ilm ki zarurat

Ahmaq Phaphoondvi

ilm ki zarurat

Ahmaq Phaphoondvi

MORE BYAhmaq Phaphoondvi

    jahāñ meñ har taraf hai ilm garm-bāzārī

    zamīñ se āsmāñ tak bas isī faiz hai jaarī

    yahī sar-chashma-e-aslī hai tahzīb-o-tamaddun

    baġhair is ke bashar honā bhī hai ik saḳht bīmārī

    banātā hai yahī insān ko kāmil-tarīn insāñ

    sikhātā hai yahī aḳhlāq o īsār o ravā-dārī

    yahī qaumoñ ko pahuñchātā hai bām-e-auj-o-rif.at par

    yahī mulkoñ ke andar phūñktā hai rūh-e-bedārī

    isī ke naam chaltā hai sikka saare aalam meñ

    isī ke sar pe rahtā hai hamesha tāj-e-sardārī

    isī ke sab karishme ye nazar aate haiñ duniyā meñ

    isī ke dam se raunaq ālam-e-imkāñ hai saarī

    ye lā-silkī, ye telephone ye raileñ, ye tayyāre

    ye zer-e-āb o bālā-e-falak insāñ tarrārī

    hudūd-e-istavā qutbain se yuuñ ho ga.e mudġham

    ki hai ab rub.a maskoñ jaise ghar chār-dīvārī

    samundar ho ga.e pāyāb sahrā bin ga.e gulshan

    kiyā science ne bhī e.atarāf-e-ijz-o-nāchārī

    buḳhār o barq jarrār lashkar hai ab āmāda

    ugalvā le zamīn o āsmāñ daulateñ saarī

    ġharaz chāroñ taraf ab ilm bādshāhī hai

    ki us ke bāzūoñ meñ quvvat-e-dast-e-ilāhī hai

    nigāh-e-ġhaur se dekho agar hālāt-e-insānī

    to ho saktā hai hal ye uqda-e-mushkil ba-āsānī

    vahī qaumeñ taraqqī ke madārij par haiñ fā.eq-tar

    ki hai jin meñ tamaddun aur siyāsat farāvānī

    isī ke zo.am meñ hai germany charḳh-e-tafāḳhur par

    isī ke zor par mirrīḳh ham-sar hai jāpānī

    isī quvvat-e-bāzū pe hai maġhrūr america

    isī ke bil par laḌkī ho rahī hai rustam-e-sānī

    ishāre par isī ke naql-o-harakat hai sab italy

    isī ke tāba-e-farmān haiñ ruusī o īrānī

    isī ke jumbish-e-abrū pe hai england ġharra

    isī ke haiñ sab āvurde francisi o albānī

    koī mulk ab nahīñ jin meñ ye jauhar ho na raḳhshanda

    na ġhāfil is se chīnī haiñ na shāmī haiñ na afġhānī

    baġhair is ke jo rahnā chāhte haiñ is zamāne meñ

    samajh rakkheñ fanā un ke liye hai hukm-e-rabbānī

    zamāna pheñk degā ḳhud unheñ qa.ar-e-halākat meñ

    vo apne haath se hoñge ḳhud apnī qabr ke baanī

    zamāne meñ jise ho sāhib-e-fat.h-o-zafar honā

    zarūrī hai use ilm-o-hunar se bahra-var honā

    taraqqī khulī haiñ shāhrāheñ dahr meñ har

    nazar aatā hai tahzīb-o-tamaddun se jahāñ mamlū

    chale jaate haiñ uḌte shahsavārān-e-falak-paimā

    ḳhirāj-e-tahniyat lete hue karte hue jaadū

    guzarte rahe haiñ dūsroñ ko chhoḌte pīchhe

    kabhī hotā hai sahrā mustaqar un kabhī Taapu

    kamar bāñdhe hue din raat chalne par haiñ āmāda

    dimāġh afkār se aur dil vufūr-e-shauq se malūl

    alag rah kar ḳhayāl-e-zahmat o ehsās-e-rāhat se

    lage haiñ apnī apnī fikr meñ bā-ḳhātir-e-yaksū

    magar ham haiñ ki aslan his nahīñ ham ko koī is

    hamāre pā-e-himmat in marāhil meñ haiñ be-qābū

    jahāñ pahlā qadam rakkhā thā roz-e-avvalīñ ham ne

    nahīñ sarke is apne aslī markaz se ba-qadr-e-mū

    ye hālat hai ki ham par band hai har ek darvāza

    nazar aatā nahīñ hargiz koī ummīd pahlū

    magar vā-hasratā phir bhī ham apne zo.am-e-bātil meñ

    samajhte haiñ zamāne bhar se aage ḳhud ko manzil meñ

    zarūrat hai ki ham meñ raushnī ho ilm paidā

    nazar aa.e hameñ bhī taaki asl-e-hālat-e-duniyā

    hameñ ma.alūm ho hālāt ab kyā haiñ zamāne ke

    hamāre saath jo qāfila thā vo kahāñ pahuñchā

    jo pastī meñ the ab vo jalva-gar haiñ bām-e-rif.at par

    jo bālak be-nishāñ the aaj hai in alam barpā

    hamārī ḳhūbiyāñ sab dūsroñ ne chhīn liiñ ham se

    zamāne ne hameñ itnā jhiñjhoḌā kar diyā nañgā

    ravā-dārī, uḳhuvvat, dostī, īsār, hamdardī

    ḳhayāl-e-mulk-o-millat dard-e-qaum, andesha-e-fardā

    ye sab jauhar hamāre the kabhī ai vā.e-mahrūmī

    bane haiñ ḳhūbī-e-qismat se jo ab ġhair hissā

    agar ho jaa.eñ rāġhib ab bhī ham ta.alīm jānib

    to kar sakte haiñ ab bhī mulk meñ ham zindagī paidā

    bahut kuchh vaqt ham ne kho diyā hai lekin is par bhī

    agar chāheñ to kar deñ pesh-rau ko apne ham paspā

    nikammā kar diyā hai kāhilī ne go hameñ lekin

    ragoñ meñ hai hamārī ḳhuun abhī tak dauḌtā phirtā

    koī maḳhfī harārat gar hamāre dil ko garmā de

    hamāre jism meñ phir zindagī ruuh dauḌā de

    vatan vaalo bahut ġhāfil rahe ab hosh meñ aao

    uTho be-dār ho aql-o-ḳhirad ko kaam meñ laao

    tumhāre qaum ke bachchoñ meñ hai ta.alīm fuqdāñ

    ye gutthī saḳht pechīda hai is ko jald suljhāo

    yahī bachche bil-āḳhir tum sabhoñ ke jā-nashīñ hoñge

    tum apne sāmne jaisā unheñ chāho banā jaao

    bahut rañj-dah ho jā.egī us vaqt ġhaflat

    kahīñ aisā na ho mauqa.a nikal jaane pe pachhtāo

    ye hai kār-e-aham do chaar is ko kar nahīñ sakte

    ḳhudā-rā tum bhī apne farz ehsās farmāo

    ye bojh aisā nahīñ jis ko uThā leñ chaar chhe mil kar

    sahārā do, sahārā dūsroñ se is meñ dilvāo

    jo zī-ehsās haiñ hāsil karo tum ḳhidmateñ un

    jo zī-parvā haiñ un ko jis tarah ho us taraf laao

    ġharaz jaise bhī ho jis shakl se bhī ho ye lāzim hai

    tum apne qaum ke bachchoñ ko ab ta.alīm dilvāo

    agar tum musta.iddī ko banā loge shi.ār apnā

    yaqīñ jaano ki mustaqbil hai behad shāndār apnā

    ḳhudāvandā! duāoñ meñ hamārī ho asar paidā

    shab-e-ġhaflat hamārī phir kare nūr-e-sahar paidā

    hamāre saare ḳhvābīda qavā be-dār ho jaa.eñ

    sar-e-nau ho phir in meñ zindagī karr-o-farr paidā

    hameñ ehsās ho ham kaun the aur aaj ham kyā haiñ

    kareñ māhaul-e-mulkī ke liye gahrī nazar paidā

    milā rakkhā hai apne jauhar-e-kāmil ko miTTī meñ

    ham ab bhī ḳhaak se kar sakte haiñ la.al-o-guhar paidā

    agar chāheñ to ham mushkil vatan dam meñ hal kar deñ

    hazāroñ sūrateñ kar sakte haiñ ham kārgar paidā

    ba-zāhir go ham ik tuuda haiñ bilkul raakh lekin

    agar chāheñ to ḳhākistar se kar deñ sau sharar paidā

    vatan nakbat o aflās kho deñ ham ishāre meñ

    jahāñ Thokar lagā deñ ho vahīñ se kān-e-zar paidā

    ham is manzil ke āḳhir par pahuñch kar bil-yaqīñ dam leñ

    agar kuchh tāza-dam ho jaa.eñ apne ham-safar paidā

    jo koshish muttahid ho kar kahīñ ik baar ho jaa.e

    yaqīñ hai mulk qismat beḌā paar ho jaa.e

    jahan mein har taraf hai ilm hi ki garm-bazari

    zamin se aasman tak bas isi ka faiz hai jari

    yahi sar-chashma-e-asli hai tahzib-o-tamaddun ka

    baghair is ke bashar hona bhi hai ek saKHt bimari

    banata hai yahi insan ko kaamil-tarin insan

    sikhata hai yahi aKHlaq o isar o rawa-dari

    yahi qaumon ko pahunchata hai baam-e-auj-o-rifat par

    yahi mulkon ke andar phunkta hai ruh-e-bedari

    isi ke nam ka chalta hai sikka sare aalam mein

    isi ke sar pe rahta hai hamesha taj-e-sardari

    isi ke sab karishme ye nazar aate hain duniya mein

    isi ke dam se raunaq aalam-e-imkan ki hai sari

    ye la-silki, ye telephone ye railen, ye tayyare

    ye zer-e-ab o baala-e-falak insan ki tarrari

    hudud-e-istawa qutbain se yun ho gae mudgham

    ki hai ab ruba maskon jaise ghar ki chaar-diwari

    samundar ho gae payab sahra bin gae gulshan

    kiya science ne bhi eataraf-e-ijz-o-nachaari

    buKHar o barq ka jarrar lashkar hai ab aamada

    ugalwa le zamin o aasman ki daulaten sari

    gharaz chaaron taraf ab ilm hi ki baadshahi hai

    ki us ke bazuon mein quwwat-e-dast-e-ilahi hai

    nigah-e-ghaur se dekho agar haalat-e-insani

    to ho sakta hai hal ye uqda-e-mushkil ba-asani

    wahi qaumen taraqqi ke madarij par hain faeq-tar

    ki hai jin mein tamaddun aur siyasat ki farawani

    isi ke zoam mein hai germany charKH-e-tafaKHur par

    isi ke zor par mirriKH ka ham-sar hai japani

    isi ki quwwat-e-bazu pe hai maghrur america

    isi ke bil par laDki ho rahi hai rustam-e-sani

    ishaare par isi ke naql-o-harakat hai sab italy ki

    isi ke taba-e-farman hain rusi o irani

    isi ke jumbish-e-abru pe hai england ka gharra

    isi ke hain sab aawurde francisi o albani

    koi mulk ab nahin jin mein ye jauhar ho na raKHshanda

    na ghafil is se chini hain na shami hain na afghani

    baghair is ke jo rahna chahte hain is zamane mein

    samajh rakkhen fana un ke liye hai hukm-e-rabbani

    zamana phenk dega KHud unhen qar-e-halakat mein

    wo apne hath se honge KHud apni qabr ke bani

    zamane mein jise ho sahib-e-fath-o-zafar hona

    zaruri hai use ilm-o-hunar se bahra-war hona

    taraqqi ki khuli hain shahrahen dahr mein har su

    nazar aata hai tahzib-o-tamaddun se jahan mamlu

    chale jate hain uDte shahsawaran-e-falak-paima

    KHiraj-e-tahniyat lete hue karte hue jadu

    guzarte ja rahe hain dusron ko chhoDte pichhe

    kabhi hota hai sahra mustaqar un ka kabhi Tapu

    kamar bandhe hue din raat chalne par hain aamada

    dimagh afkar se aur dil wufur-e-shauq se malul

    alag rah kar KHayal-e-zahmat o ehsas-e-rahat se

    lage hain apni apni fikr mein ba-KHatir-e-yaksu

    magar hum hain ki aslan his nahin hum ko koi is ki

    hamare pa-e-himmat in marahil mein hain be-qabu

    jahan pahla qadam rakkha tha roz-e-awwalin hum ne

    nahin sarke is apne asli markaz se ba-qadr-e-mu

    ye haalat hai ki hum par band hai har ek darwaza

    nazar aata nahin hargiz koi ummid ka pahlu

    magar wa-hasrata phir bhi hum apne zoam-e-baatil mein

    samajhte hain zamane bhar se aage KHud ko manzil mein

    zarurat hai ki hum mein raushni ho ilm ki paida

    nazar aae hamein bhi taki asl-e-haalat-e-duniya

    hamein malum ho haalat ab kya hain zamane ke

    hamare sath ka jo qafila tha wo kahan pahuncha

    jo pasti mein the ab wo jalwa-gar hain baam-e-rifat par

    jo baalak be-nishan the aaj hai in ka alam barpa

    hamari KHubiyan sab dusron ne chhin lin hum se

    zamane ne hamein itna jhinjhoDa kar diya nanga

    rawa-dari, uKHuwwat, dosti, isar, hamdardi

    KHayal-e-mulk-o-millat dard-e-qaum, andesha-e-farda

    ye sab jauhar hamare the kabhi ai wae-mahrumi

    bane hain KHubi-e-qismat se jo ab ghair ka hissa

    agar ho jaen raghib ab bhi hum talim ki jaanib

    to kar sakte hain ab bhi mulk mein hum zindagi paida

    bahut kuchh waqt hum ne kho diya hai lekin is par bhi

    agar chahen to kar den pesh-rau ko apne hum paspa

    nikamma kar diya hai kahili ne go hamein lekin

    ragon mein hai hamari KHun abhi tak dauDta phirta

    koi maKHfi hararat gar hamare dil ko garma de

    hamare jism mein phir zindagi ki ruh dauDa de

    watan walo bahut ghafil rahe ab hosh mein aao

    uTho be-dar ho aql-o-KHirad ko kaam mein lao

    tumhaare qaum ke bachchon mein hai talim ka fuqdan

    ye gutthi saKHt pechida hai is ko jald suljhao

    yahi bachche bil-aKHir tum sabhon ke ja-nashin honge

    tum apne samne jaisa unhen chaho bana jao

    bahut hi ranj-dah ho jaegi us waqt ki ghaflat

    kahin aisa na ho mauqa nikal jaane pe pachhtao

    ye hai kar-e-aham do chaar is ko kar nahin sakte

    KHuda-ra tum bhi apne farz ka ehsas farmao

    ye bojh aisa nahin jis ko uTha len chaar chhe mil kar

    sahaara do, sahaara dusron se is mein dilwao

    jo zi-ehsas hain hasil karo tum KHidmaten un ki

    jo zi-parwa hain un ko jis tarah ho us taraf lao

    gharaz jaise bhi ho jis shakl se bhi ho ye lazim hai

    tum apne qaum ke bachchon ko ab talim dilwao

    agar tum mustaiddi ko bana loge shiar apna

    yaqin jaano ki mustaqbil hai behad shandar apna

    KHudawanda! duaon mein hamari ho asar paida

    shab-e-ghaflat hamari phir kare nur-e-sahar paida

    hamare sare KHwabida qawa be-dar ho jaen

    sar-e-nau ho phir in mein zindagi ki karr-o-farr paida

    hamein ehsas ho hum kaun the aur aaj hum kya hain

    karen mahaul-e-mulki ke liye gahri nazar paida

    mila rakkha hai apne jauhar-e-kaamil ko miTTi mein

    hum ab bhi KHak se kar sakte hain lal-o-guhar paida

    agar chahen to hum mushkil watan ki dam mein hal kar den

    hazaron suraten kar sakte hain hum kargar paida

    ba-zahir go hum ek tuda hain bilkul rakh ka lekin

    agar chahen to KHakistar se kar den sau sharar paida

    watan ka nakbat o aflas kho den hum ishaare mein

    jahan Thokar laga den ho wahin se kan-e-zar paida

    hum is manzil ke aaKHir par pahunch kar bil-yaqin dam len

    agar kuchh taza-dam ho jaen apne ham-safar paida

    jo koshish muttahid ho kar kahin ek bar ho jae

    yaqin hai mulk ki qismat ka beDa par ho jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY