himala

Allama Iqbal

himala

Allama Iqbal

MORE BYAllama Iqbal

    Interesting Fact

    From Part-1 till 1905 (Bang-e-Dara)

    ai himāla ai fasīl-e-kishvar-e-hindustān

    chūmtā hai terī peshānī ko jhuk kar āsmāñ

    tujh meñ kuchh paidā nahīñ derīna rozī ke nishāñ

    javāñ hai gardish-e-shām-o-sahar ke darmiyāñ

    ek jalva thā kalīm-e-tūr-e-sīnā ke liye

    tajallī hai sarāpā chashm-e-bīnā ke liye

    imtihān-e-dīda-e-zāhir meñ kohistāñ hai

    pāsbāñ apnā hai dīvār-e-hindustāñ hai

    matla-e-avval falak jis ho vo dīvāñ hai

    sū-e-ḳhalvat-gāh-e-dil dāman-kash-e-insāñ hai

    barf ne bāñdhī hai dastār-e-fazīlat tere sar

    ḳhanda-zan hai jo kulāh-e-mehr-e-ālam-tāb par

    terī umr-e-rafta ik aan hai ahd-e-kuhan

    vādiyoñ meñ haiñ tirī kaalī ghaTā.eñ ḳhema-zan

    choTiyāñ terī surayyā se haiñ sargarm-e-suḳhan

    zamīñ par aur pahnā-e-falak terā vatan

    chashma-e-dāman tirā ā.īna-e-sayyāl hai

    dāman-e-mauj-e-havā jis ke liye rūmāl hai

    abr ke hāthoñ meñ rahvār-e-havā ke vāste

    tāziyāna de diyā barq-e-sar-e-kohsār ne

    ai himāla koī bāzī-gāh hai bhī jise

    dast-e-qudrat ne banāyā hai anāsir ke liye

    haa.e kyā fart-e-tarab meñ jhūmtā jaatā hai abr

    fīl-e-be-zanjīr sūrat uḌā jaatā hai abr

    jumbish-e-mauj-e-nasīm-e-sub.h gahvāra banī

    jhūmtī hai nashsha-e-hastī meñ har gul kalī

    yuuñ zabān-e-barg se goyā hai us ḳhāmushī

    dast-e-gul-chīñ jhaTak maiñ ne nahīñ dekhī kabhī

    kah rahī hai merī ḳhāmoshī afsāna mirā

    kunj-e-ḳhalvat ḳhāna-e-qudrat hai kāshāna mirā

    aatī hai naddī farāz-e-koh se gaatī huī

    kausar o tasnīm maujoñ ko sharmātī huī

    ā.īna shāhid-e-qudrat ko dikhlātī huī

    sañg-e-rah se gaah bachtī gaah Takrātī huī

    chheḌtī is irāq-e-dil-nashīñ ke saaz ko

    ai musāfir dil samajhtā hai tirī āvāz ko

    laila-e-shab kholtī hai aa ke jab zulf-e-rasā

    dāman-e-dil khīñchtī hai ābshāroñ sadā

    vo ḳhamoshī shaam jis par takallum ho fidā

    vo daraḳhtoñ par tafakkur samāñ chhāyā huā

    kāñptā phirtā hai kyā rañg-e-shafaq kohsār par

    ḳhush-numā lagtā hai ye ġhāza tire ruḳhsār par

    ai himāla dāstāñ us vaqt koī sunā

    maskan-e-ābā-e-insāñ jab banā dāman tirā

    kuchh batā us sīdhī-sādhī zindagī mājrā

    daaġh jis par ġhāza-e-rañg-e-taklluf na thā

    haañ dikhā de ai tasavvur phir vo sub.h o shaam

    dauḌ pīchhe taraf ai gardish-e-ayyām

    ai himala ai fasil-e-kishwar-e-hindustan

    chumta hai teri peshani ko jhuk kar aasman

    tujh mein kuchh paida nahin derina rozi ke nishan

    tu jawan hai gardish-e-sham-o-sahar ke darmiyan

    ek jalwa tha kalim-e-tur-e-sina ke liye

    tu tajalli hai sarapa chashm-e-bina ke liye

    imtihan-e-dida-e-zahir mein kohistan hai tu

    pasban apna hai tu diwar-e-hindustan hai tu

    matla-e-awwal falak jis ka ho wo diwan hai tu

    su-e-KHalwat-gah-e-dil daman-kash-e-insan hai tu

    barf ne bandhi hai dastar-e-fazilat tere sar

    KHanda-zan hai jo kulah-e-mehr-e-alam-tab par

    teri umr-e-rafta ki ek aan hai ahd-e-kuhan

    wadiyon mein hain teri kali ghaTaen KHema-zan

    choTiyan teri surayya se hain sargarm-e-suKHan

    tu zamin par aur pahna-e-falak tera watan

    chashma-e-daman tera aaina-e-sayyal hai

    daman-e-mauj-e-hawa jis ke liye rumal hai

    abr ke hathon mein rahwar-e-hawa ke waste

    taziyana de diya barq-e-sar-e-kohsar ne

    ai himala koi bazi-gah hai tu bhi jise

    dast-e-qudrat ne banaya hai anasir ke liye

    hae kya fart-e-tarab mein jhumta jata hai abr

    fil-e-be-zanjir ki surat uDa jata hai abr

    jumbish-e-mauj-e-nasim-e-subh gahwara bani

    jhumti hai nashsha-e-hasti mein har gul ki kali

    yun zaban-e-barg se goya hai us ki KHamushi

    dast-e-gul-chin ki jhaTak main ne nahin dekhi kabhi

    kah rahi hai meri KHamoshi hi afsana mera

    kunj-e-KHalwat KHana-e-qudrat hai kashana mera

    aati hai naddi faraaz-e-koh se gati hui

    kausar o tasnim ki maujon ko sharmati hui

    aaina sa shahid-e-qudrat ko dikhlati hui

    sang-e-rah se gah bachti gah Takraati hui

    chheDti ja is iraq-e-dil-nashin ke saz ko

    ai musafir dil samajhta hai teri aawaz ko

    laila-e-shab kholti hai aa ke jab zulf-e-rasa

    daman-e-dil khinchti hai aabshaaron ki sada

    wo KHamoshi sham ki jis par takallum ho fida

    wo daraKHton par tafakkur ka saman chhaya hua

    kanpta phirta hai kya rang-e-shafaq kohsar par

    KHush-numa lagta hai ye ghaza tere ruKHsar par

    ai himala dastan us waqt ki koi suna

    maskan-e-aba-e-insan jab bana daman tera

    kuchh bata us sidhi-sadhi zindagi ka majra

    dagh jis par ghaza-e-rang-e-taklluf ka na tha

    han dikha de ai tasawwur phir wo subh o sham tu

    dauD pichhe ki taraf ai gardish-e-ayyam tu

    RECITATIONS

    Nomaan Shauque

    Nomaan Shauque

    Nomaan Shauque

    himala Nomaan Shauque

    Source :
    • Book : کلیات اقبال (Pg. 21)
    • Author : علامہ اقبال
    • Publication : ایجوکیشنل پبلشنگ ہاؤس،دہلی (2014)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY