aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek umr ki der

Sameena Raja

ek umr ki der

Sameena Raja

MORE BYSameena Raja

    safha-e-dil se tirā naam miTāne meñ mujhe der lagī

    puurī ik umr der!

    ashk-e-ġham... qatra-e-ḳhūñ... āb-e-masarrat se

    miTā kar dekhā

    rañg-e-duniyā bhī milaa... rañg-e-tamannā bhī lagā kar dekhā

    maktab-e-ishq meñ jitne bhī sabaq yaad kiye

    yaad rahe

    arsa-e-zīst meñ ḳhvāboñ ke ḳharābe the bahut

    in ḳharāboñ meñ

    ḳhayāloñ ke nagar jitne bhī ābād kiye

    yaad rahe!

    gosha-e-rañj meñ... hañgāma-e-duniyā se pare

    kaun ik hijr ke shīshe meñ utartā thā

    tire aks-e-dil-ārām ke saath

    kis ummīd ke raste pe koī dā.era-e-nūr na thā

    kis māyūs nigāhoñ meñ bikharte the

    tamannā ke ujāle bhii... añdheroñ tarah

    roz-e-raushan meñ bhī ho jaatī thī

    kis dil ke mazāfāt meñ raat,

    ne jaanā nahīñ

    aur tirī ḳhud-sāḳhta be-ḳhabarī ko

    qissa-e-dard sunāne meñ mujhe der lagī

    āñsuoñ se mirā ā.īna-e-ġham dhundlāyā

    ek sardāba-e-daurāñ meñ jo poshīda-o-nādīda rahī thī

    ab tak

    is tan-e-zār ko... vo zindagī bhuul ga.ī

    dil se lipTī huī yak-rañg udāsī ke sabab

    rañg-o-rāmish meñ basī zinda-dilī bhuul ga.ī

    par tirī shakl bhulāne meñ mujhe der lagī

    puurī ik umr der

    umr...

    jo lamha-e-jāñ ke sivā kuchh bhī na thī

    umr... jo terī tamannā ke sivā kuchh bhī na thī

    bas vahī umr batāne meñ... mujhe der lagī!

    safha-e-dil se tera nam miTane mein mujhe der lagi

    puri ek umr ki der!

    ashk-e-gham qatra-e-KHun aab-e-masarrat se

    miTa kar dekha

    rang-e-duniya bhi mila rang-e-tamanna bhi laga kar dekha

    maktab-e-ishq mein jitne bhi sabaq yaad kiye

    yaad rahe

    arsa-e-zist mein KHwabon ke KHarabe the bahut

    in KHarabon mein

    KHayalon ke nagar jitne bhi aabaad kiye

    yaad rahe!

    gosha-e-ranj mein hangama-e-duniya se pare

    kaun ek hijr ke shishe mein utarta tha

    tere aks-e-dil-aram ke sath

    kis ki ummid ke raste pe koi daera-e-nur na tha

    kis ki mayus nigahon mein bikharte the

    tamanna ke ujale bhi andheron ki tarah

    roz-e-raushan mein bhi ho jati thi

    kis dil ke mazafat mein raat,

    tu ne jaana hi nahin

    aur teri KHud-saKHta be-KHabari ko

    qissa-e-dard sunane mein mujhe der lagi

    aansuon se mera aaina-e-gham dhundlaya

    ek sardaba-e-dauran mein jo poshida-o-nadida rahi thi

    ab tak

    is tan-e-zar ko wo zindagi hi bhul gai

    dil se lipTi hui yak-rang udasi ke sabab

    rang-o-ramish mein basi zinda-dili bhul gai

    par teri shakl bhulane mein mujhe der lagi

    puri ek umr ki der

    umr

    jo lamha-e-jaan ke siwa kuchh bhi na thi

    umr jo teri tamanna ke siwa kuchh bhi na thi

    bas wahi umr batane mein mujhe der lagi!

    Source:

    Quarterly TASTEER Lahore (Pg. 93)

    • Author: Naseer Ahmed Nasir
      • Edition: Volume:15, Issue No. 1, 2, Jan To June.2011
      • Publisher: H.No.-21, Street No. 2, Phase II, Bahriya Town, Rawalpindi
      • Year of Publication: Volume:15, Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now