imtiyaz

nuur kī be-e'tinā.ī

jis tarah tārīkiyāñ

jis tarah buniyād-e-shar hai

ḳhair kī ḳhāmoshiyāñ

chhāñv jaise

dhuup kī hai bebasī

har sazā kā jis tarah radd-e-amal hai sar-kashī

jaise ik Daalī ke haiñ do phuul

ḳhauf-o-i’tiqād

ḳhud-farebī kī jaḌoñ ko ghaav pahuñchātā hai

jaise e'timād

jis tarah parchhā.īñ Thahre jazb kī kam-mā.egī

dushmanī kā tuḳhm jaise dostī

habs

jaise hai bagūloñ kā ḳhudā

jis tarah parvāz kā hai ḳhabt marhūn-e-havā

jis tarah ḳhāliq tasavvur kā dimāġh

jaise sūraj kī tavānā.ī charāġh

haañ

kuchh aisā hī ta.alluq

tere mere darmiyāñ hai

ḳhvāb sā ik rishta-e-sūd-o-ziyāñ hai

nur ki be-e'tinai

jis tarah tarikiyan

jis tarah buniyaad-e-shar hai

KHair ki KHamoshiyan

chhanw jaise

dhup ki hai bebasi

har saza ka jis tarah radd-e-amal hai sar-kashi

jaise ek Dali ke hain do phul

KHauf-o-i’tiqad

KHud-farebi ki jaDon ko ghaw pahunchata hai

jaise e'timad

jis tarah parchhain Thahre jazb ki kam-maegi

dushmani ka tuKHm jaise dosti

habs

jaise hai bagulon ka KHuda

jis tarah parwaz ka hai KHabt marhun-e-hawa

jis tarah KHaliq tasawwur ka dimagh

jaise suraj ki tawanai charagh

han

kuchh aisa hi talluq

tere mere darmiyan hai

KHwab sa ek rishta-e-sud-o-ziyan hai