hindostan mera

Arsh Malsiyani

hindostan mera

Arsh Malsiyani

MORE BYArsh Malsiyani

    desoñ meñ sab se achchhā hindostān merā

    rū-e-zamīñ pe jannat, jannat-nishān merā

    hindostān merā, hindostān merā

    vo pyārā pyārā manzar, vo mohnī fazā.eñ

    vo ūñche ūñche parbat vo dil-fazā guphā.eñ

    hindostān merā, hindostān merā

    tīnoñ taraf samundar, chauthī taraf himāla

    hai pāsbān is kaa, is banāne vaalā

    hindostān merā, hindostān merā

    ġhunchoñ vo chaTaknā, phūloñ vo mahaknā

    panchhī pakheruoñ vo sub.h-dam chahaknā

    hindostān merā, hindostān merā

    dhīme suroñ meñ gañgā ye giit rahī hai

    jamunā bhī apne muñh meñ ye gungunā rahī hai

    hindostān merā, hindostān merā

    gokul ik gvālā bansī bajā rahā hai

    bansī lai meñ vo bhī ik giit rahā hai

    hindostān merā, hindostān merā

    duniyā ke saare meve is gulsitān meñ haiñ

    sab nemateñ mayassar hindostān meñ haiñ

    hindostān merā, hindostān merā

    merā nishāñ yahī hai, merā jahāñ yahī hai

    jannat mirī yahī hai, merā makāñ yahī hai

    hindostān merā, hindostān merā

    deson mein sab se achchha hindostan mera

    ru-e-zamin pe jannat, jannat-nishan mera

    hindostan mera, hindostan mera

    wo pyara pyara manzar, wo mohni fazaen

    wo unche unche parbat wo dil-faza guphaen

    hindostan mera, hindostan mera

    tinon taraf samundar, chauthi taraf himala

    hai pasban is ka, is ka banane wala

    hindostan mera, hindostan mera

    ghunchon ka wo chaTakna, phulon ka wo mahakna

    panchhi pakheruon ka wo subh-dam chahakna

    hindostan mera, hindostan mera

    dhime suron mein ganga ye git ga rahi hai

    jamuna bhi apne munh mein ye gunguna rahi hai

    hindostan mera, hindostan mera

    gokul ka ek gwala bansi baja raha hai

    bansi ki lai mein wo bhi ek git ga raha hai

    hindostan mera, hindostan mera

    duniya ke sare mewe is gulsitan mein hain

    sab nematen mayassar hindostan mein hain

    hindostan mera, hindostan mera

    mera nishan yahi hai, mera jahan yahi hai

    jannat meri yahi hai, mera makan yahi hai

    hindostan mera, hindostan mera

    Source:

    • Book : Kulliyat-e-Arsh (Pg. 276)
    • Author : Arsh Malsiyani
    • Publication : Ali Hujwiri Publisher H. 811, A Androon, Akbari Gate, Lahore
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY