hisar-e-tirgi

ḳhvāhishoñ ke lams meñ Duubī huī

dā.eroñ meñ ghūmtī tanhā.iyāñ

ihtibās-o-jabr kī tārīk shab

muztarib ranjūr gandum-gūñ sahar

aisā lagtā hai añdherā kah rahā ho zer-e-lab

ai kabūd-o-kor-chashm ai la.iin

tujh ko baḳhshī thī kiran az-rāh-e-dil-sozī magar

tū samajhtā hai ki ye jūd-o-saḳhā lutf-o-ataf

terā istehqāq hai aur tū ḳhudā-e-āftāb

jal bujhe muddat huī terī ḳhudā.ī ke diye

bhaag jitnā bhāgnā hai zulmatoñ ke qahr se

ho sake to phir jalā bisrī mohabbat ke charāġh

marg-bār-ālam meñ ik ummīd kī mub.ham kiran

ek bujhte diip kā maddham hirāsāñ irti.āsh

kaun jaane in charāġhoñ kī ziyā kab tak chale

KHwahishon ke lams mein Dubi hui

daeron mein ghumti tanhaiyan

ihtibas-o-jabr ki tarik shab

muztarib ranjur gandum-gun sahar

aisa lagta hai andhera kah raha ho zer-e-lab

ai kabud-o-kor-chashm ai lain

tujh ko baKHshi thi kiran az-rah-e-dil-sozi magar

tu samajhta hai ki ye jud-o-saKHa lutf-o-ataf

tera istehqaq hai aur tu KHuda-e-aftab

jal bujhe muddat hui teri KHudai ke diye

bhag jitna bhagna hai zulmaton ke qahr se

ho sake to phir jala bisri mohabbat ke charagh

marg-bar-alam mein ek ummid ki mubham kiran

ek bujhte dip ka maddham hirasan irtiash

kaun jaane in charaghon ki ziya kab tak chale