hindu musalmanon ka ittihad

Chandar Bhan Kaifi Dehelvi

hindu musalmanon ka ittihad

Chandar Bhan Kaifi Dehelvi

MORE BYChandar Bhan Kaifi Dehelvi

    jab ek chaman tum ho bahār donoñ

    jab ek shajar ke ho barg-o-bār donoñ

    jab ek qalam ke ho shāhkār donoñ

    jab ek vatan ke ho iftiḳhār donoñ

    aapas phuuT se ho kyuuñ dil-figār donoñ

    haañ chhoḌ do ye ranjish ban jaao yaar donoñ

    farzand ho haqīqī tum māder-e-vatan ke

    parvān chaḌh rahe ho mevoñ se is chaman ke

    yaksāñ haiñ jab qarīne raftār ke chalan ke

    donoñ ho chāñd-sūraj is gardish-e-kuhan ke

    muhtāj haiñ tumhāre lail-o-nahār donoñ

    haañ chhoḌo ye ranjish ban jaao yaar donoñ

    aapas barhamī se ġhairoñ hai ġhulāmī

    kyuuñ ek dūsre se karte ho bad-kalāmī

    ḳhvāb-o-ḳhayāl hai ik ab daur-e-shād-kāmī

    barbādiyoñ baa.is takrār hai maqāmī

    kar luuñ yagāngat ke qaul-o-qarār donoñ

    haañ chhoḌ do ye ranjish ban jaao yaar donoñ

    maz.hab-parastiyoñ ne dīvāna kar diyā hai

    apnī briādrī se begāna kar diyā hai

    barbād murġh-e-dil kāshāna kar diyā hai

    ḳhālī mai-e-tarab se paimāna kar diyā hai

    jab ek mai-kade ke ho bāda-ḳhvār donoñ

    haañ chhoḌ do ye ranjish ban jaao yaar donoñ

    rahne meñ kuchh hai 'kaifī' barbād ho ke rahnā

    kyā gosha-e-qafas meñ nāshād ho ke rahnā

    sīkho vatan meñ apne āzād ho ke rahnā

    gulzār-e-ārzū meñ shamshād ho ke rahnā

    bāheñ gale meñ Daalo be-iḳhtiyār donoñ

    haañ chhoḌ do ye ranjish ban jaao yaar donoñ

    jab ek hi chaman ki tum ho bahaar donon

    jab ek hi shajar ke ho barg-o-bar donon

    jab ek hi qalam ke ho shahkar donon

    jab ek hi watan ke ho iftiKHar donon

    aapas ki phuT se ho kyun dil-figar donon

    han chhoD do ye ranjish ban jao yar donon

    farzand ho haqiqi tum mader-e-watan ke

    parwan chaDh rahe ho mewon se is chaman ke

    yaksan hain jab qarine raftar ke chalan ke

    donon ho chand-suraj is gardish-e-kuhan ke

    muhtaj hain tumhaare lail-o-nahaar donon

    han chhoDo ye ranjish ban jao yar donon

    aapas ki barhami se ghairon ki hai ghulami

    kyun ek dusre se karte ho bad-kalami

    KHwab-o-KHayal hai ek ab daur-e-shad-kaami

    barbaadiyon ka bais takrar hai maqami

    kar lun yagangat ke qaul-o-qarar donon

    han chhoD do ye ranjish ban jao yar donon

    mazhab-parastiyon ne diwana kar diya hai

    apni briadri se begana kar diya hai

    barbaad murgh-e-dil ka kashana kar diya hai

    KHali mai-e-tarab se paimana kar diya hai

    jab ek mai-kade ke ho baada-KHwar donon

    han chhoD do ye ranjish ban jao yar donon

    rahne mein kuchh hai 'kaifi' barbaad ho ke rahna

    kya gosha-e-qafas mein nashad ho ke rahna

    sikho watan mein apne aazad ho ke rahna

    gulzar-e-arzu mein shamshad ho ke rahna

    bahen gale mein Dalo be-iKHtiyar donon

    han chhoD do ye ranjish ban jao yar donon

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY