aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

id ka mela

Syed Zameer Jafri

id ka mela

Syed Zameer Jafri

MORE BYSyed Zameer Jafri

    lo iid aa.ī lo do puliye maidān meñ bhar bāzār lagā

    har chāhat sāmān huā har ne.amat ambār lagā

    sab ujlā shahr umañD aayā shalvār sajā dastār lagā

    is bhiiḌ ke biphre tūfāñ meñ jo Duub gayā so paar lagā

    Tolī ke aage Tolā hai railī ke pīchhe relā hai

    yaaro ye iid mela hai

    markaz rañgīñ ra.anā.ī chiknā tambū halvā.ī

    ziina ziina zīnat se dharā hai thaal pe thaal miThā.ī

    gardan ūñchī ras-gulle sar nīchā hai bālā.ī

    halvā.ī daam baTorne meñ sar muuñD rahā hai naa.ī

    barfī imirtī peḌā hai cham cham laDDū gajrela hai

    yaaro ye iid mela hai

    dhuñdle tarpālī mañDve meñ nāTak nauTañkī aa.ī hai

    naubat naqqārā sārañgī Dholak jhāñjan shahnā.ī hai

    kal sola teddy paisoñ meñ kis dhuum raas rachā.ī hai

    lailā ke laboñ par surḳhī hai majnūñ ke gale meñ tie hai

    ye hañsne meñ man mojan hai vo gaane meñ albelā hai

    yaaro ye iid mela hai

    ik circus TeḌhā-meḌhā anjām to kyā āġhāz nahīñ

    us rīchh ke muñh meñ daañt nahīñ is baaz āñkheñ baaz nahīñ

    vo sher ki jis mūñchh to hai par jast nahīñ āvāz nahīñ

    totā bhī ḳhair se gūñgā hai shāhīñ ko par-e-parvāz nahīñ

    do bandar Tiin ke andar haiñ Darbe meñ murġh akelā hai

    yaaro ye iid mela hai

    pagDanDī jagmag manDī hai bāñsoñ par tambū taane haiñ

    kuchh na.e navele hotel haiñ kuchh restaurant purāne haiñ

    har Dhañg ke saste khāne haiñ har rañg ke filmī gaane haiñ

    kuchh chalte phirte chhoTe chhoTe gashtī ne.amat-ḳhāne haiñ

    tar halva garm kaḌāhī meñ do loTe haiñ ik Thela hai

    yaaro ye iid mela hai

    kyā kūcha-o-dar kyā koh-o-daman gul-barg haiñ sab gulnār haiñ sab

    ḳhushbū meñ base gulzār haiñ sab rañgoñ se bhare bāzār haiñ sab

    bachche to alhaḌ bachche haiñ būḌhe bhī sabā raftār haiñ sab

    poshāk meñ chūḌī-dār haiñ aur aur ḳhurāk meñ murġhā-mār haiñ sab

    har ḳhushiyoñ relā hai man mañglā dil tarbelā hai

    yaaro ye iid mela hai

    lo ik jī-dār bisātī ne har chiiz lagā chaar aane

    kañghī jāpānī chaar aane shīsha baġhdādī chaar aane

    patlī chhatrī ke nīche momī shahzādī chaar aane

    har guḌiyā puḌiyā baajā khājā resham khādī chaar aane

    bagule choñch meñ machhlī hai kele ke saath karailā hai

    yaaro ye iid mela hai

    bachche baale gabrū būḌhe ḳhush-vaqt hue ḳhush-hāl hue

    jhūloñ meñ jhuul ke phuul bane fōtbāl bane bhauñchāl hue

    barqī chakkar meñ chakrā kar chahke to ḳhushī se laal hue

    ik dhuum dhaḌakkī phere meñ sab paise isti.māl hue

    sundarī ke kaan meñ muñdrī hai shauhar jeb meñ dhelā hai

    yaaro ye iid mela hai

    lo id aai lo do puliye maidan mein bhar bazar laga

    har chahat ka saman hua har neamat ka ambar laga

    sab ujla shahr umanD aaya shalwar saja dastar laga

    is bhiD ke biphre tufan mein jo Dub gaya so par laga

    Toli ke aage Tola hai raili ke pichhe rela hai

    yaro ye id ka mela hai

    markaz rangin ranai ka chikna tambu halwai ka

    zina zina zinat se dhara hai thaal pe thaal miThai ka

    gardan unchi ras-gulle ki sar nicha hai baalai ka

    halwai dam baTorne mein sar munD raha hai nai ka

    barfi imirti peDa hai cham cham laDDu gajrela hai

    yaro ye id ka mela hai

    dhundle tarpali manDwe mein naTak nauTanki aai hai

    naubat naqqara sarangi Dholak jhanjan shahnai hai

    kal sola teddy paison mein kis dhum ki ras rachai hai

    laila ke labon par surKHi hai majnun ke gale mein tie hai

    ye hansne mein man mojan hai wo gane mein albela hai

    yaro ye id ka mela hai

    ek circus TeDha-meDha sa anjam to kya aaghaz nahin

    us richh ke munh mein dant nahin is baz ki aankhen baz nahin

    wo sher ki jis ki munchh to hai par jast nahin aawaz nahin

    tota bhi KHair se gunga hai shahin ko par-e-parwaz nahin

    do bandar Tin ke andar hain Darbe mein murgh akela hai

    yaro ye id ka mela hai

    pagDanDi jagmag manDi hai banson par tambu tane hain

    kuchh nae nawele hotel hain kuchh restaurant purane hain

    har Dhang ke saste khane hain har rang ke filmi gane hain

    kuchh chalte phirte chhoTe chhoTe gashti neamat-KHane hain

    tar halwa garm kaDahi mein do loTe hain ek Thela hai

    yaro ye id ka mela hai

    kya kucha-o-dar kya koh-o-daman gul-barg hain sab gulnar hain sab

    KHushbu mein base gulzar hain sab rangon se bhare bazar hain sab

    bachche to alhaD bachche hain buDhe bhi saba raftar hain sab

    poshak mein chuDi-dar hain aur aur KHurak mein murgha-mar hain sab

    har su KHushiyon ka rela hai man mangla dil tarbela hai

    yaro ye id ka mela hai

    lo ek ji-dar bisati ne har chiz laga di chaar aane

    kanghi japani chaar aane shisha baghdadi chaar aane

    patli si chhatri ke niche momi shahzadi chaar aane

    har guDiya puDiya baja khaja resham khadi chaar aane

    bagule ki chonch mein machhli hai kele ke sath karaila hai

    yaro ye id ka mela hai

    bachche baale gabru buDhe KHush-waqt hue KHush-haal hue

    jhulon mein jhul ke phul bane footbaal bane bhaunchaal hue

    barqi chakkar mein chakra kar chahke to KHushi se lal hue

    ek dhum dhaDakki phere mein sab paise istimal hue

    sundari ke kan mein mundri hai shauhar ki jeb mein dhela hai

    yaro ye id ka mela hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now