā.at ke sitāre bo.e

    jaan jāvedāñ lamhāt tilāvat mashġhūl

    ḳhuun ke dhabbe haiñ qur.ān pe tābinda nazar

    kaun rotā thā musalle pe hamārī ḳhātir

    pair varma ga.e kis ke shab-e-sajda-o-qiyām

    do mahīnoñ meñ makānoñ se dhuāñ tak na uThe

    fikr-e-ummat ki har ik lamha lahū meñ karvaT

    jism raushan thā chaTā.ī ke nishāñ bhī raushan

    gāliyāñ khāte phireñ makka ke bāzāroñ meñ

    aur tanhā kabhī taa.ef se nikāle jaa.eñ

    marhabā shukr Thahrāo bahishtī zevar

    marhabā sabr irfān ki merāj-e-hayāt

    nuur majsūm huā gumbad-e-ḳhazrā markūz

    hashr sub.h daraḳhshāñ ho maqām-e-mahmūd

    haath raushan rahe kausar se qarābat manzar

    ḳhuun ab sard huā jaatā hai shiryānoñ meñ

    aur baḌhtī huī ta.adād bharosā toḌe

    nafs dauḌātā hai phir jānib-e-shahvat ghoḌe

    lazzat-e-shai meñ haiñ ma.adūm charāġhoñ laveñ

    raushnī apne paḌosī ko bhī pahuñchā na sake

    ruuh ab sho.alagī māñge hai har ik zarre se

    koī ilyās bātoñ pe zarā kaan dhare

    koī yūsuf se shahādat ke ma.ānī pūchhe

    koī taqsīm kare vaqt ko masjid masjid

    koī bai.at to kare dast-e-zakariyā hāzir

    markaz-e-ishq pe pahuñcho to ho in.ām-e-nazar

    ek ik lamha ke chehre se ayaañ izn-e-safar

    gumrahī qil.oñ meñ mahfūz rahegī kab tak

    sar uThā.egī havā bādbāñ khul jā.eñge

    band darvāzoñ pe dastak sadā gūñjegī

    dhuup dahlīz pe pahuñchā.egī mehmānoñ ko

    sā.ebāñ sar pe abābīl liye saath chale

    talḳh tahzīb ke sahrā meñ azaañ lahrā.e

    guuñj uTThegā haram nara-e-labbaik, zamīñ

    tere qadmoñ meñ ugal degī ḳhazāne apne

    terī taqlīd meñ maġhrib baqā poshīda

    terī tazlīl meñ jo haath uThe kaT jaa.e

    terī nusrat ke liye āsmāñ koshish maqsūd

    silsile tere baneñ zeb-e-jahān-e-fānī

    nuur majsūm huā gumbad-e-ḳhazra markūz

    hashr sub.h daraḳhshāñ ho maqām-e-mahmūd

    raat daDhi ke andhere se takalluf barte

    arsh ke samne ruswai ki gardan na uThe

    izn-e-sajda pe kamar taKHta na ho jae kahin

    khokhle lafzon mein loha to nahin bhar sakte

    saikaDon sal ki tabligh ke chaalis samar

    kashti ban jae to tannur se pani uble

    salha-sal se aaram natija matlub

    tin-sau-saTh sanam KHana-e-kaba se chale

    reg-zaron mein ghubar aur khajuri sae

    unT ki aankh mein tashhir hua dard-e-safar

    koi 'hinda' se kahe dant kahan hain tere

    fath-e-makka se magar log hidayat paen

    KHun jam jae jo nalain mein chalte chalte

    arsh ki aankh se rahmat ka samundar uble

    jibrail apni haiat mein hain numaish-manzar

    panw patal mein sar charKH se Takrae kahin

    par jo khole to har ek samt pe parde laTken

    aur jalta hua suraj abhi kho jae kahin

    qafila aaya hai 'bu-bakr' se mansub magar

    mal taqsim hua daman-e-hajat-mandan

    nur kandhe pe uThae shab-e-hijrat ke safir

    ghaar mein sath rahe pas hi paiwand hue

    masjid-e-nabwi mein ambar-e-ghanimat raushan

    log rote hue nikle hain pareshan-manzar

    raushni pahunchi 'abu-jahl' ki diwaron tak

    ghar ki tariki mein rasta na bane binai

    peD ke sae ki pahchan yahudi rahib

    ruk gaya aab-e-rawan bewa ke darwaze par

    dast-e-zohra mein nishanat ayan chakki se

    ilm ke bab 'ali' umr mein sab se chhoTe

    chand ka nam tere chaak-garebanon mein

    mubtadi DhunDte hain masjid-e-aqsa mein imam

    sidrat-ul-muntaha jibril ijazat mange

    kaun tha kis ne pukara ki chale bhi aao

    kaun maujud tha pahle se wahan kaun gaya

    kaun sunta tha wahan kis ne pukara kis ko

    kis ki aawaz ki tanwir se aalim chamke

    sar-bulandi thi muqaddar mein qalam se pahle

    bakriyan kaun 'halima' ki charane jae

    'amina' batn se izhaar hai aadam ka uruj

    mujtama kis ne kiya logon ko parbat ke qarib

    kis ne lalkara zalalat ko musalsal tanha

    jau ki roTi kabhi mil jae kabhi faqa-kashi

    bhuk se peT pe patthar kabhi bandhe kis ne

    tin-sau-terah ki tadad hai kis ginti mein

    fikr pe daera-kun KHandaqen khodi jaen

    dur ki dhup mein hai faisla-kun rah-e-tabuk

    'hanzala' samne aa jaen jo chhaT jae ghubar

    main ne pahuncha diya tum tak jo mujhe pahuncha tha

    main ne pahuncha diya tum tak jo mujhe pahuncha tha

    main ne pahuncha diya tum tak jo mujhe pahuncha tha

    koi pardesi hai KHeme pe pareshan-surat

    aur 'faruq' chale biwi ko ham-rah liye

    fasle toD kar aawaz ke sae phaile

    hakim-e-waqt ka kurta kai paiwand laga

    bakriyan jis se sambhaali nahin jatin thin kabhi

    nisf duniya pe KHilafat ke alam lahrae

    yaad hai sahibo KHaibar ko ukhaDa kis ne

    kis ki talwar thi aaina zamane ke liye

    kis ne zarKHez shujaat ke sitare boe

    jaan di jawedan lamhat tilawat mashghul

    KHun ke dhabbe hain quran pe tabinda nazar

    kaun rota tha musalle pe hamari KHatir

    pair warma gae kis ke shab-e-sajda-o-qiyam

    do mahinon mein makanon se dhuan tak na uThe

    fikr-e-ummat ki har ek lamha lahu mein karwaT

    jism raushan tha chaTai ke nishan bhi raushan

    galiyan khate phiren makka ke bazaron mein

    aur tanha kabhi taef se nikale jaen

    marhaba shukr ka Thahrao bahishti zewar

    marhaba sabr ka irfan ki meraj-e-hayat

    nur majsum hua gumbad-e-KHazra markuz

    hashr ki subh daraKHshan ho maqam-e-mahmud

    hath raushan rahe kausar se qarabat manzar

    KHun ab sard hua jata hai shiryanon mein

    aur baDhti hui tadad bharosa toDe

    nafs dauData hai phir jaanib-e-shahwat ghoDe

    lazzat-e-shai mein hain madum charaghon ki lawen

    raushni apne paDosi ko bhi pahuncha na sake

    ruh ab shoalagi mange hai har ek zarre se

    koi ilyas ki baaton pe zara kan dhare

    koi yusuf se shahadat ke maani puchhe

    koi taqsim kare waqt ko masjid masjid

    koi baiat to kare dast-e-zakariya hazir

    markaz-e-ishq pe pahuncho to ho inam-e-nazar

    ek ek lamha ke chehre se ayan izn-e-safar

    gumrahi qilon mein mahfuz rahegi kab tak

    sar uThaegi hawa baadban khul jaenge

    band darwazon pe dastak ki sada gunjegi

    dhup dahliz pe pahunchaegi mehmanon ko

    saeban sar pe ababil liye sath chale

    talKH tahzib ke sahra mein azan lahrae

    gunj uTThega haram nara-e-labbaik, zamin

    tere qadmon mein ugal degi KHazane apne

    teri taqlid mein maghrib ki baqa poshida

    teri tazlil mein jo hath uThe kaT jae

    teri nusrat ke liye aasman koshish maqsud

    silsile tere banen zeb-e-jahan-e-fani

    nur majsum hua gumbad-e-KHazra markuz

    hashr ki subh daraKHshan ho maqam-e-mahmud

    Source:

    • Book : azadi ke bad urdu nazm (Pg. 619)
    • Author : shamim hanfi and mazhar mahdi
    • Publication : qaumi council bara-e-farogh urdu (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY