intizar

zindagī lamha-e-maujūd meñ lipTī huī ik saañs se bojhal hai bahut

maut is lamha-e-lā-fānī-o-dā.im ke guzar jaane kī ummīd meñ

us paar

khaḌī hai kab se

kā.enāt apne shab-o-roz kī gardish se harāsāñ bezār

muntazir ek sadā-e-kun kī

aisī saa.at kī jahāñ

hast-o-būd aur vajūd aur adam kā ye tamāshā miT jaa.e

zaat meñ merī

isī gardish-e-roz-o-shab kā

ek bechain harāsāñ lamha

sochtā rahtā hai vo arsh-makīñ

jaane kyā soch ke ḳhāmosh hai

kuchh bole bhī

kun-fayakūñ kā tamāshā jo bahut pahle kabhī jaarī huā thā 'anjum'

us ke anjām kā elaan ab

ho jaa.e bhī

zindagi lamha-e-maujud mein lipTi hui ek sans se bojhal hai bahut

maut is lamha-e-la-fani-o-daim ke guzar jaane ki ummid mein

us par

khaDi hai kab se

kaenat apne shab-o-roz ki gardish se harasan bezar

muntazir ek sada-e-kun ki

aisi saat ki jahan

hast-o-bud aur wajud aur adam ka ye tamasha miT jae

zat mein meri

isi gardish-e-roz-o-shab ka

ek bechain harasan lamha

sochta rahta hai wo arsh-makin

jaane kya soch ke KHamosh hai

kuchh bole bhi

kun-fayakun ka tamasha jo bahut pahle kabhi jari hua tha 'anjum'

us ke anjam ka elan ab

ho jae bhi