holi khelne ki farmaish par

kanval Dibaivi

holi khelne ki farmaish par

kanval Dibaivi

MORE BY kanval Dibaivi

    hai ye ahbāb ko isrār ki holī khelūñ

    toḌ duuñ aaj to maiñ zohd-o-taqaddus fusūñ

    mast ho kar maiñ piyūñ jām-e-sharāb-e-hastī

    hama-tan bāda-e-ishrat ke nashe meñ jhūmūñ

    apnī sanjīda ravish aur udāsī chhoḌūñ

    ġham ke asnām ko but-ḳhāna-e-dil meñ toḌūñ

    jal uTheñ ġham ke shabistāñ meñ masarrat ke charāġh

    barbat-e-dil ke har ik taar ko phir se joḌūñ

    mujh ko bahlā.eñge kyā ahl-e-tarab ke naġhme

    aur tyauhār rañgīn ḳhushī ke lamhe

    maiñ ne har naqsh-e-masarrat ko dabā rakkhā hai

    aur dekhe haiñ hasīñ daur ke sundar sapne

    suunī suunī nazar aatī hai bisāt-e-hastī

    na kahīñ shīsha-o-sāġhar na surūr-o-mastī

    chashm-e-muflis meñ larazte hue ashkoñ ke charāġh

    qalb-e-nādār hai jaise koī ujḌī bastī

    aaj insān insān lahū piitā hai

    aaj tahzīb sultān yūñhī jiitā hai

    devtā jabr pe rāvan ke hirāsāñ jaise

    dāman-e-armān ko nādār yūñhī siitā hai

    aaj insān huā makr-o-daġhā daftar

    qalb-e-zardār hai ehsās-e-ḳhudī ḳhūgar

    be-ḳhabar ho ke ġharīboñ dabī aahoñ se

    aadmī kibr-o-ra.ūnat banā hai paikar

    holiyāñ khelte haiñ ḳhūn-e-bashar se mun.im

    apne a.amāl pe hotā nahīñ insāñ nādim

    aah aflās se Thukrā.ī javānī shabāb

    fikr dhuup se larzāñ hai misāl-e-mujrim

    qalb-e-mahkūm hai is daur meñ sunsān dayār

    ho gayā hai dil-e-majbūr dukhoñ se bezār

    kyā na aa.egā kabhī dahr meñ parhalād daur

    aag holī kisī roz banegī gulzār

    mutma.in aaj na duniyā makīñ hai koī

    dahr meñ kibr se ḳhālī na jabīñ hai koī

    aaj zardār banā baiThā hai hiranyakashyap

    aah is daur meñ dam-sāz nahīñ hai koī

    har taraf kibr-o-ra.ūnat ke sulagte haiñ alaav

    har taraf ziist ke gulshan meñ hai sho.aloñ jamāv

    aaj phir holikā parhalād ko le baiThī hai

    phir se is jaltī huī aag ko gulzār banāo

    phir badalne haiñ mujhe bekas-o-majbūr ke bhaag

    aaj bhī Daste haiñ nādār ko zardār ke naag

    jazb-e-ehsās ke sho.aloñ tapish se ik din

    zar lanka meñ lagā denā hai ik baar phir aag

    hai ye ahbab ko israr ki holi khelun

    toD dun aaj to main zohd-o-taqaddus ka fusun

    mast ho kar main piyun jam-e-sharab-e-hasti

    hama-tan baada-e-ishrat ke nashe mein jhumun

    apni sanjida rawish aur udasi chhoDun

    gham ke asnam ko but-KHana-e-dil mein toDun

    jal uThen gham ke shabistan mein masarrat ke charagh

    barbat-e-dil ke har ek tar ko phir se joDun

    mujh ko bahlaenge kya ahl-e-tarab ke naghme

    aur tyauhaar ki rangin KHushi ke lamhe

    main ne har naqsh-e-masarrat ko daba rakkha hai

    aur dekhe hain hasin daur ke sundar sapne

    suni suni nazar aati hai bisat-e-hasti

    na kahin shisha-o-saghar na surur-o-masti

    chashm-e-muflis mein larazte hue ashkon ke charagh

    qalb-e-nadar hai jaise koi ujDi basti

    aaj insan ka insan lahu pita hai

    aaj tahzib ka sultan yunhi jita hai

    dewta jabr pe rawan ke hirasan jaise

    daman-e-arman ko nadar yunhi sita hai

    aaj insan hua makr-o-dagha ka daftar

    qalb-e-zardar hai ehsas-e-KHudi ka KHugar

    be-KHabar ho ke gharibon ki dabi aahon se

    aadmi kibr-o-raunat ka bana hai paikar

    holiyan khelte hain KHun-e-bashar se munim

    apne aamal pe hota nahin insan nadim

    aah aflas se Thukrai jawani ka shabab

    fikr ki dhup se larzan hai misal-e-mujrim

    qalb-e-mahkum hai is daur mein sunsan dayar

    ho gaya hai dil-e-majbur dukhon se bezar

    kya na aaega kabhi dahr mein parhalad ka daur

    aag holi ki kisi roz banegi gulzar

    mutmain aaj na duniya ka makin hai koi

    dahr mein kibr se KHali na jabin hai koi

    aaj zardar bana baiTha hai hiranyakashyap

    aah is daur mein dam-saz nahin hai koi

    har taraf kibr-o-raunat ke sulagte hain alaw

    har taraf zist ke gulshan mein hai shoalon ka jamaw

    aaj phir holika parhalad ko le baiThi hai

    phir se is jalti hui aag ko gulzar banao

    phir badalne hain mujhe bekas-o-majbur ke bhag

    aaj bhi Daste hain nadar ko zardar ke nag

    jazb-e-ehsas ke shoalon ki tapish se ek din

    zar ki lanka mein laga dena hai ek bar phir aag

    Source:

    • Book : Mizraab (Kulliyat) (Pg. 76)
    • Author : Kanwal Dibaivi
    • Publication : Kitabi Duniya, Delhi (2010)
    • Edition : 2010

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY