id

MORE BYNazeer Akbarabadi

    yuuñ lab se apne nikle hai ab bār-bār aah

    kartā hai jis tarah ki dil-e-be-qarār aah

    ham iid ke bhī din rahe ummīd-vār aah

    ho meñ apne iid farhat se shād-kām

    ḳhūbāñ se apne apne liye sab ne dil ke kaam

    dil khol khol sab mile aapas meñ ḳhaas o aam

    āġhosh-e-ḳhalq gul-badanoñ se bhare tamām

    ḳhālī rahā par ek hamārā kanār aah

    kyā pūchhte ho shoḳh se milne ab ḳhabar

    kitnā justujū meñ phire ham idhar idhar

    lekin milā na ham se vo ayyār fitnagar

    milnā to ik taraf hai azīzo ki bhar-nazar

    poshāk bhī ham ne na dekhī bahār aah

    rakhte the ham umiid ye dil meñ ki iid ko

    kyā kyā gale lagāveñge dil-bar ko shaad ho

    so vo aaj bhī na milā shoḳh-e-hīla-jū

    thī aas iid so ga.ī vo bhī dosto

    ab dekheñ kyā kare dil-e-ummīd-vār aah

    us sañg-dil ham ne ġharaz jab se chaah

    dekhā na apne dil ko kabhī ek dam ḳhushī

    kuchh ab us jaur-o-ta.addī nahīñ na.ī

    har iid meñ hameñ to sadā yaas rahī

    kāfir kabhī na ham se huā ham-kanār aah

    iqrār ham se thā ka.ī din aage iid se

    yaanī ki īd-gāh ko jāveñge tum ko le

    āḳhir ko ham ko chhoḌ ga.e saath aur ke

    ham haath malte rah ga.e aur raah dekhte

    kyā kyā ġharaz sahā sitam-e-intizār aah

    kyuuñ kar lageñ na dil meñ mire hasratoñ ke tiir

    din iid ke bhī mujh se huā vo kanāra-gīr

    is dard ko vo samjhe jo ho ishq asiir

    jis iid meñ ki yaar se milnā na ho 'nazīr'

    us ke upar to haif hai aur sad-hazār aah

    yun lab se apne nikle hai ab bar-bar aah

    karta hai jis tarah ki dil-e-be-qarar aah

    hum id ke bhi din rahe ummid-war aah

    ho ji mein apne id ki farhat se shad-kaam

    KHuban se apne apne liye sab ne dil ke kaam

    dil khol khol sab mile aapas mein KHas o aam

    aaghosh-e-KHalq gul-badanon se bhare tamam

    KHali raha par ek hamara kanar aah

    kya puchhte ho shoKH se milne ki ab KHabar

    kitna hi justuju mein phire hum idhar idhar

    lekin mila na hum se wo ayyar fitnagar

    milna to ek taraf hai azizo ki bhar-nazar

    poshak ki bhi hum ne na dekhi bahaar aah

    rakhte the hum umid ye dil mein ki id ko

    kya kya gale lagawenge dil-bar ko shad ho

    so tu wo aaj bhi na mila shoKH-e-hila-ju

    thi aas id ki so gai wo bhi dosto

    ab dekhen kya kare dil-e-ummid-war aah

    us sang-dil ki hum ne gharaz jab se chah ki

    dekha na apne dil ko kabhi ek dam KHushi

    kuchh ab hi us ki jaur-o-taddi nahin nai

    har id mein hamein to sada yas hi rahi

    kafir kabhi na hum se hua ham-kanar aah

    iqrar hum se tha kai din aage id se

    yani ki id-gah ko jawenge tum ko le

    aaKHir ko hum ko chhoD gae sath aur ke

    hum hath malte rah gae aur rah dekhte

    kya kya gharaz saha sitam-e-intizar aah

    kyun kar lagen na dil mein mere hasraton ke tir

    din id ke bhi mujh se hua wo kanara-gir

    is dard ko wo samjhe jo ho ishq ka asir

    jis id mein ki yar se milna na ho 'nazir'

    us ke upar to haif hai aur sad-hazar aah

    Tagged Under :

    Eid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY