hawa hamare kis kaam ki

havā merī baat nahīñ samajhtī

havā tumhārī baat nahīñ samajhtī

havā ham donoñ se hamārī baat nahīñ kartī

hamāre lafz us kī samā.at se

phisal jaate haiñ

vo be-ma.anī āñkhoñ se hameñ dekhtī rahtī hai

maiñ un kā haal kaise jānūñ

unheñ apnā haal kaise batā.ūñ

jin ke ghar vīrān haiñ

jin kī sub.heñ rañg se ḳhālī

aur rāteñ chāñdnī se mahrūm haiñ

jin kī khiḌkiyoñ par bhārī parde paḌe haiñ

aur darvāzoñ par taale

lekin havā ye bāteñ nahīñ samajhtī

vo to ḳhālī haath aatī jaatī hai

aur ḳhālī haath aane

aur ḳhālī haath jaane vāloñ se

hameñ kyā lenā

hawa meri baat nahin samajhti

hawa tumhaari baat nahin samajhti

hawa hum donon se hamari baat nahin karti

hamare lafz us ki samaat se

phisal jate hain

wo be-mani aankhon se hamein dekhti rahti hai

main un ka haal kaise jaanun

unhen apna haal kaise bataun

jin ke ghar viran hain

jin ki subhen rang se KHali

aur raaten chandni se mahrum hain

jin ki khiDkiyon par bhaari parde paDe hain

aur darwazon par tale

lekin hawa ye baaten nahin samajhti

wo to KHali hath aati jati hai

aur KHali hath aane

aur KHali hath jaane walon se

hamein kya lena