aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

etimad

MORE BYKafeel Aazar Amrohvi

    maiñ ne sochā thā ki is baar tumhārī bāheñ

    merī gardan meñ ba-sad-shauq hamā.il hoñgī

    mushkileñ rāh-e-mohabbat meñ na haa.il hoñgī

    maiñ ne sochā thā ki is baar nigāhoñ ke salām

    ā.eñge aur ba-andāz-e-digar ā.eñge

    phuul phuul fazāoñ meñ bikhar jā.eñge

    maiñ ne sochā thā ki is baar tumhārī sāñseñ

    merī bahkī huī sāñsoñ se lipaT jā.eñgī

    bazm-e-ehsās tārīkiyāñ chhaT jā.eñgī

    maiñ ne sochā thā ki is baar tumhārā paikar

    mere be-ḳhvāb darīchoñ ko sulā jā.egā

    mere kamre ko salīqe se sajā jā.egā

    maiñ ne sochā thā ki is baar mire āñgan meñ

    rañg bikhreñge umīdoñ dhanak TūTegī

    merī tanhā.ī ke aariz pe shafaq phūTegī

    maiñ ne sochā thā ki is baar ba-īñ sūrat-e-hāl

    mere darvāze pe shahnā.iyāñ sab dekheñge

    jo kabhī pahle nahīñ dekhā thā ab dekheñge

    maiñ ne sochā thā ki is baar mohabbat ke liye

    gungunāte hue jazboñ barāt aa.egī

    muddatoñ ba.ad tamannāoñ raat aa.egī

    tum mire ishq taqdīr banogī is baar

    jiit jā.egā mirā josh-e-junūñ sochā thā

    aur ab soch rahā huuñ ki ye kyuuñ sochā thā

    main ne socha tha ki is bar tumhaari bahen

    meri gardan mein ba-sad-shauq hamail hongi

    mushkilen rah-e-mohabbat mein na hail hongi

    main ne socha tha ki is bar nigahon ke salam

    aaenge aur ba-andaz-e-digar aaenge

    phul hi phul fazaon mein bikhar jaenge

    main ne socha tha ki is bar tumhaari sansen

    meri bahki hui sanson se lipaT jaengi

    bazm-e-ehsas ki tarikiyan chhaT jaengi

    main ne socha tha ki is bar tumhaara paikar

    mere be-KHwab darichon ko sula jaega

    mere kamre ko saliqe se saja jaega

    main ne socha tha ki is bar mere aangan mein

    rang bikhrenge umidon ki dhanak TuTegi

    meri tanhai ke aariz pe shafaq phuTegi

    main ne socha tha ki is bar ba-in surat-e-haal

    mere darwaze pe shahnaiyan sab dekhenge

    jo kabhi pahle nahin dekha tha ab dekhenge

    main ne socha tha ki is bar mohabbat ke liye

    gungunate hue jazbon ki baraat aaegi

    muddaton baad tamannaon ki raat aaegi

    tum mere ishq ki taqdir banogi is bar

    jit jaega mera josh-e-junun socha tha

    aur ab soch raha hun ki ye kyun socha tha

    Source:

    Dhoop Ka Dareecha (Pg. 51)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now