hijr ki raaten

MORE BYMirza Altaf Husain Alim Lucknowi

    hijr rāteñ kaalī kaalī

    is par yaad kisī jaarī

    aise gahre sannāTe meñ

    kis se kaheñ ham ġham kahānī

    duniyā saarī sotī hai

    taare ginnā bechainī meñ

    aaheñ bharnā betābī meñ

    aah hamārī sone vaalo

    is hālat meñ lāchārī meñ

    raat basar yuuñ hotī hai

    kushta-e-ġham ab turbat par

    hasrat rotī hai hasrat par

    ek udāsī aalam hai

    sone vaale qismat par

    sham-e-bālīñ rotī hai

    jis meñ hasrat bastī hai

    jis bulandī har pastī hai

    ya.anī jis ko dil kahte haiñ

    jis par sab duniyā hañstī hai

    ek anokhā motī hai

    charḳh ne bedardī be-rahmī

    sach to yahī hai us se sīkhī

    aao 'ālim' kuchh to batāo

    sab kuchh hai par yaas kisī

    yaad bhalā kyuuñ khotī hai

    hijr ki raaten kali kali

    is par yaad kisi ki jari

    aise gahre sannaTe mein

    kis se kahen hum gham ki kahani

    duniya sari soti hai

    tare ginna bechaini mein

    aahen bharna betabi mein

    aah hamari sone walo

    is haalat mein lachaari mein

    raat basar yun hoti hai

    kushta-e-gham ki ab turbat par

    hasrat roti hai hasrat par

    ek udasi ka aalam hai

    sone wale ki qismat par

    sham-e-baalin roti hai

    jis mein hasrat ki basti hai

    jis ki bulandi har pasti hai

    yani jis ko dil kahte hain

    jis par sab duniya hansti hai

    ek anokha moti hai

    charKH ne bedardi be-rahmi

    sach to yahi hai us se sikhi

    aao 'alim' kuchh to batao

    sab kuchh hai par yas kisi ki

    yaad bhala kyun khoti hai

    Source:

    • Book : Intekhab-e-Kuliyat Aalim Lucknowi (Pg. 359)
    • Author : Mirza Mohammad Yousuf
    • Publication : M. R. Publication (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY