is shahr mein ab aaina-samani karo ho

is shahr meñ ab ā.ina-sāmānī karo ho

tum jis pe azal se hī hukmrānī karo ho

ik arsa huā kūcha-e-jānāñ huā vīrān

phir bhī tum isī shahr kī nigarānī karo ho

phuul ugte the jis jā vahīñ ug aa.eñ haiñ kāñTe

kyā aise gulistāñ kī nigahbānī karo ho

har baat sar-e-bazm bhalā kartā hai koī

kyuuñ apne hī jazbāt kī uryānī karo ho

paḌ jaa.eñ haiñ afkār meñ shub.hāt kī girheñ

jab baat bhī tum sūrat-e-yazdānī karo ho

dikhlāo ho ummīd ko mauhūm sī ik lau

so.e hue jazbāt meñ tuġhyānī karo ho

dushman pe bhī tum chashm-e-karam rakkho ho apnī

kis shaan se tum us kī bhī mehmānī karo ho

kyā baat hai kyuuñ badle hue rakkho ho tevar

kyuuñ mere har ik lafz ko isyānī karo ho

uTh jaa.eñ jo is dar se batāo to kahāñ jaa.eñ

kyā faisla haq meñ mire irfānī karo ho

hastī ġham-e-daurāñ meñ miTā do ho tum apnī

phir dil ko faqat nazr-e-pashemānī karo ho

hairān hai ulfat ki is uslūb pe 'asrā'

kyā roko ho kaahe kī farāvānī karo ho

is shahr mein ab aaina-samani karo ho

tum jis pe azal se hi hukmrani karo ho

ek arsa hua kucha-e-jaanan hua viran

phir bhi tum isi shahr ki nigarani karo ho

phul ugte the jis ja wahin ug aaen hain kanTe

kya aise gulistan ki nigahbani karo ho

har baat sar-e-bazm bhala karta hai koi

kyun apne hi jazbaat ki uryani karo ho

paD jaen hain afkar mein shubhat ki girhen

jab baat bhi tum surat-e-yazdani karo ho

dikhlao ho ummid ko mauhum si ek lau

soe hue jazbaat mein tughyani karo ho

dushman pe bhi tum chashm-e-karam rakkho ho apni

kis shan se tum us ki bhi mehmani karo ho

kya baat hai kyun badle hue rakkho ho tewar

kyun mere har ek lafz ko isyani karo ho

uTh jaen jo is dar se batao to kahan jaen

kya faisla haq mein mere irfani karo ho

hasti gham-e-dauran mein miTa do ho tum apni

phir dil ko faqat nazr-e-pashemani karo ho

hairan hai ulfat ki is uslub pe 'asra'

kya roko ho kahe ki farawani karo ho