hilal-e-mah-e-ramzan dekh kar

māh-e-rahmat kī ḳhabar kis ke liye laayā hai tū

kaun terā muntazir thā kis liye aayā hai tū

dekhne hoñge ye din tū ne kabhī sochā na thā

dekh vo manzar jo is se peshtar dekhā na thā

ab kisī ko ātish-e-dozaḳh kā koī Dar nahīñ

bārish-e-rahmat meñ bhī dāman kisī kā tar nahīñ

jab ḳhudā kā Dar nahīñ to fikr-e-uqbā kyuuñ rahe

fāriġh-ul-bālī meñ koī bhūkā pyāsā kyuuñ rahe

dekh le is daur meñ haiñ aise roze-dār bhī

khāte haiñ hotel meñ din bhar karte haiñ iftār bhī

mah-e-rahmat ki KHabar kis ke liye laya hai tu

kaun tera muntazir tha kis liye aaya hai tu

dekhne honge ye din tu ne kabhi socha na tha

dekh wo manzar jo is se peshtar dekha na tha

ab kisi ko aatish-e-dozaKH ka koi Dar nahin

barish-e-rahmat mein bhi daman kisi ka tar nahin

jab KHuda ka Dar nahin to fikr-e-uqba kyun rahe

farigh-ul-baali mein koi bhuka pyasa kyun rahe

dekh le is daur mein hain aise roze-dar bhi

khate hain hotel mein din bhar karte hain iftar bhi