holi ki bahaaren

Nazeer Akbarabadi

holi ki bahaaren

Nazeer Akbarabadi

MORE BYNazeer Akbarabadi

    jab phāgun rañg jhamakte hoñ tab dekh bahāreñ holī

    aur daf ke shor khaḌakte hoñ tab dekh bahāreñ holī

    pariyoñ ke rañg damakte hoñ tab dekh bahāreñ holī

    ḳhum, shīshe, jaam, jhalakte hoñ tab dekh bahāreñ holī

    mahbūb nashe meñ chakte hoñ tab dekh bahāreñ holī

    ho naach rañgīlī pariyoñ baiThe hoñ gul-rū rañg-bhare

    kuchh bhīgī tāneñ holī kuchh nāz-o-adā ke Dhañg-bhare

    dil bhūle dekh bahāroñ ko aur kānoñ meñ āhañg bhare

    kuchh table khaḌkeñ rañg-bhare kuchh aish ke dam muñh-chañg bhare

    kuchh ghuñghrū taal chhanakte hoñ tab dekh bahāreñ holī

    sāmān jahāñ tak hotā hai us ishrat ke matlūboñ

    vo sab sāmān muhayyā ho aur baaġh khilā ho ḳhvāboñ

    har aan sharābeñ Dhaltī hoñ aur ThaTh ho rañg ke Dūboñ

    is aish maze ke aalam meñ ek ġhol khaḌā mahbūboñ

    kapḌoñ par rañg chhiḌakte hoñ tab dekh bahāreñ holī

    gulzār khile hoñ pariyoñ ke aur majlis tayyārī ho

    kapḌoñ par rañg ke chhīñToñ se ḳhush-rañg ajab gul-kārī ho

    muñh laal, gulābī āñkheñ hoñ, aur hāthoñ meñ pichkārī ho

    us rañg-bharī pichkārī ko añgiyā par tak kar maarī ho

    sīnoñ se rañg Dhalakte hoñ tab dekh bahāreñ holī

    us rañg-rañgīlī majlis meñ vo ranDī nāchne vaalī ho

    muñh jis chāñd TukḌā ho aur aañkh bhī mai ke pyālī ho

    bad-mast baḌī matvālī ho har aan bajātī taalī ho

    mai-noshī ho behoshī ho ''bhaḌve'' muñh meñ gaalī ho

    bhaḌve bhii, bhaḌvā bakte hoñ tab dekh bahāreñ holī

    aur ek taraf dil lene ko mahbūb bhavayyoñ ke laḌke

    har aan ghaḌī gat bharte hoñ kuchh ghaT ghaT ke kuchh baḌh baḌh ke

    kuchh naaz jatāveñ laḌ laḌ ke kuchh holī gāveñ aḌ aḌ ke

    kuchh lachke shoḳh kamar patlī kuchh haath chale kuchh tan bhaḌke

    kuchh kāfir nain maTakte hoñ tab dekh bahāreñ holī

    ye dhuum machī ho holī aur aish maze jhakkaḌ ho

    us khīñchā-khīñch ghasīTī par bhaḌve ranDī phakkaḌ ho

    mājūn, sharābeñ, nāch, maza, aur Tikiyā sufā kakkaḌ ho

    laḌ-bhiḌ ke 'nazīr' bhī niklā ho kīchaḌ meñ laththaḌ-paththaḌ ho

    jab aise aish mahakte hoñ tab dekh bahāreñ holī

    jab phagun rang jhamakte hon tab dekh bahaaren holi ki

    aur daf ke shor khaDakte hon tab dekh bahaaren holi ki

    pariyon ke rang damakte hon tab dekh bahaaren holi ki

    KHum, shishe, jam, jhalakte hon tab dekh bahaaren holi ki

    mahbub nashe mein chakte hon tab dekh bahaaren holi ki

    ho nach rangili pariyon ka baiThe hon gul-ru rang-bhare

    kuchh bhigi tanen holi ki kuchh naz-o-ada ke Dhang-bhare

    dil bhule dekh bahaaron ko aur kanon mein aahang bhare

    kuchh table khaDken rang-bhare kuchh aish ke dam munh-chang bhare

    kuchh ghunghru tal chhanakte hon tab dekh bahaaren holi ki

    saman jahan tak hota hai us ishrat ke matlubon ka

    wo sab saman muhayya ho aur bagh khila ho KHwabon ka

    har aan sharaben Dhalti hon aur ThaTh ho rang ke Dubon ka

    is aish maze ke aalam mein ek ghol khaDa mahbubon ka

    kapDon par rang chhiDakte hon tab dekh bahaaren holi ki

    gulzar khile hon pariyon ke aur majlis ki tayyari ho

    kapDon par rang ke chhinTon se KHush-rang ajab gul-kari ho

    munh lal, gulabi aankhen hon, aur hathon mein pichkari ho

    us rang-bhari pichkari ko angiya par tak kar mari ho

    sinon se rang Dhalakte hon tab dekh bahaaren holi ki

    us rang-rangili majlis mein wo ranDi nachne wali ho

    munh jis ka chand ka TukDa ho aur aankh bhi mai ke pyali ho

    bad-mast baDi matwali ho har aan bajati tali ho

    mai-noshi ho behoshi ho bhaDwe ki munh mein gali ho

    bhaDwe bhi, bhaDwa bakte hon tab dekh bahaaren holi ki

    aur ek taraf dil lene ko mahbub bhawayyon ke laDke

    har aan ghaDi gat bharte hon kuchh ghaT ghaT ke kuchh baDh baDh ke

    kuchh naz jatawen laD laD ke kuchh holi gawen aD aD ke

    kuchh lachke shoKH kamar patli kuchh hath chale kuchh tan bhaDke

    kuchh kafir nain maTakte hon tab dekh bahaaren holi ki

    ye dhum machi ho holi ki aur aish maze ka jhakkaD ho

    us khincha-khinch ghasiTi par bhaDwe ranDi ka phakkaD ho

    majun, sharaben, nach, maza, aur Tikiya sufa kakkaD ho

    laD-bhiD ke 'nazir' bhi nikla ho kichaD mein laththaD-paththaD ho

    jab aise aish mahakte hon tab dekh bahaaren holi ki

    Videos
    This video is playing from YouTube

    Videos
    This video is playing from YouTube

    Chaya Ganguly

    Chaya Ganguly

    Source:

    • Book : intekhab naziir akbaraabaadii (Pg. 39)
    • Book : intekhab naziir akbaraabaadii (Pg. 39)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY