ilahi rahm kar mujh par

ilāhī

rahm kar mujh par

mire siine meñ phir se dard uThtā hai

sulagtā hai alaav kī tarah

mirī palkoñ se kuchh ummīdeñ aañsū ban ke yuuñ jhaḌtī haiñ jaise sūkhe patte shāḳh se jhaḌte haiñ patjhaḌ meñ

mere ehsās aur jazbāt bachchoñ kī tarah rote bilakte haiñ

mire TuuTe hue sapne

nigāhoñ meñ yuuñ chubhte haiñ ke jaise kāñch chubhtā hai

mere armāñ merī aahoñ kī sūrat le ke

is dil se nikalte haiñ

merī kuchh ḳhvāhisheñ ab bhī machaltī haiñ taḌaptī hai mere dil meñ ke jaise machhliyāñ paanī se bāhar aa ga.ī hoñ

tanaffus kā amal lagtā hai yuuñ jaise

ke merī ruuh par koḌe koī barsā rahā hai

badan yuuñ sard hai

jaise lahū nabzoñ meñ merī jam gayā hai

merī bechainiyoñ kā aisā aalam hai ke bas taubā

ilāhī rahm bhī kar ab

ilāhī rahm bhī kar

mujhe bhūlā huā ik shaḳhs phir yaad aa rahā hai

mujhe bhūlā huā ik shaḳhs phir yaad aa rahā hai

ilahi

rahm kar mujh par

mere sine mein phir se dard uThta hai

sulagta hai alaw ki tarah

meri palkon se kuchh ummiden aansu ban ke yun jhaDti hain jaise sukhe patte shaKH se jhaDte hain patjhaD mein

mere ehsas aur jazbaat bachchon ki tarah rote bilakte hain

mere TuTe hue sapne

nigahon mein yun chubhte hain ke jaise kanch chubhta hai

mere arman meri aahon ki surat le ke

is dil se nikalte hain

meri kuchh KHwahishen ab bhi machalti hain taDapti hai mere dil mein ke jaise machhliyan pani se bahar aa gai hon

tanaffus ka amal lagta hai yun jaise

ke meri ruh par koDe koi barsa raha hai

badan yun sard hai

jaise lahu nabzon mein meri jam gaya hai

meri bechainiyon ka aisa aalam hai ke bas tauba

ilahi rahm bhi kar ab

ilahi rahm bhi kar

mujhe bhula hua ek shaKHs phir yaad aa raha hai

mujhe bhula hua ek shaKHs phir yaad aa raha hai