intizar

muddateñ biit ga.iiñ

tum nahīñ aa.iiñ ab tak

roz sūraj ke bayābāñ meñ

bhaTaktī hai hayāt

chāñd ke ġhaar meñ

thak-hār ke so jaatī hai raat

phuul kuchh der mahaktā hai

bikhar jaatā hai

har nasha

lahr banāne meñ utar jaatā hai

vaqt!

be-chehra havāoñ sā guzar jaatā hai

kisī āvāz ke sabze meñ lahak jaisī tum

kisī ḳhāmosh tabassum meñ chamak jaisī tum

kisī chehre meñ mahaktī huī āñkhoñ jaisī

kahīñ abrū kahīñ gesū kahīñ bāñhoñ jaisī

chāñd se

phuul talak

yuuñ to tumhīñ tum ho magar

tum koī chehra koī jism koī naam nahīñ

tum jahāñ bhī ho

adhūrī ho haqīqat kī tarah

tum koī ḳhvāb nahīñ ho

jo mukammal hogī

muddaten bit gain

tum nahin aain ab tak

roz suraj ke bayaban mein

bhaTakti hai hayat

chand ke ghaar mein

thak-haar ke so jati hai raat

phul kuchh der mahakta hai

bikhar jata hai

har nasha

lahr banane mein utar jata hai

waqt!

be-chehra hawaon sa guzar jata hai

kisi aawaz ke sabze mein lahak jaisi tum

kisi KHamosh tabassum mein chamak jaisi tum

kisi chehre mein mahakti hui aankhon jaisi

kahin abru kahin gesu kahin banhon jaisi

chand se

phul talak

yun to tumhin tum ho magar

tum koi chehra koi jism koi nam nahin

tum jahan bhi ho

adhuri ho haqiqat ki tarah

tum koi KHwab nahin ho

jo mukammal hogi