hindustani bachchon ka qaumi git

Allama Iqbal

hindustani bachchon ka qaumi git

Allama Iqbal

MORE BYAllama Iqbal

    Interesting Fact

    From Part-1 till 1905 (Bang-e-Dara)

    chishtī ne jis zamīñ meñ paiġhām-e-haq sunāyā

    nānak ne jis chaman meñ vahdat giit gaayā

    tātāriyoñ ne jis ko apnā vatan banāyā

    jis ne hijāziyoñ se dasht-e-arab chhuḌāyā

    merā vatan vahī hai merā vatan vahī hai

    yunāniyoñ ko jis ne hairān kar diyā thā

    saare jahāñ ko jis ne ilm o hunar diyā thā

    miTTī ko jis haq ne zar asar diyā thā

    turkoñ jis ne dāman hīroñ se bhar diyā thā

    merā vatan vahī hai merā vatan vahī hai

    TuuTe the jo sitāre fāras ke āsmāñ se

    phir taab de ke jis ne chamkā.e kahkashāñ se

    vahdat lai sunī thī duniyā ne jis makāñ se

    mīr-e-arab ko aa.ī ThanDī havā jahāñ se

    merā vatan vahī hai merā vatan vahī hai

    bande kalīm jis ke parbat jahāñ ke siinā

    nūh-e-nabī aa kar Thahrā jahāñ safīnā

    rif.at hai jis zamīñ bām-e-falak ziinā

    jannat zindagī hai jis fazā meñ jiinā

    merā vatan vahī hai merā vatan vahī hai

    chishti ne jis zamin mein paigham-e-haq sunaya

    nanak ne jis chaman mein wahdat ka git gaya

    tatariyon ne jis ko apna watan banaya

    jis ne hijaziyon se dasht-e-arab chhuDaya

    mera watan wahi hai mera watan wahi hai

    yunaniyon ko jis ne hairan kar diya tha

    sare jahan ko jis ne ilm o hunar diya tha

    miTTi ko jis ki haq ne zar ka asar diya tha

    turkon ka jis ne daman hiron se bhar diya tha

    mera watan wahi hai mera watan wahi hai

    TuTe the jo sitare faras ke aasman se

    phir tab de ke jis ne chamkae kahkashan se

    wahdat ki lai suni thi duniya ne jis makan se

    mir-e-arab ko aai ThanDi hawa jahan se

    mera watan wahi hai mera watan wahi hai

    bande kalim jis ke parbat jahan ke sina

    nuh-e-nabi ka aa kar Thahra jahan safina

    rifat hai jis zamin ki baam-e-falak ka zina

    jannat ki zindagi hai jis ki faza mein jina

    mera watan wahi hai mera watan wahi hai

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Nomaan Shauque

    Nomaan Shauque

    Nomaan Shauque

    hindustani bachchon ka qaumi git Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY