mehman

MORE BYAsrarul Haq Majaz

    aaj raat aur baaqī hai

    kal to jaanā hai safar pe mujhe

    zindagī muntazir hai muñh phāḌe

    zindagī ḳhaak o ḳhuun meñ luthḌī

    aañkh meñ sho.ala-hā-e-tund liye

    do ghaḌī ḳhud ko shādmāñ kar leñ

    aaj raat aur baaqī hai

    chalne ko hai ik sumūm abhī

    raqs-farmā hai rūh-e-barbādī

    barbariyat ke kārvānoñ se

    zalzale meñ hai sīna-e-gītī

    zauq-e-pinhāñ ko kāmrāñ kar leñ

    aaj raat aur baaqī hai

    ek paimāna-e-mai-e-sarjosh

    lutf-e-guftār garmi-e-āġhosh

    bose is darja ātishīñ bose

    phūñk Dāleñ jo merī kisht-e-hosh

    ruuh yaḳh-basta hai tapāñ kar leñ

    aaj raat aur baaqī hai

    ek do aur sāġhar-e-sarshār

    phir to honā hai mujhe hoshiyār

    chheḌnā hai sāz-e-zīst mujhe

    aag barsā.eñge lab-e-guftār

    kuchh tabī.at to ham ravāñ kar leñ

    aaj raat aur baaqī hai

    phir kahāñ ye hasīñ suhānī raat

    ye farāġhat ye kaif ke lamhāt

    kuchh to āsūdgi-e-zauq-e-nihāñ

    kuchh to taskīn-e-shorish-e-jazbāt

    aaj raat jāvedāñ kar leñ

    aaj raat aur aaj raat

    aaj ki raat aur baqi hai

    kal to jaana hi hai safar pe mujhe

    zindagi muntazir hai munh phaDe

    zindagi KHak o KHun mein luthDi

    aankh mein shoala-ha-e-tund liye

    do ghaDi KHud ko shadman kar len

    aaj ki raat aur baqi hai

    chalne hi ko hai ek sumum abhi

    raqs-farma hai ruh-e-barbaadi

    barbariyat ke karwanon se

    zalzale mein hai sina-e-giti

    zauq-e-pinhan ko kaamran kar len

    aaj ki raat aur baqi hai

    ek paimana-e-mai-e-sarjosh

    lutf-e-guftar garmi-e-aghosh

    bose is darja aatishin bose

    phunk Dalen jo meri kisht-e-hosh

    ruh yaKH-basta hai tapan kar len

    aaj ki raat aur baqi hai

    ek do aur saghar-e-sarshaar

    phir to hona hi hai mujhe hoshiyar

    chheDna hi hai saz-e-zist mujhe

    aag barsaenge lab-e-guftar

    kuchh tabiat to hum rawan kar len

    aaj ki raat aur baqi hai

    phir kahan ye hasin suhani raat

    ye faraghat ye kaif ke lamhat

    kuchh to aasudgi-e-zauq-e-nihan

    kuchh to taskin-e-shorish-e-jazbaat

    aaj ki raat jawedan kar len

    aaj ki raat aur aaj ki raat

    Source :
    • Book : Kulliyaat-e-Majaz (Pg. 171)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now