ibn-e-adam ka azm

ye ḳhār-zār-e-jahāñ saaf kar rahā huuñ maiñ

zamīn par hai banānā mujhe ḳhud apnā bahisht

tire bahisht ko Thukrā ke maiñ nikal aaya

maiñ aadmī huuñ itā.at nahīñ hai merī sarisht

nahīñ vo chāhiye jo haath uThā ke miltā hai

chaman ho apnā gul apne hoñ aur apnī kisht

muqaddarāt kī ghuTTas hai ab to zīq-e-nafas

shikasta karnā hai zanjīr-e-halqa-hā-e-navisht

maiñ aa rahā huuñ sañbhāl apne chāñd tāroñ ko

lagegī auj-e-surayyā pe ḳhāk-e-arz kī ḳhisht

vo dekh mere harāaval fazā se aage haiñ

kashish kī TuuT chukī hai har ek qaid-e-zisht

na kar sakeñge hukūmat ab aql-e-insāñ par

muhāfizān-e-haram aur lo'batān-e-kunisht

ye KHar-zar-e-jahan saf kar raha hun main

zamin par hai banana mujhe KHud apna bahisht

tere bahisht ko Thukra ke main nikal aaya

main aadmi hun itaat nahin hai meri sarisht

nahin wo chahiye jo hath uTha ke milta hai

chaman ho apna gul apne hon aur apni kisht

muqaddaraat ki ghuTTas hai ab to ziq-e-nafas

shikasta karna hai zanjir-e-halqa-ha-e-nawisht

main aa raha hun sanbhaal apne chand taron ko

lagegi auj-e-surayya pe KHak-e-arz ki KHisht

wo dekh mere haraawal faza se aage hain

kashish ki TuT chuki hai har ek qaid-e-zisht

na kar sakenge hukumat ab aql-e-insan par

muhafizan-e-haram aur lo'batan-e-kunisht