ek sawal KHuda-e-bartar se

Sajida Zaidi

ek sawal KHuda-e-bartar se

Sajida Zaidi

MORE BYSajida Zaidi

    ham is zamīn o āsmāñ ke darmiyāñ

    hairān haiñ aur sar-garāñ

    ai ḳhudā-e-do-jahāñ!

    ai harf-e-kun ke rāz-dāñ!

    ai mamba-e-kaun-o-makāñ!

    itnā to batlā de

    koī aisī bhī duniyā hai

    jahāñ insāniyat saaf peshānī pe

    ilm o fan pau phaTtī ho aur

    fikr o nazar ke ā.īnoñ se

    nuur kirneñ ubaltī hoñ

    diloñ meñ ḳhair o barkat duā.eñ gūñjtī hoñ

    sub.h dam ākāsh ke nīlam tale

    jām-e-haqīqat ke jiine tamannā raqs kartī ho

    jahāñ ehsās ke kohre se

    fikr-e-nau ke taare jhilmilāte hoñ

    jahāñ hoñToñ pe harf-e-āgahī jot ho

    āñkhoñ se hairat

    zehn se vijdān ke chashme ubalte hoñ,

    jahāñ rātoñ ke sannāTe meñ

    dil mahv-e-niyāz-o-nāz rahtā ho

    fazā-e-be-karāñ ke sahar hamrāz rahtā ho

    mohabbat, ishq, dildārī, vafā unvān-e-hastī hoñ

    uḳhuvvat, narm-guftārī atā-e-paimāna-edil hoñ

    ḳhudā-e-lam-yazal batlā

    koī aisī bhī duniyā hai

    kahīñ aisā bhī hotā hai

    siyāsat fusūñ-sāzī

    tijārat ziyāñ-kārī

    havas garm-bāzārī

    kisī ayyār-e-quvvat jahāñ-dāri

    meñ dam ghuTtā hai

    har lamha azāb-e-jāvedāñ mālūm hotā hai

    ḳhudā-vand! ye tere saada dil bande kahāñ jā.eñ?''

    hum is zamin o aasman ke darmiyan

    hairan hain aur sar-garan

    ai KHuda-e-do-jahan!

    ai harf-e-kun ke raaz-dan!

    ai mamba-e-kaun-o-makan!

    itna to batla de

    koi aisi bhi duniya hai

    jahan insaniyat ki saf peshani pe

    ilm o fan ki pau phaTti ho aur

    fikr o nazar ke aainon se

    nur ki kirnen ubalti hon

    dilon mein KHair o barkat ki duaen gunjti hon

    subh dam aakash ke nilam tale

    jam-e-haqiqat pi ke jine ki tamanna raqs karti ho

    jahan ehsas ke kohre se

    fikr-e-nau ke tare jhilmilate hon

    jahan honTon pe harf-e-agahi ki jot ho

    aankhon se hairat

    zehn se wijdan ke chashme ubalte hon,

    jahan raaton ke sannaTe mein

    dil mahw-e-niyaz-o-naz rahta ho

    faza-e-be-karan ke sahar ka hamraaz rahta ho

    mohabbat, ishq, dildari, wafa unwan-e-hasti hon

    uKHuwwat, narm-guftari ata-e-paimana-edil hon

    KHuda-e-lam-yazal batla

    koi aisi bhi duniya hai

    kahin aisa bhi hota hai

    siyasat ki fusun-sazi

    tijarat ki ziyan-kari

    hawas ki garm-bazari

    kisi ayyar-e-quwwat ki jahan-dari

    mein dam ghuTta hai

    har lamha azab-e-jawedan malum hota hai

    KHuda-wand! ye tere sada dil bande kahan jaen?

    RECITATIONS

    Azra Naqvi

    Azra Naqvi

    Azra Naqvi

    Ik sawal khuda-e-bartar se_Nazm Azra Naqvi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY