hindi

hindī zabāñ hamārī lagtī hai ham ko pyārī

is se hai pyaar ham ko jaane ye duniyā saarī

chun chun ke phuul is ke mālā.eñ ham banā.eñ

karke siñghār is kā nis-din ise sajā.eñ

pahuñchā deñ is ko ghar ghar hai kāmnā hamārī

hindī zabāñ hamārī lagtī hai ham ko pyārī

har shabd is kā hirdai-paT par likhā huā hai

hindī zabāñ kā amrit dil meñ utar gayā hai

dīvāne ham haiñ is ke haiñ is ke ham pujārī

hindī zabāñ hamārī lagtī hai ham ko pyārī

bādhā.eñ sab miTā deñ ham is ke rāstoñ kī

de deñ ise ik manzil insānoñ ke diloñ meñ

ye gulshan-e-vatan kī kahlātī hai dulārī

hindī zabāñ hamārī lagtī hai ham ko pyārī

hindī zabāñ se 'māhir' haiñ pyaar karne vaale

is kī kiran ke har-sū haiñ ḳhushnumā ujāle

is ke guloñ kī ḳhushbū lagtī hai sab ko pyārī

hindī zabāñ hamārī lagtī hai ham ko pyārī

hindi zaban hamari lagti hai hum ko pyari

is se hai pyar hum ko jaane ye duniya sari

chun chun ke phul is ke malaen hum banaen

karke singhaar is ka nis-din ise sajaen

pahuncha den is ko ghar ghar hai kaamna hamari

hindi zaban hamari lagti hai hum ko pyari

har shabd is ka hirdai-paT par likha hua hai

hindi zaban ka amrit dil mein utar gaya hai

diwane hum hain is ke hain is ke hum pujari

hindi zaban hamari lagti hai hum ko pyari

baadhaen sab miTa den hum is ke raston ki

de den ise ek manzil insanon ke dilon mein

ye gulshan-e-watan ki kahlati hai dulari

hindi zaban hamari lagti hai hum ko pyari

hindi zaban se 'mahir' hain pyar karne wale

is ki kiran ke har-su hain KHushnuma ujale

is ke gulon ki KHushbu lagti hai sab ko pyari

hindi zaban hamari lagti hai hum ko pyari