hijr

MORE BYAzeemuddin Ahmad

    paas thā ko chain kuchh thā

    terā jaanā ki aafat aa.ī

    nazroñ se chhupā jo terā chehrā

    mere sar par qayāmat aa.ī

    baaqī thoḌā din thā lekin

    merī āñkhoñ meñ thā añdherā

    kyūñkar ho sabr mujh se mumkin

    dil ko har-dam hai dhyān terā

    ai zulm ke aur sitam ke baanī

    ai shoḳh jafā-shi.ār ayyār

    mujh ko dūbhar hai zindagānī

    merī āñkhoñ meñ hai jahāñ taar

    ai barq-misāl ai trahdār

    ai māh-jabīñ ġhazāl-sīrat

    mujh par tār-e-nafas hai ik baar

    mujh se kosoñ pare hai rāhat

    ghar-bhar sotā hai ek betāb

    aaheñ bhar kar taḌap rahā hai

    bhūle bhī aañkh ko nahīñ ḳhvāb

    zulmat-e-shab ajab balā hai

    hargiz hargiz mujhe mayassar

    aa.ī koī ghaḌī na rāhat

    kaisā kaisā rahā huuñ muztar

    kitnī kitnī uThā.ī zahmat

    dil ko hai saḳht be-qarārī

    jiine ke paḌ ga.e haiñ laale

    dil hālat na ye miTegī

    jab tak na phir sambhāle

    mujh ko tanhā.ī go satā.e

    tujh ko aish-o-tarab ho maimūñ

    mujh par aafat hazār aa.e

    tujh se ḳhush-tāla.ī ho maqrūñ

    tujh se chhuTnā hai saḳht mushkil

    jab tak hai hāfize meñ qudrat

    terā terā rahegā ye dil

    jab tak na milā.e tujh se qismat

    tu pas tha ji ko chain kuchh tha

    tera jaana ki aafat aai

    nazron se chhupa jo tera chehra

    mere sar par qayamat aai

    baqi thoDa sa din tha lekin

    meri aankhon mein tha andhera

    kyunkar ho sabr mujh se mumkin

    dil ko har-dam hai dhyan tera

    ai zulm ke aur sitam ke bani

    ai shoKH jafa-shiar ayyar

    mujh ko dubhar hai zindagani

    meri aankhon mein hai jahan tar

    ai barq-misal ai trahdar

    ai mah-jabin ghazal-sirat

    mujh par tar-e-nafas hai ek bar

    mujh se koson pare hai rahat

    ghar-bhar sota hai ek betab

    aahen bhar kar taDap raha hai

    bhule bhi aankh ko nahin KHwab

    zulmat-e-shab ki ajab bala hai

    hargiz hargiz mujhe mayassar

    aai koi ghaDi na rahat

    kaisa kaisa raha hun muztar

    kitni kitni uThai zahmat

    dil ko hai saKHt be-qarari

    jine ke paD gae hain lale

    dil ki haalat na ye miTegi

    jab tak tu hi na phir sambhaale

    mujh ko tanhai go satae

    tujh ko aish-o-tarab ho maimun

    mujh par aafat hazar aae

    tujh se KHush-talai ho maqrun

    tujh se chhuTna hai saKHt mushkil

    jab tak hai hafize mein qudrat

    tera tera rahega ye dil

    jab tak na milae tujh se qismat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY